Қидирув

от 1. Барги дамлаб ичиладиган, жанубий ўлкаларда ўсувчи доимий яшил бута дарахти, бута.

Чой плантациялари.

Чой ўсимлиги 2-3 ёшлик бўлганда, тупларга шакл берилади, ён шохлар кесилади. — Ўзме

2. Шу ўсимликнинг қуритиб махсус ишланган, майдаланган, дамлаб ичиладиган барглари.

Кўк чой. Ҳинд чойи. Сейлон чойи. Грузин чойи. Бир дамлам чой. Чой қути.

Кўкрагимда войим қолди, уч юмалоқ чойим қолди. — Эргаш, Жуманбулбул ўғли.

Кўк чойни кўк чойнакка дамлаб, кўк кўзли, кўйлаги кўк Каримга бердими? — Тез айтиш.

3. Шу ўсимликнинг махсус ишланган, майдаланган баргларидан дамланган хушбўй ичимлик.

Бир пиёла чой. Аччиқ чой. Иссиқ чой. Яхна чой.

Ҳиндининг ичгани асл чой бўлар. — Гулнорпари

4. Шу ичимлик билан бирга овқатланиш.

Эрталабки чой. Тушки чой.

Сидиқжон чойни кутмай, ишга кетди. — А. Қаҳҳор, Қўшчинор чироқлари

[Анзират хола] Чой маҳалида гоҳ кулиб, гоҳ йиғламсираб, ўзи, болалари тўғрисида гапирди. — А. Қаҳҳор, Қўшчинор чироқлари

от 1. Пўлат ҳосил қилиш ёки қуйма деталлар тайёрлаш учун ишлатиладиган, углерод билан темирдан, шунингдек, жуда оз миқдордаги бошқа қўшилмалардан иборат қотишма (пўлатга нисбатан мўртроқ ва кам болғаланувчан бўлади).

Оқ чўян.

Чўяндан қаттиқдир ботир бадани. — Юсуф ва Аҳмад

2. сфт. Чўяндан тайёрланган, чўяндан қилинган.

Жоннинг роҳатида бу мўрча. Чўян бандли печкани ёқишингиз билан, қозонда сув исийди. — Ў. Ҳошимов, Икки эшик ораси

от Чой идиш, чой қути.

от Чой етиштирувчи деҳқон ёки хўжалик.

Грузия чойкорлари. Чойкор жамоа хўжалиги.

от Чой дамлаб ичиладиган, жўмракли ва дастали идиш, уй-рўзғор асбоби.

Чинни чойнак. Мис чойнак. Бир чойнак чой.

Нусратбек устига сочиқ ёпилган чойнакдаги чойни қайтариб, бир пиёлага қуйди. — С. Нуров, Майсаларни аёз урмайди

Бўта чойнакнинг қопқоғини тескари ёпиб, иккита беш тийинликни ташлаб, ўрнидан турди. — С. Аҳмад, Қиссалар

от 1. Чойни яхши кўрадиган, кўп чой ичадиган.

[Анвар] Сўриларда чойхўрлар чордана қуриб ўтирган чойхона олдидан югуриб ўтди. Ў. — Ҳошимов, Қалбингга қулоқ сол

Ҳозирда ер куррасида яшайдиган аҳолининг бир ярим миллиарддан зиёди чойхўр ҳисобланади. — Газетадан

2. Чойхонада чой ичувчи, мижоз.

Куз ҳавосининг суякларни зирқиратувчи совуғига қарамай, гузарда чойхўр кўп эди. М. Исмоилий, Фарғона т. — о.

от Чўл-қумда ўсадиган, хушбўй, оч бинафшаранг гулли кўп йиллик ўцимон ўсимлик.

от Сув, чой қайнатиладиган металл идиш, қумғон.

н ўзбекчачойхонарусчачайная

от Дала-даштда сув, чой қайнатиш учун ясалган қурилма; учоёқ.

от айн. (чой пули) чойчақа.

от Ўрин-тўшак устига ёзиладиган ялангқават тўртбурчак мато, ёпинчиқ.

Оқ чойшаб.

[Полина] Қўлтиғидаги чойшаб ва адёлларни бурчакдаги бўш каравот устига қўйиб, бирин-кетин ёзди. — Ш. Холмирзаев, Бодом қишда гуллади

Бирлашмада чойшаб ва ёстиқ жилди тикилади. — Газетадан

от Чой ичиб, тамадди қилиб, ҳордиқ чиқариладиган жамоат жойи; самовар, самовархона.

Маҳалла чойхонаси. Оталар чойхонаси. Чойхонада уч-тўрт чол чақ-чақ суҳбат қилади.

Бозордаги чойхоналарнинг ҳаммаси сершовқин ва тўполон бўлади. — Ф. Мусажонов, Ҳиммат

арабчаإكرامية IkraamiyyaрусчачаевыеинглизчаTip (НДС)

от 1. Кўча-кўйдаги майда харажатлар учун мўлжалланган оз миқдордаги пул; чой пули.

Ота чойчақага муҳтож бўлиб, бозор кунлари Қўйлиқда ҳаммоллик қилди. — Ҳ. Ғулом, Машъал

2. Унча-мунча хизмат учун бериладиган ҳақ, хизмат ҳақи.

Агар Шоқосим иш билан ўзини ёқтирса, хўжайин ўз билича чойчақа ҳам бериб туради. — Ойбек, Танланган асарлар

3. Тақчил молни топиб бергани учун дўкончига бериладиган устама ҳақ, пул.

Ўғли қанча овора-саргардон бўлиб, магазинчиларга чойчақа бериб олиб келган нарсаси қувонч бағишлаш ўрнига, айвонда чанг босиб турса — С. Нуров, Нарвон

Chaibalsan

н tea cultivation

от Чой савдоси билан шуғулланувчи тижоратчи.

Тимнинг икки томонидаги қатор дўкон-расталарда чойфуруш эронийлар улгуржи савдони кутардилар. — Ш. Тошматов, Эрк қуши

от Чой ичиб, суҳбатлашиб ўтириш.

Меҳмонлар чойхўрлик қилаётиб, футбол, шахматдан гап бошлашди. — С. Нуров, Нарвон

Уч-тўртта қариялар эса ўрик тагидаги каттакон супада чойхўрлик қилишарди. — Шарқ юлдузи