Проект Hayot Foundation
О проекте
Ру
Ру

Поиск

По запросу «iplik» — результатов: 77

Фильтр
Раздел
Словари Диалекты
Тип словаря
Толковый Переводной Терминологический Фразеологический
С языка
Узбекский Русский Английский Каракалпакский Латинский Турецкий
На язык
Узбекский Русский Английский Каракалпакский Немецкий Казахский Туркменский Турецкий

← Все результаты

Словарные статьи

77 · страница 1 из 4
ip

ot 1. Paxta, xom ipak, zigʻir, jun va shu kabilar tolasidan ingichka qilib yigirilgan yoki yigirilmagan tikuv, toʻquv materiali.

Pishiq ip. Xom ip. Mashinaga ip solmoq. Ip gazlama.

[Alioxun] Bir necha minutdan soʻng turib ignani oldi, qayerdandir ip topib, eski, seryamoq koʻylagining yirtigʻini tikishga oʻtirdi. — Oybek,Tanlangan asarlar

Buni sotib, charm, ip, sirach, mum singari kosibchilik uchun kerakli ashyolarni oladi. — Oybek,Tanlangan asarlar

2. Umuman, bogʻlash, oʻrash va shu kabilar maqsadlar uchun qoʻllanadigan narsa (masalan, shnur, kanop, chilvir).

Botinka ipi. Mard yigit qoʻlida ajdar oʻladi, Nomard odam ipni ajdar biladi. — Maqol

Togʻasi, soʻyilgan qoʻyning ipini oldi-yu, shoshib, tashqariga chiqib ketdi. — M. Ismoiliy, Fargʻona tong otguncha

3. Pay, ichak va shu kabilardan cholgʻu asboblari uchun tayyorlangan tor.

Meli polvon dutorga achchiq qilib soʻzladi: — Seni oʻylab topgan Aflotunni koʻp aqlli odam oʻtgan deydilar-u, faqat ipingni uzilmaydigan qilib yasashga aqli yetmabdi-da. — P. Tursun, Oʻqituvchi

4. koʻchma ayn. Rishta 3.

Doʻstlik ipi. Muhabbat ipi.

Doirachi, raqqosa va sozandalar oʻrtasida tomoshabin sezmaydigan nozik aloqa ipi mavjud. — T. Obidov, Yusufjon qiziq

Hayotning koʻngli choʻkib ketdi, lekin joni chiqib qolgan umid ipini uzgisi kelmadi. Faqat kallasini qimirlatib, xoʻp deb qoʻya qoldi. — M. Ismoiliy, Fargʻona tong otguncha

5. koʻchma Yoʻl, chiziq, xat.

Uzoqda, kechaning qora chodiriga burkangan daraxtlar ustidan oʻqlar havoda olov ip chizib uchardilar. — Oybek,Quyosh qoraymas

  • Burnidan ip oʻtkazmoq Aytganiga, aytgan yoʻliga yuradigan qilmoq. Nasihat qilmang menga. Burniga ip oʻtkazaman, deb oʻylamang. — S. Zunnunova, Uzilgan ipBolaginamga ega chiqib, burnidan ip oʻtkazib oldi bu dogʻuli. — S. Ahmad, Choʻl burguti
  • Ip esholmaydi Teng yoki bas kela olmaydi. Sizning sarpolaringizni kiygandan keyin biram ochilib ketdiki jannatdagi hur-u gʻilmonlar ham uning oldida ip esholmaydigan boʻlib qoldilar. — B. Rahmonov, Mardlar qissasi.
  • Ipidan ignasigacha Butun tafsiloti bilan, mayda-chuydasigacha; batafsil. Siz ayting, axir, siyosatni ipidan ignasigacha bilasiz, men nima qilsam boʻladi endi? — P. Tursun, OʻqituvchiKechqurun otam ishdan qaytgach, onam yigʻlab-yigʻlab, voqeani ipidan ignasigacha aytib berdi. — H. Tursunqulov, Hayotim qissasi
Полная статья →
ipak

ot 1. Pilla qurti chiqargan juda ingichka, pishiq, yaltiroq, tovlanib turadigan muloyim tola va undan yigirilgan ip.

Xom ipak. Pishitilgan ipak.

Ipak tolalari sifatini yanada yaxshilash borasida olib borilgan izlanishlar ijobiy yakunlandi. — Gazetadan

Adolat qopchigʻini ochdi. Unda angishvonadan tortib, ip, ipaklargacha bor edi. — I. Rahim, Chin muhabbat

2. Shunday iplardan toʻqilgan mato, shoyi va undan tikilgan kiyim yoki buyum.

Ipak gilam. Ipak roʻmol.

Zaynab ham tamom ipaklarga koʻmilib yasangan, kecha erga tekkan yangi kelinlar suratiga kirgan edi. — A. Qodiriy, Oʻtgan kunlar

3. koʻchma Muloyim, nozik.

Botirali xotinining qalin ipak sochini silab gapirdi. — H. Gʻulom, Mashʼal

Полная статья →