Қидирув

фл. 1. Шошиб-пишиб, шошма-шошарлик, шошқалоқлик билан ҳаракат қилмоқ, иш тутмоқ.

Ҳовлиқиб гапирмоқ. Ҳовлиқиб ташқарига чиқиб кетди. Ҳовлиқмай секин келавер.

[Элмурод]

Жилғадан жилғага париллаб учган какликларга ўқ узар, каклик гандираклаб тушган ерга қоқила-қоқила, ҳовлиқиб югурар эди. — П. Турсун, Ўқитувчи

Барзанги зинғиллаб арава ёнига борди-ю, боягидан бешбаттар ҳовлиқиб қайтиб келди. — С. Сиёев, Ёруғлик

Киши ёшликда кўп ҳовлиқади, хато қилганини билмай қолади. — П. Қодиров, Уч илдиз

2. Безовта, ҳаяжонли ҳолатга тушмоқ, шундай ҳолатда бўлмоқ.

У вазмин, ҳар қандай шароитда ҳам ўзини тутиб туради, унча-мунчага ҳовлиқиб кетмайди. — Мирмуҳсин,Сурат

— Нима қилди опамга, аяжон, бундоқ тушунтириб айцангиз-чи, ахир! — деди ҳовлиқиб. — К. Яшин, Ҳамза

Ҳовлиққанимдан ҳаллослаб, ўпкам тиқилиб қолган экан, бувим жон ҳолатда дивандан туриб кетди. — Ҳ. Назир, Ёнар дарё

фл. Ҳовлиқмоқ феълининг биргалик нисбати.

сфт. 1. Иш-ҳаракатда ўйламасдан, ўта шошма-шошарлик қиладиган, ҳовлиқаверадиган.

Мирсаид аканинг ўғли енгил табиат, ҳовлиқма, асабий бир йигит эди. — М. Осим, Аждодларимиз қиссаси

Шу ишнинг шундай бўлишига ҳам Бўтанинг ўзи айбли, ўлгудек ҳовлиқма. — С. Аҳмад, Ҳукм

2. Иш-фаолиятда, муомалада ўзини қўлга ололмайдиган, ўзича пала-партиш иш тутадиган.

Биласизлар, жамоатчи бўлиб сайланса, боши осмонга етиб, ҳеч кимни писанд қилмайдиган ҳовлиқмалар бор. — П. Қодиров, Уч илдиз

Бу кун унинг [Ёрматнинг] бошида янги, лекин беўхшов дўппи. Амалга минган ҳовлиқма одамдек бурнини кўтарган, юзи маънисиз жиддий ва мағрур. — Ойбек, Танланган асарлар

от с.т. айн. Ҳовлиқма.

— Ишдан, қийинчиликдан қочмайман, деб қасамёд қилганман, — Тожиқўзи шу гапларни айтди-ю, унинг эсига бир нарса тушди. Кеча тоғам ҳовлиқмачи билан гап талашганда, шу фикрларини унга айтмабди-да. — Газетадан

от 1. Ҳовлиқиб иш тутиш.

Бу ишда ҳовлиқмалик кетмайди.

Ҳовлиқмалик сендан ўтиб, менга келгани ёʻқ. — Э. Раимов, Ажаб қишлоқ

2. Ҳовлиқма эканлик.

Нури бир оз ўйлади, онасининг ҳовлиқмалигидан ва бу сирни эркакка ҳам, аёлга ҳам ёйишга тайёрлигидан чўчиди. — Ойбек, Танланган асарлар

Бўронбек унинг ҳовлиқмалигини билар эди. — Ҳ. Ғулом, Машъал

фл. Ҳовлиқмоқ феълининг орттирма нисбати.