Қидирув

сфт. 1. Яхши, тузук.

Дуруст одам,

Ҳусайн Бойқаро ҳарбий санъатни дуруст билар эди. — Ойбек, Навоий

Шундай қарорга келингани анча дуруст бўлган экан. — А. Қаҳҳор, Қўшчинор чироқлари

2. крш с. взф. Маъқул, яхши, ўринли.

Райимбойнинг қишлоғиданми? Ҳа, дуруст. — С. Аҳмад, Уфқ

Дуруст, мен гапингизга ишонаман, лекин ановларни ишонтириш учун кучли далил керак. — М. Исмоилий, Фарғона тонг отгунча.

3. Соғ, тетик, соғ-саломат.

Мурод энди ўзини анча дуруст сезарди. — Т. Ашуров, Оқ от

Терговчи келганида, Қудратулло ўзини анча дуруст ҳис қиларди. — С. Юнусов, Кутилмаган хазина

4. Мўл, кўп, унумли.

Бу йил сабзавот экинларидан ҳам дуруст ҳосил олинади. — Газетадан

Сидиқжон тушки дам олишдан кейин кечгача хийла дуруст ишлади. — А. Қаҳҳор, Қўшчинор чироқлари

5. Муносабати яқин ва жойида, ўзаро қалин.

Уста Турдиали худо билан дуруст эди, уч ярим яшар қизчаси ўлди-ю, ораси бузилди. — А. Қаҳҳор, Қабрдан товуш

от Яхшилик ҳолати, кўнгилдагидек ҳолат.

Дурустлиги шуки, ўзи доктор! Доктор бўлганда ҳам, чаққонгина доктор экан. — А. Қаҳҳор, Оғриқ тишлар

фл. Ўз ҳолига келтирмоқ, ўрнига қўймоқ, яхшиламоқ, тузатмоқ.

Ҳозир буни омонат қўйиб кетай, эрта оқшомгача биров сезмаса, дурустларман. — Ҳамза, Асарлар

фл. Дурустламоқ феълининг мажҳул нисбати.

фл. Дурустламоқ феълининг орттирма нисбати.

фл. 1. Дурустламоқ феълининг биргалик нисбати.

2. Дуруст бўлиб қолмоқ, тетикланмоқ, яхшиланмоқ.

Кечга яқин Гулнорнинг руҳи анча енгиллашди, иссиғи озайди, нафас олиши ҳам аста-аста дурустлашди. — Ойбек, Танланган асарлар

жуфт с. Ўринли-ўринсиз, ўйламай гапирилган; тўгри-нотўғри.

Дуруст-нодуруст сўзга сабр айлаган Эрур яхши ҳозиржавоб лақмадан. — Ақл ақлдан қувват олади

сфт. с. т. Дуппа-дуруст, туппа-тузук, яхшигина.

сфт. Яхшигина, бинойидек.

Дуппа-дуруст дўппи. Дуппа-дуруст ёзяпти.

Мен шу машинада дуппа-дуруст пахта териб берган механик-ҳайдовчиларни биламан. — Н. Сафаров, Узоқни кўзлаган қиз

сфт. Унчалик дуруст эмас; чакки.

Шу дуруст бўлдими, нодуруст бўлдими? Сени ўйлар эди. — А. Қаҳҳор, Сароб

рвш. 1. Тўсатдан, қўққисдан, бирдан, кутилмаганда.

Дабдурустдан киришга ботинолмай туриб қолдим. — Ф. Мусажонов, Ҳиммат

Унинг дабдурустдан пўписа қилиши нафсониятимга тегди. — Ёшлик

Дабдурустдан айтилган гапга Норхолнинг кулгиси қистади. — Ёшлик

2. Дастлаб, аввал, бошда; дарров.

Ҳайдар ота уни [Асрорқулни] дабдурустдан танимади. — А. Қаҳҳор, Асрор бобо

Аҳмад остона ҳатлаб ичкари кирди. Дабдурустдан нима иши борлигини айтолмади. — Ф. Мусажонов, Ҳиммат

Дабдурустдан гапни шундай бошласанг, чўчитиб юборасан. Р. Файзий, Ҳазрати инсон.