Qidiruv

sft. 1. Hurmatga loyiq, hurmat-eʼtibor qozongan; izzat-obroʻga ega.

Bektemir generallarni urushning butun hikmatlarini biladigan bagʻoyat hurmatli, aziz odamlar deb bilardi. — Oybek, Quyosh qoraymas

Asqar ota bu hurmatli juvon boshqa xotinlardan raftori bilan ajralib turar, degan bir oʻyda edi, biroq, Sobiraxon yor-u doʻstlari orasida shularning biri boʻlib qolganini koʻrib, ajablandi. — A. Qahhor, Xotinlar

2. Murojaatda hurmat, takallufni ifodalaydi.

U kostyumining choʻntagidan buklogʻlik qogʻoz olib, yana Yodgorga qarab qoʻydi: Hurmatli institut rahbarlari, domlalar. — Oʻ. Hoshimov, Qalbingga quloq sol

Asrorqul xatni tovush chiqarib oʻqidi: — Hurmatli Asrorqul ota! Ertaga kechqurun mehmonlar bilan birlikda xizmatingizda boʻlamiz — A. Qahhor, Asror bobo

ot 1. Kimsa yoki narsaga boʻlgan qadrlash, ulugʻlash tuygʻusi; shunday tuygʻuli munosabat.

Ota-onaga hurmat. Keksalarga hurmat. Ustozlarga hurmat. Oʻz kasbiga hurmat.

Bu oilada oʻzaro hurmat, oʻzaro yordam, obroʻ-eʼtibor mujassamlashgan. — Gazetadan

Hurmat insonga mehnat orqali, kamtarlik, halollik orqali keladi. — Yoshlik

Mehnatga hurmat axloqning eng yuksak dasturlaridan biridir — Oybek, Nur qidirib

2. Qozonilgan, orttirilgan hurmat; obroʻ, eʼtibor.

Elda hurmati zoʻr.

Men oʻz mehnatim bilan jamoada tanildim, hurmat qozondim. — Gazetadan

Eshitishimcha, Axsida hazrati oliyni, hurmatlariga yarasha maʼraka oʻtkazib, qabrga qoʻyishganlar — P. Qodirov, Yulduzli tunlar

Oh, ona tuprogʻim, oʻsgan joylarim, Koʻnglimda saqlanar hurmating, qadring. — Mirtemir

3. Hurmat (erkaklar va xotin-qizlar ismi).

sft. 1. Hurmat-eʼtibor qozona olmagan, el ichida obroʻyi, eʼtibori yoʻq.

Hurmatsiz odam.

2. Biror kimsa yoki narsani hurmat qilmaydigan, qadriga yetmaydigan, qadrlamaydigan.

Oʻziga bino qoʻygan, oʻz manfaatini koʻzlab, kishilar mehnatiga hurmatsiz boʻlgan odam haqiqiy rahbar boʻla olmaydi. — J. Abdullaxonova, Toʻfon

fl. ayn. Hurmat qilmoq

Sozandalarni, ustozlaringizni qadrlang, hurmatlang. — T. Obidov, Yusufjon qiziq

Salom buvish yana kuldi, oʻzidan kattaligi uchun uni hurmatlab indamadi. — H. Shams, Dushman.

sft. Oʻzini izzat va hurmat etishni istovchi.

Yozuvchilar hurmattalab xalq, ammo koʻplari buni eng soʻnggi darajadagi ehtiyoj hisoblaydilar. — A. Qahhor, Sarob

fl. Hurmatlamoq feʼlining majhul nisbati.

ot 1. Hurmat-eʼtiborsiz qarash, shunday munosabatda boʻlish.

Bu ehtiyotsizlik Mirvali akaga bir hurmatsizlik yoki haqorat yuzasidan emas. — A. Qodiriy, Obid ketmon

Mahkam ularning uchovini ham oʻzidan yuqori qoʻyar va hurmat qilardi, ayni vaqtda, hozir yuz bergan hurmatsizlikni koʻngliga sigʻdirmasdi. — P. Qodirov, Uch ildiz

2. Hurmat, eʼtibor yoki obroʻ qozonmaganlik yoki oʻz qadr-qimmatini, obroʻ-eʼtiborini yoʻqotib qoʻyganlik; obroʻsizlik.

honouring, respect, esteem

Бли ТК ruschaуважать ВПinglizchato have respect for smb.nemischaRespekt haben vor D

Men mard kishilarni (kimni?) hurmat qilaman. Я уважаю смелых людей (кого?).

I have respect for daring people (whom ... for?).

Ich habe Respekt vor tapferen Menschen (vor wem?).

fl. Hurmatlamoq feʼlining birgalik nisbati.