ot 1. tar. Xon-amirlar davrida jazoga mahkum etilgan kishilarni savalash uchun qayishdan oʻrib yoki tikib yasalgan qalin enli qamchi.
Zaxzindonlarda darra yeb, badanlari qavargan begunoh kishilar, pok diydalar yotar edi. — Sh. Toshmatov, Erk qushi
Zum oʻtmay bir oʻram chilvir bilan toʻrt enlik qalin darra olib chiqdi. — S. Siyoyev, Avaz
2. Xalq oʻyinlaridan biri va shu oʻyinda yutqazgan kishini urish uchun roʻmol yoki belbogʻdan eshib qilingan qamchi, arqoncha.
3. koʻchma Kuch, qurol; vosita.
Zamonaviy qiziqchilar koʻproq eskilikning kishilar turmushi va tushunchasidagi koʻrinishlarini satira darrasi bilan ayamay savalaydilar. — M. Qodirov, Hajv, xanda va qahqaha
- Darraga yotqizmoq Darra bilan jazolash uchun yotqizmoq, yotqizib darra bilan urmoq, darralamoq. Benamozlardan birini darraga yotqizib, hadeb uni urmoqda edilar. — MushtumMenda boshqalarning oʻgʻlini darraga yotqizish chogʻida koʻndalang keladigan vijdon bor, diyonat bor. — A. Qodiriy, Oʻtgan kunlar