Hayot Foundation лойиҳаси
Лойиҳа ҳақида
Ўз
Ўз

Қидирув

«газли» бўйича 116 та натижа

Филтр
Бўлим
Луғатлар Эртаклар
Луғат тури
Изоҳли Таржима Терминологик
Тилдан
Ўзбекча Русча Инглизча Қорақалпоқча Франсузча Туркча
Тилга
Ўзбекча Русча Инглизча Қорақалпоқча Немисча Франсузча Арабча Қозоқча Туркманча Туркча

← Барча натижалар

Луғат мақолалари

116 та · 1-саҳифа / 6
газли
Изоҳли луғат · яна 4 та луғатда

сфт. (қ. Газ узунлигидаги газ И 1).

Сўнгроқ тепанинг ўртасидан катта доиравий қадди етти газли бир супа қилиб, устига бир шийпон солади. — А. Қодирий, Обид кетмон

Тўлиқ мақола →
газ
Изоҳли луғат · яна 13 та луғатда

от 1. эск. Метрик система қабул қилинганга қадар ишлатилган, 0,71 метрга тенг узунлик ўлчови бирлиги; аршин.

Нуриой, ойингиздан тўрт газ чит олиб берасиз, албатта. — Ойбек, Танланган асарлар

Бердибой тепанинг мўлжалга келган жойидан ўн беш газ чамаси жойни кесиб туширди. — А. Қодирий, Ғирвонлик Маллавой

2. Шу узунликдаги ўлчов асбоби.

Букма газ.

Ҳинди қўлидаги газни пештахтага қўйди. — М. Исмоилий, Фарғона тонг отгунча

Турсунбой очилган қўриқни аввал қадам-бақадам, сўнг газ билан ўлчаб кўрди. — Ўзбекистон қўриқлари

  • Ўз гази билан ўлчамоқ Бирор ишга, ҳодисага ўзича, ўз нуқтаи назари билан баҳо бермоқ. Ҳамма нарсани ўз гази билан ўлчайдиган Абдураҳим, ўзи ёлғончи бўлгани учун, ҳеч кимнинг гапига ишонмайди. — Муштум
Тўлиқ мақола →
газа
Изоҳли луғат · яна 3 та луғатда

от шв. Адир, дўнг, баландлик.

Кўп гапиргандан кўра, қўлингга белни олда, газага чиқ. — Ёшлик

Бугун катта газанинг мачитида гап бўлди. — Ш. Холмирзаев, Қил кўприк

Очил буларнинг юриш қилганини кўриб бир газанинг панасига ўтди. — Фозил шоир, Очилдов

  • Оч газа Икки чўққи, дўнг оралиғи.
Тўлиқ мақола →
ғазаб
Изоҳли луғат · яна 8 та луғатда

от Кучли даражада аччиқланиш ҳисси; қаҳр, жаҳл.

Ғазаб қилмоқ. Ғазаб билан гапирмоқ. Ғазабдан тушмоқ.

Кечқурун жамоат жам бўлганда, ғазабдан кўкариб кетган кампир етти пуштидан қолган уч бойлам васиқани ўртага кўтариб урди. — А. Қаҳҳор, Қўшчинор чироқлари

Одамлар Бувиражабни ушлашди. Унинг кўзларига ҳамон ёш келмас ғазабдан ҳансираганча, қалт-қалт титраб ўтирарди. — Ёшлик

  • Ғазаб қилмоқ Бирор ишни бажаришга мажбурлаш билан ёки бошқа тарзда жазоламоқ. Отаси уч ўғлига ғазаб қилибди: — Топсаларинг — топдиларинг, бўлмаса, бошларинг ўлимда, — дебди. — Зумрад ва ҚимматШоҳимиз ғазаб қилдилар, мен ҳам банди бўлиб келдим. — Нурали
  • Ғазабига олмоқ Хон бир бегуноҳ одамни ғазабига олиб, тошбўрон қилдирибди, тош отмаган одам қолмасин, деб ўзи тепасида турибди — А. Қаҳҳор, Қўшчинор чироқлариУлар бир тўда солдат билан беҳол ётган Пўлат отанинг тепасига келишди. Уни ғазабга олишди, аврашди — натижа чиқмади. — К. Яшин, Ҳамза
  • Худонинг ғазаби Бу бола — худонинг ғазаби.
Тўлиқ мақола →
газак
Изоҳли луғат · яна 5 та луғатда

от Яранинг, шикастланган жойнинг яллиғланган, йиринг олган ҳолати.

Халқ жуда кўп шишларни пахтадоғ билан даволайди. Агар бу шиш газак шиши бўлса, пахтадоғ фойда қилади. — А. Қаҳҳор, Қўшчинор чироқлари

  • Газак олмоқ Қулоғимнинг яраси газак ола бошлади. — Т. Рустамов, Мангу жасоратРадиодан эшиттирилган кичкина хабар туфайли бошланган жанжал газак олиб, катталашиб кетди. — МуштумАъзамжон бу гаплар шунчалик газак олиб кетишини ўйламаган эди. — С. Аҳмад, Уфқ
Тўлиқ мақола →
газан

от Косибларнинг чарм қирқадиган махсус пичоғи.

Тоғам Эгамберди қўлимдан газанни йириб олади-да, қиймаланган чармларни йиғиштиради. — Ойбек, Болалик

Тўлиқ мақола →
ғазна
Изоҳли луғат · яна 3 та луғатда

от с. т. Хазина.

— Лочинимга балли, қайта таноб урдириб, ғазнамни тўлдирди, офарин, офарин! — деди хон Шерназарбойга. — Ж. Шарипов, Хоразм

Тўлиқ мақола →