Hayot Foundation loyihasi
Loyiha haqida
Oʻz
Oʻz

Qidiruv

«irgʻi» boʻyicha 43 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tilga
Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

43 ta · 1-sahifa / 3
irgʻimoq
Izohli lugʻat · yana 5 ta lugʻatda

fl. ayn. Sakramoq.

Ariqdan irgʻib oʻtmoq.

  • Irgʻib (oʻrnidan) turmoq Chaqqonlik bilan tez, qalqib (oʻrnidan) turmoq, dik etib (oʻrnidan) turmoq. Xuddi bosinqiragan odamdek, irgʻib oʻrnimdan turdim. — N. Safarov, Olovli izlar
  • Irgʻib tushmoq Bexosdan yuqoriga koʻtarilib tushmoq, sapchib ketmoq. Oyogʻimga bir narsa tegib, irgʻib tushdim.Sodiqjon boyvachcha bu gapni eshitib, bir irgʻib tushdi. — K. Yashin, Hamza
  • Irgʻib chiqmoq Tashqariga boʻrtib, turtib chiqmoq (koʻz soqqasi, tomir va shu kabilar haqida). Irgʻib chiqqan koʻzlar. Irgʻib chiqqan tomirlar.Uning IKoʻchqorning] oftobda qoraygan oriq paylari irgʻib chiqqan, oyogʻi tarashaga oʻxshardi. — A. Ubaydullayev, Hayot oqimi
Toʻliq maqola →
irgʻitmoq
Izohli lugʻat · yana 4 ta lugʻatda

fl. 1. Irgʻimoq feʼlining orttirma nisbati.

Ilon yurgan qiyin yoʻldan

Chu deb otini irgʻitdi. — Nigor va Zamon

2. Otmoq, uloqtirmoq.

Yelkadagi yukni irgʻitmoq. Qoʻlga tushgan narsani irgʻitmoq.

Gʻulomjon qamchini mingboshining qoʻlidan yulib olib, supaga irgʻitdi. — M. Ismoiliy, Fargʻona tong otguncha.

Qoʻziboy har toshni irgʻitganda, gimnastikachilarday yengil gavdasi bilan bir irgʻib tushar va bu qiligʻidan oʻzi zavqlanib kulardi. — H. Nazir, Soʻnmas chaqmoqlar

3. Yuqoriga tomon silkimoq, koʻtarib tashlamoq.

Arava ohista yoʻl bosardi, qoʻtoslar sekin, yalqov qadam tashlar va oʻqtin-oʻqtin aravakash xoʻsh-xoʻsh! deb, quruq suyak qoʻtoslarga qamchi irgʻitib qoʻyardi. — Oybek, Nur qidirib

Yer, xuddi ot olib qochgan aravaday, kishini irgʻitib-irgʻitib tashlar edi. — A. Qahhor, Oltin yulduz

Toʻliq maqola →
irgʻishlamoq
Izohli lugʻat · yana 1 ta lugʻatda

fl. Bir necha bor yoki tinimsiz irgʻimoq, sakramoq.

-Aka! — dedi Dilbar va suyunganidan yosh boladay irgʻishlay boshladi. — J. Abdullaxonov, Tong yorishgan sohilda

Yaqinda borsam, qizchalar meni qurshab olib, irgʻishlab chapak chalishdi: Suyunchi, suyunchi deb. — A. Muxtor, Tugʻilish

Buzoq irgʻishlab oʻynab borib, govmishning yeliniga yopishdi. — T. Murod, Qoʻshiq.

Toʻliq maqola →
qirgʻin
Izohli lugʻat · yana 4 ta lugʻatda

ot 1. Kishilar koʻplab, yoppasiga qiriladigan, koʻp qon toʻkiladigan urush, jang, bosqin; xunrezlik.

Qirgʻin urush. Qirq yil qirgʻin boʻlsa, ajali yetgan oʻladi. — Maqol

Yigitlarimizga okop qazdiradimi yo miltiq ushlatib, qirgʻinga haydaydimi — bu narsa oqpodshoning ixtiyorida. — Oybek, Tanlangan asarlar

Endi avvalgidan battar qirgʻin boʻlishini sezgan bek va navkarlar Andijon qoʻrgʻoniga kirib bekina boshladilar. — P. Qodirov, Yulduzli tunlar

2. Koʻplab oʻlish, qirilish; oʻlat.

Mollarga qirgʻin keldi.

3. koʻchma s.t. Qattiq janjal; urush.

  • Qirgʻin solmoq (yoki qilmoq) 1. Koʻplab oʻldirmoq, qirmoq. Hamma qizgʻin qutlaydi Kulib turgan jangchini; Dushmanlarning boshiga Qirgʻin solgan tankchini. — Z. Diyor
Toʻliq maqola →
qirgʻiy
Izohli lugʻat · yana 3 ta lugʻatda

sft. ayn. Qiygʻir.

Donish endigina pati chiqa boshlagan palaponni olib tushganda, tepada ona qirgʻiy chuvvos soldi. — A. Dilmurodov, Osmonning bir parchasi

Bir toʻp chumchuqni bir qirgʻiy quvib yurganday, toʻp-toʻpini quvalab yuribdi. — Xoldorxon

Toʻliq maqola →
qirgʻiz
Izohli lugʻat · yana 1 ta lugʻatda

ot 1. Qirgʻizistonning tub aholisini tashkil etuvchi, turkiy tillardan birida soʻzlashuvchi xalqning nomi.

Qirgʻiz xalqi. Qirgʻiz millati.

2. Shu xalq, millatga mansub, tegishli, oid.

Qirgʻiz tili.

Toʻliq maqola →
qirgʻich
Izohli lugʻat · yana 4 ta lugʻatda

ot 1. Meva va sabzavot etini qirish uchun ishlatiladigan tishli roʻzgʻor buyumi.

Qirgʻich bilan qovoq qirmoq.

Yoshlar kabob chaynashyapti, men boʻlsa, qovunni qirgʻichda qirib yedim. — I. Rahim, Ixlos

2. Qirib, tarashlab tozalash uchun ishlatiladigan tigʻli asbob.

Mana bu joyni avval poʻlat qirgʻich bilan tozalamabsiz-da. — A. Muxtor, Davr mening taqdirimda

Toʻliq maqola →