Hayot Foundation loyihasi
Loyiha haqida
Oʻz
Oʻz

Qidiruv

«gʻoʻrlik» boʻyicha 58 ta natija

Filtr
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha Fransuzcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

58 ta · 1-sahifa / 3
gʻoʻrlik
Izohli lugʻat · yana 1 ta lugʻatda

ot Gʻoʻr holat, gʻoʻr ekanlik; xomlik. Mevaning gʻoʻrligi.

Shu bilan Saidiyning gʻoʻrligi natijasida tugʻilgan xavf bosildi. — A. Qahhor, Sarob

— Kechiring, mendan koʻp gʻoʻrlik oʻtdi, — dedi Nafisa. — Sh. Gʻulomov, Yorqin ufqlar

Toʻliq maqola →
goʻr
Izohli lugʻat · yana 9 ta lugʻatda

ot 1. Oʻlikni koʻmish uchun qazilgan chuqur.

Birovga goʻr qazisang, oʻzing yiqilasan. — Maqol

Goʻringdan tutun chiqqur! Goʻringda chirigur! — (qargʻ.)

Toʻpa xolaning yonida ochiq goʻr gʻorga oʻxshab, allaqanday vahima taratib, qorayib turibdi. — I. Rahim, Ixlos

2. Oʻlik koʻmilgan joy va shu yerda tiklangan tepacha; qabr; qabr ustiga qurilgan maqbara.

Qayerga borasiz, Qulbobo ajalingiz yetsa, otamizning goʻri yoniga siz uchun katta bir sagʻana yasab, sizni eltib koʻmamiz. — S. Ayniy, Qullar

3. mod. s. GOʻRGA. 1. “Yaxshi“, ishqilib maʼnolarida qoʻllanadi.

U(yigit) ilkis atrofga nazar tashlab, yuragini birdan vahm bosdi: ne boʻronda qolib ketmasa goʻrga edi. — M. Mansurov, Yombi

4. Kesim tarkibida kelib, rozilik, istak va shu kabilar maʼnolarni ifodalaydi.

Foydasini bermasa ham goʻrga, sakkiz ming soʻmni qaytarsin. — A. Qahhor, Sarob

— Qariganda meni bir baloga giriftor etmasang goʻrga edi, — deya qichqirdi [Zohir shayx]. — S. Siyoyev, Yorugʻlik

  • Goʻr azobi Juda ham qiyin, mashaqqatli ish haqida. Yoʻl azobi —goʻr azobi. Maqol. Goʻr azobida Azob va mashaqqat bilan, katta qiyinchiliklar bilan.
  • Goʻrdami
  • Goʻriga gʻisht qalamoq Birovni orqavoratdan soʻkmoq, haqorat qilmoq, qoralamoq.
  • Goʻrnimi Qayoqda deysiz, hech-da. Bu safar silab-siypab oʻtibdimi? — Goʻrnimi?
  • Bir oyogʻi toʻrda, bir oyogʻi goʻrda yoki yoʻlidan goʻri yaqin Oʻlay deb turibdi, oʻlimi yaqin (oʻlimi yaqin boʻlib qolgan qari odam haqida). Bir oyogʻim toʻrda-yu, bir oyogʻim goʻrda, ajal degan roʻdapo eshikning tirqishidan moʻralab turibdi-yu, qolgan besh kunimga shukur qilmay, yana orzu-havas qilaymi, aylanay ovsin! — A. Muxtor, Opa-singillar
  • Ota goʻri qozixonami? Arzimagan ishga, narsaga ham shuncha gʻalva-janjalmi? [Hasan] Turmasang turmassan. Shunga ham ota goʻri qozixonami! Men Zuhra bilan narigi uyga oʻtaman. N. Safarov, Kimga toʻy, kimga aza.
  • [Oʻz] goʻriga tortmoq Birovni oʻz jinoyatiga sherik qilmoq; oyogʻidan tortmoq. U, Olaxoʻjani oʻz goʻriga tortmay, oʻsha yoqda yoʻq boʻlib ketsa koshki edi. — P. Tursun, Oʻqituvchi
  • Qay(si) goʻrga Qaysi goʻrga yoʻqolding, bachchagʻar! — oʻshqirdi Boboqulga qarab. — Oʻtni yoq. Bir piyoladan choy ichib, yoʻlga tushaylik! — S. Anorboyev, Oqsoy
  • Qay(si) goʻrda Ahmadjon aka! Qaysi goʻrda yuribsiz? Telefon qilmagan joyim qolmadi. — A. Qahhor, Ogʻriq tishlar
  • Qay(si) goʻrdan Qayerdan, qayoqdan; qayerdandir. [Rokiya:] Turgʻunboy — Farhodu, Muhabbat — Shirin edi. Qaysi goʻrdan bir xat keldi-yu, oralariga sovuqlik tushdi-qoldi. — N. Safarov, Hayot maktabi
  • Hammasi (yoki bari) bir goʻr Hammasi ham bir (xil), birdek, farqi yoʻq. — Koʻp oʻtmay, u meni yana boshqa joyga topshirdi. Bu boy dargohida oʻtgan hayotim eslashga arziydimi? Yoʻq. Hammasi bir goʻr edi, — dedi Hamroqul. — H. Tursunqulov, Hayotim qissasi
  • Har kimning goʻri boshqa Har kimning ixtiyori oʻzida, har kim oʻz bilganini qiladi. Karomat undoq boʻlib ketdi, indamadim; mayli, bunisiga ham bir nima demayman, har kimning goʻri boshqa, menga nima. — A. Qahhor, Qizlar
Toʻliq maqola →
gʻoʻra
Izohli lugʻat · yana 6 ta lugʻatda

ot 1. Oʻrikning pishib yetilmagan mevasi, dovuchcha.

Bahor edi. Oʻriklar gulini toʻkkan, gʻoʻralar qinidan chiqib, yesa ogʻiz maza topadigan boʻlib qolgan. — Oydin, Sadagʻang boʻlay, komandir.

Toshxoʻja qayoqqa ketayotganini ham unutdi shekilli, shoʻxligi tutib, shoxlari devordan oshib yotgan oʻrikdan bir hovuch gʻoʻra sidirib, ogʻziga soldi. — A. Muxtor, Chinor

Suvonjon ogʻzidagi gʻoʻrani u lunjidan bu lunjiga oʻtkazarkan, hayron qoldi. Yongʻoqda oʻrik bitmaydi-ku? — S. Anorboyev, Oqsoy

2. Umuman, pishib yetilmagan meva, gʻoʻr meva.

Olcha gʻoʻrasi, Sabr qilsang, gʻoʻradan halvo bitar. — Maqol

Tok gullab boʻlganidan keyin, gullar gʻoʻraga aylanganda oʻtkaziladigan ikkinchi xomtokni esa gʻoʻra xomtok deyishadi. — M. Sobirov, Xomtok

3. koʻchma ayn. Gʻoʻr 3.

Qutulish tadbirini izlab turganda, gʻoʻra qiz yangi taʼna, yangi oʻpka bilan yigit yuragini tirnardi. — M. Ismoiliy, Fargʻona tong otguncha

Nurmat hali pishmagan — gʻoʻra, Yetgani yoʻq hali tobiga. — D. Fayziy.

Toʻliq maqola →
gorn
Izohli lugʻat · yana 3 ta lugʻatda

ot Misdan yasalgan va xabar qilish (berish) yoki chaqirish uchun moʻljallangan puflama musiqa asbobi.

Sado berdik gorndan, Oftob turdi oʻrindan. — E. Vohidov, Muhabbat

Buloq-hovuzdan usti-ustiga yangragan gorn ovozi bogʻlar, dalalarda oʻynab yurgan bolalarni oʻz tomoniga chorladi. — . Nazir, Soʻnmas chaqmoqlar

Toʻliq maqola →
gʻorat
Izohli lugʻat · yana 1 ta lugʻatda

ot esk. kt. Talon-toroj; buzgʻunlik.

Gʻorat boʻlmoq. Gʻorat qilmoq.

Qurdik ne-ne imorat, Ammo bilmadik gʻorat. — M. Ali

Ammo na rahm bor va na adolat: Elni zolim shunday etmishdir gʻorat. — Mirtemir

Shu tariqa, fahsh botqogʻiga botgan imperator Rim imperiyasi xazinasini gʻorat qilib jar yoqasiga olib kelganini biladi. — Tafakkur

Toʻliq maqola →
goʻrkov
Izohli lugʻat · yana 6 ta lugʻatda

ot 1. Qabristonda goʻr qazuvchi kishi.

Qoratoy cholni uyda qoldirib, Oʻroz bilan birga mozorga, goʻrkovga joʻnadi. — Oybek, Tanlangan asarlar

2. koʻchma Yoʻq qiluvchi; yoʻq qilib, oʻrnini oluvchi.

Qozi ham, Asad qori ham jadid maktablariga qarshi edi, ular bu xil maktablarga diniy maktablarning goʻrkovi deb qarar edilar. — M. Ismoiliy, Fargʻona tong otguncha.

Toʻliq maqola →
gormon
Izohli lugʻat · yana 1 ta lugʻatda

ot fiziol. Ichki sekretsiya bezlaridan ajralib chiqib, qonga qoʻshiladigan modda.

Organizmda oqsil yetishmasa, gormonlar ham kam ishlab chiqariladi. — Gʻ. Mahkamov, Salomatlik garovi

Toʻliq maqola →