n luck, happiness
Qidiruv
«baxtlilik» boʻyicha 17 ta natija
Filtr
Lugʻat turi
Lugʻat maqolalari
17 ta
Izohli lugʻat
· yana 7 ta lugʻatda
ot 1. ijt. Kishining oʻz faoliyati natijalaridan, hayotda qoʻlga kiritgan yutuqlaridan toʻla qoniqishi, yashash tarzidan mamnunligi, muayyan maqsadga yetgani, orzu-umidining ushalishi sifatida namoyon boʻladigan maʼnaviy-axloqiy tushuncha.
2. Hayot (turmush)dan toʻla mamnunlik va bearmonlik holati; saodat, qut.
Mehnat — baxt keltirar. Maqol.
Ona-yer nafasiga, mehriga, inʼomlariga toʻyib yashashdan ortiq baxt bormi? — Saodat
3. Omad, tole; iqbol.
Uf, nima ish qilsam, ketga qarab ketadi, xolos, mening baxtim qursin. — Hamza, Tuhmatchilar jazosi
— Ani shu qizlar safida menga ham joy bordir, — deb oʻyladi Adolat. — Baxtimni bir sinab koʻray-chi? — I. Rahim, Chin muhabbat
Hamma gap peshonada, taqsir Peshona shoʻr boʻlgandan keyin, unda baxt guli unadimi! — H. Gʻulom, Mashʼal
- Baxti kulmoq (yoki ochilmoq) Baxtiyor hayotga, xushnud onlarga erishmoq; baxtli, baxtiyor boʻlmoq. Ajab emas, baxti ochilib, Gulnor ham yaxshi, obroʻli joylarga kelin boʻlsa. — Oybek, Tanlangan asarlarQisqasi, boladan baxtim ochilmadi, doʻstim. — T. Ashurov, Oq ot
- Baxting ochilsin yoki baxtingni bersin Yoshlarga muhabbat va shirin oilaviy turmush tilash shakli. Iloyo, baxtingni bersin, yaxshi qayliqqa uchrab, bu kunlaring unut boʻlsin, bolam! — Oydin, Chaqaloqqa chakmoncha
- Baxti qora (yoki qaro) Turmushdan yolchimagan; baxtsiz. [Xolisxon:] Aziz doʻstlar, netay, baxti qaro boʻlganga yigʻlayman, Azizimdan tirik, oʻlmay judo boʻlganga yigʻlayman. — Hamza, Paranji sirlari
- Baxt qushi (baxti humoyun) boshiga qoʻndi Baxti, omadi keldi, ishi yurishdi. Nega boshingga qoʻngan baxt qushini kaltak olib quvlaysan? — S. Ahmad, Ufqboshimizga qoʻngan bu baxti humoyunni uchirib yubormaslik uchun hali ancha harakat qilishimiz kerak. — K. Yashin, Hamza
- Baxtga (baxtimga, baxtimizga, baxtiga Baxtimizga, zamon oʻzgarib, bunday yaxshi kunlarga yetdik. — E. Rahim, Yangi qadamEndi musofir qizingizning baxtiga siz oʻlmang. — A. Qodiriy, Oʻtgan kunlar
- Baxtga qarshi Mariyaning baxtiga qarshi, amaki sil kasalligiga uchrab, ishdan qoldi. — Oybek, Tanlangan asarlar
- Baxtdan koʻrdim (baxtimdan koʻraman) Tavakkal, nima boʻlsa boʻlar.
- Baxti bogʻlanmoq yoki baxtiga kuya tushmoq Oilaviy omadsizlik; farzandsizlik. Siz tugʻmas ekansiz, baxtingiz bogʻlangan — K. Yashin, HamzaSen uning borligin unutma sira, Unutsang baxtingga kuya tushadi. — Shuhrat, Yoshligimning davomi
- Baxti kulmoq (yoki chopmoq) . Omadi yurishmoq, baxtga erishmoq. El boqsa, baxting kular, El boqmasa, taxting qular. — MaqolBir soʻz aytay, senga malol kelmasin, Baxting chopsin, zafaring hech qaytmasin. — Malikayi ayyor
- Baxti ochilmoq Baxtli, baxtiyor boʻlmoq; turmushga chiqmoq, oilali boʻlmoq. Qizining baxti ochilmayotganidan kuygan ona boshini tizzalariga qoʻyib, hasrat bilan yum-yum yigʻladi. — S. Nurov, Maysalarni ayoz urmaydi
Izohli lugʻat
· yana 5 ta lugʻatda
sft. 1. Oʻz hayotidan mamnun, baxti kulgan; baxtiyor.
Baxtli qiz.
Bunday baxtli yoshlik bir marta keladir. Zavqini surib qoling, aylanay. — P. Qodirov, Yulduzli tunlar
Ilohim, baxtli boʻl! Onangga, otangga rahmat, senga ish oʻrgatishibdi. — Oybek, Tanlangan asarlar
2. ayn. Baxtiyor 2.
— Ha, mayli, — dedi xoʻrsinib [Qirmizxon], — Siz bilan oʻtkazgan onlarimni shu notavon umrimning eng baxtli damlari deb bilaman. — N. Aminov, Qahqaha
U bu uyda eng shirin, baxtli kunlarini oʻtkazdi. — S. Zunnunova, Koʻk chiroqlar
3. Toley baland, omadi bor, omadli.
Baxtli ovchiga choʻloq kiyik yoʻliqar. — Maqol
Aylanay, kuyov bola, baxtli yigit ekansiz, shunday odamlarga oʻgʻil boʻlibsiz. — Mushtum
Izohli lugʻat
· yana 5 ta lugʻatda
sft. 1. Baxtga erishmagan, baxti kulmagan, baxti qora.
Ona bolasining baxtini koʻrolmay, baxtsiz boʻlgani uchun yigʻlar edi. — M. Ismoiliy, Fargʻona tong otguncha
Loaqal bu baxtsiz singlingiz uchun birgina bosh ogʻritsangiz-chi. — A. Qodiriy, Oʻtgan kunlar
Biroq Anvar oʻqishda qancha baxtli boʻlsa, peshonada oʻshancha baxtsiz edi. — A. Qodiriy, Mehrobdan chayon
2. Hayoti kulfat, dard-alam bilan toʻlib-toshgan, turmush lazzatidan bebahra, roʻshnolik koʻrmagan.
Bolam, shu mushtipar, shu baxtsiz onangning yarasiga tuz sepmasang, yurak-bagʻrini qon qilmasang, dadang keltirgan xabarni aytaman. — Oybek, Tanlangan asarlar
3. Biror-bir koʻngilsiz hodisaga uchragan; bechora.
Muhammadjon singari bolalar, Abduaziz ota singari chollar, kampirlar, oʻlim toʻshagida yotgan bemorlar, baxtsiz mayiblar oz boʻlganmikan? — A. Qahhor, Oltin yulduz
Nima, buni mashina mayib qilibdimiki, baxtsiz hodisa desa — K. Yashin, Hamza
Ilhomjon oʻz odatiga koʻra, yana baxtsiz hodisalar, oʻlim-yitim haqida gapira boshladi. — N. Aminov, Qahqaha
Izohli lugʻat
· yana 5 ta lugʻatda
sft. 1. Oʻz hayoti, toleidan mamnun, baxti kulgan; baxtli, saodatmand.
Baxtiyor oʻzbek xalqi. Baxtiyor oila.
Baxmal qirgʻoqlarni toʻldirib oqdi Baxtiyor elimning quvonchli sasi. — Gʻayratiy
Oyqiz issiq yuzini sevimli erining koʻksiga qoʻyib, qalbi quvonch bilan toʻlib-toshardi va oʻzini chindan ham baxtiyor his qilardi. — Sh. Rashidov, Boʻrondan kuchli
Xursand edi behad ikki yor, Xursand edi ikki baxtiyor. — H. Olimjon
2. Shirin, bearmon.
Baxtiyor hayot.
U kunlar Nazirqul uchun eng baxtiyor kunlar edi. — S. Ahmad, Hukm
Zokir uning Narimon bilan oʻtkazgan baxtiyor damlarini unutolma-yotganini sezganda, juda rashki kelar va jerkib gapirardi. — P. Qodirov, Uch ildiz
3. Mamnun, shodon.
Qaygʻusi yoʻq biror kunni koʻrmadim, Biror soat men baxtiyor boʻlmadim. — H. Olimjo
Matqovul baxtiyor edi. Bugun qozon osilardi. — M. Ismoiliy, Fargʻona tong otguncha
Aʼzamjon baxtiyor, oʻz xotinining husnidan mast edi. — S. Ahmad, Ufq
Izohli lugʻat
· yana 1 ta lugʻatda
ot kam qoʻll. Baxtiyor hayotni, ulugʻ istiqbolni madh etuvchi asar, yodgorlik va shu kabilar
Abdulla Oripov sheʼriyati oʻzbek xalqining baxtnomasidir.
Elektron yoki oddiy pochta orqali odatda nusxasini boshqalarga yuborish talabi bilan bir necha oluvchiga joʻnatiladigan, koʻpincha diniy-mistik mazmundagi xat. “Baxt xatlari” mazmuni vaqt oʻtishi bilan oʻzgarishi mumkin, yaʼni ularda xatni boshqalarga yuborishni undovchi fikrlar kuchayib borishi mumkin.inglizchachain letterruschaписьмо счастья
Izohli lugʻat
· yana 2 ta lugʻatda
sft. Baxtsiz, iqbolsiz; tur-mushdan yolchimagan.
Qaynogʻam rost aytgan ekan. Baxtiqaro qiladi, degandi-ya! — Oʻ. Hoshimov, Ikki eshik orasi
Esi-ku, joyida, unda baloning esi bor. Lekin u [qiz] baxtiqaro boʻlib tugʻilgan. — Yoshlik
Izohli lugʻat
· yana 3 ta lugʻatda
ot Saodatli hayot va baxtli kelajak.
Mavlon aka Oʻtar xonadoniga baxt-iqbol, yurtga tinchlik tilab, duo qildi. — H. Gʻulom, Mashʼal
Mana endi tong otib, baxt-iqbol kulib boqdi. — Qoʻshiqlar
ot bot. Xoʻraki va vinobop jaydari uzum navi.
Baxtiyoriy qurgʻoqchilikka ancha chidamli, shuning uchun lalmikor yerlarda yaxshi oʻsadi. — OʻzME
Izohli lugʻat
· yana 5 ta lugʻatda
ot 1. Baxti kulmaganlik, baxtga erishmaganlik; omadsizlik.
Baxt bilan baxtsizlik yetaklashib yurarkan-da doim. — Oʻ. Hoshimov, Qalbingga quloq sol
Anvarning bu holati balki oila baxtsizligidan, ota-ona bagʻrida yayramaganligidan tugʻilgandir desak, uning ikki ogʻasi bunday emas edilar. — A. Qodiriy, Mehrobdan chayon
Sevuvchilar vasl oqshomida baxt sharobini ichishsa, bular baxtsizlik ogʻusini ichmoqda edilar. — M. Ismoiliy, Fargʻona tong otguncha
U boʻy-basti choʻzilib, turmush qurdi-yu, boshiga baxtsizlik yogʻildi. — H. Shams, Dushman
2. Koʻngilsiz, noxush holat va uning sababchisi boʻlgan voqea, hodisa.
Adolat ham keyingi voqealar qandaydir katta baxtsizlikdan xabar berayotganini tushunib, boʻshashib ketdi. — I. Rahim, Chin muhabbat
Izohli lugʻat
· yana 4 ta lugʻatda
ot Baxt va iqbol.
Zeboning shoʻx qarashi, turishi, quvnoq kulgisi, tabassumi Elmurodni hali maʼlum boʻlmagan sevinch toʻla, baxt-saodat toʻla bir olamga imladi. — Shuhrat, Shinelli yillar
Millatni baxt-saodat sohiliga olib chiqish uchun birdan-bir yoʻl maʼrifat yoʻlidir. — K. Yashin, Hamza
Izohli lugʻat
· yana 3 ta lugʻatda
ot Oʻz hayotidan mamnunlik, xushbaxtlik, saodatmandlik; saodatli, shirin hayot.
Oilaviy baxtiyorlik.
Ikkovining gul-gul yashnagan yuzlaridan baxtiyorlik nuri yogʻilib turar, koʻzlarida ehtiros chaqmoq chaqar, ulardan goʻyo bahor gullarining nafis hidi anqirdi — S. Anorboyev, Oqsoy
Chehrasida oshkor baxtiyorlik bor edi. — M. Ismoiliy, Fargʻona tong otguncha
ЧК: ruschaбыть счастливым ТПinglizchato be happy at smth.nemischaglücklich sein über A
U uning muvaffaqiyatlaridan (nimadan?) baxtlidir.
Она счастлива ее успехами (чем?).
She is happy at her successes (what ... at?).
Sie ist über ihre Erfolge (worüber?) glücklich.
Favqulodda vaziyatlar lugʻati
· yana 1 ta lugʻatda
inson sogʻligʻiga zarar yetkazilishiga sabab boʻlgan hodisa. Jabrlanuvchi tomonidan gʻarazli niyatning yoʻqligida tashqi kuchning inson organizmiga toʻsatdan yoki qisqa muddatli taʼsir etishi bilan belgilanadi.
погов. счастье слепо, счастье бывает слепым.
Счастье не лежит под ногами, а золото не говорит: вот я, берите меня руками.