Qidiruv

ot 1. ijt. Kishining oʻz faoliyati natijalaridan, hayotda qoʻlga kiritgan yutuqlaridan toʻla qoniqishi, yashash tarzidan mamnunligi, muayyan maqsadga yetgani, orzu-umidining ushalishi sifatida namoyon boʻladigan maʼnaviy-axloqiy tushuncha.

2. Hayot (turmush)dan toʻla mamnunlik va bearmonlik holati; saodat, qut.

Mehnat — baxt keltirar. Maqol.

Ona-yer nafasiga, mehriga, inʼomlariga toʻyib yashashdan ortiq baxt bormi? — Saodat

3. Omad, tole; iqbol.

Uf, nima ish qilsam, ketga qarab ketadi, xolos, mening baxtim qursin. — Hamza, Tuhmatchilar jazosi

— Ani shu qizlar safida menga ham joy bordir, — deb oʻyladi Adolat. — Baxtimni bir sinab koʻray-chi? — I. Rahim, Chin muhabbat

Hamma gap peshonada, taqsir Peshona shoʻr boʻlgandan keyin, unda baxt guli unadimi! — H. Gʻulom, Mashʼal

sft. 1. Oʻz hayotidan mamnun, baxti kulgan; baxtiyor.

Baxtli qiz.

Bunday baxtli yoshlik bir marta keladir. Zavqini surib qoling, aylanay. — P. Qodirov, Yulduzli tunlar

Ilohim, baxtli boʻl! Onangga, otangga rahmat, senga ish oʻrgatishibdi. — Oybek, Tanlangan asarlar

2. ayn. Baxtiyor 2.

— Ha, mayli, — dedi xoʻrsinib [Qirmizxon], — Siz bilan oʻtkazgan onlarimni shu notavon umrimning eng baxtli damlari deb bilaman. — N. Aminov, Qahqaha

U bu uyda eng shirin, baxtli kunlarini oʻtkazdi. — S. Zunnunova, Koʻk chiroqlar

3. Toley baland, omadi bor, omadli.

Baxtli ovchiga choʻloq kiyik yoʻliqar. — Maqol

Aylanay, kuyov bola, baxtli yigit ekansiz, shunday odamlarga oʻgʻil boʻlibsiz. — Mushtum

sft. 1. Baxtga erishmagan, baxti kulmagan, baxti qora.

Ona bolasining baxtini koʻrolmay, baxtsiz boʻlgani uchun yigʻlar edi. — M. Ismoiliy, Fargʻona tong otguncha

Loaqal bu baxtsiz singlingiz uchun birgina bosh ogʻritsangiz-chi. — A. Qodiriy, Oʻtgan kunlar

Biroq Anvar oʻqishda qancha baxtli boʻlsa, peshonada oʻshancha baxtsiz edi. — A. Qodiriy, Mehrobdan chayon

2. Hayoti kulfat, dard-alam bilan toʻlib-toshgan, turmush lazzatidan bebahra, roʻshnolik koʻrmagan.

Bolam, shu mushtipar, shu baxtsiz onangning yarasiga tuz sepmasang, yurak-bagʻrini qon qilmasang, dadang keltirgan xabarni aytaman. — Oybek, Tanlangan asarlar

3. Biror-bir koʻngilsiz hodisaga uchragan; bechora.

Muhammadjon singari bolalar, Abduaziz ota singari chollar, kampirlar, oʻlim toʻshagida yotgan bemorlar, baxtsiz mayiblar oz boʻlganmikan? — A. Qahhor, Oltin yulduz

Nima, buni mashina mayib qilibdimiki, baxtsiz hodisa desa — K. Yashin, Hamza

Ilhomjon oʻz odatiga koʻra, yana baxtsiz hodisalar, oʻlim-yitim haqida gapira boshladi. — N. Aminov, Qahqaha

sft. 1. Oʻz hayoti, toleidan mamnun, baxti kulgan; baxtli, saodatmand.

Baxtiyor oʻzbek xalqi. Baxtiyor oila.

Baxmal qirgʻoqlarni toʻldirib oqdi Baxtiyor elimning quvonchli sasi. — Gʻayratiy

Oyqiz issiq yuzini sevimli erining koʻksiga qoʻyib, qalbi quvonch bilan toʻlib-toshardi va oʻzini chindan ham baxtiyor his qilardi. — Sh. Rashidov, Boʻrondan kuchli

Xursand edi behad ikki yor, Xursand edi ikki baxtiyor. — H. Olimjon

2. Shirin, bearmon.

Baxtiyor hayot.

U kunlar Nazirqul uchun eng baxtiyor kunlar edi. — S. Ahmad, Hukm

Zokir uning Narimon bilan oʻtkazgan baxtiyor damlarini unutolma-yotganini sezganda, juda rashki kelar va jerkib gapirardi. — P. Qodirov, Uch ildiz

3. Mamnun, shodon.

Qaygʻusi yoʻq biror kunni koʻrmadim, Biror soat men baxtiyor boʻlmadim. — H. Olimjo

Matqovul baxtiyor edi. Bugun qozon osilardi. — M. Ismoiliy, Fargʻona tong otguncha

Aʼzamjon baxtiyor, oʻz xotinining husnidan mast edi. — S. Ahmad, Ufq

ot kam qoʻll. Baxtiyor hayotni, ulugʻ istiqbolni madh etuvchi asar, yodgorlik va shu kabilar

Abdulla Oripov sheʼriyati oʻzbek xalqining baxtnomasidir.

Elektron yoki oddiy pochta orqali odatda nusxasini boshqalarga yuborish talabi bilan bir necha oluvchiga joʻnatiladigan, koʻpincha diniy-mistik mazmundagi xat. “Baxt xatlari” mazmuni vaqt oʻtishi bilan oʻzgarishi mumkin, yaʼni ularda xatni boshqalarga yuborishni undovchi fikrlar kuchayib borishi mumkin.inglizchachain letterruschaписьмо счастья

sft. Baxtsiz, iqbolsiz; tur-mushdan yolchimagan.

Qaynogʻam rost aytgan ekan. Baxtiqaro qiladi, degandi-ya! — Oʻ. Hoshimov, Ikki eshik orasi

Esi-ku, joyida, unda baloning esi bor. Lekin u [qiz] baxtiqaro boʻlib tugʻilgan. — Yoshlik

n luck, happiness

ot Saodatli hayot va baxtli kelajak.

Mavlon aka Oʻtar xonadoniga baxt-iqbol, yurtga tinchlik tilab, duo qildi. — H. Gʻulom, Mashʼal

Mana endi tong otib, baxt-iqbol kulib boqdi. — Qoʻshiqlar

ot bot. Xoʻraki va vinobop jaydari uzum navi.

Baxtiyoriy qurgʻoqchilikka ancha chidamli, shuning uchun lalmikor yerlarda yaxshi oʻsadi. — OʻzME

ot 1. Baxti kulmaganlik, baxtga erishmaganlik; omadsizlik.

Baxt bilan baxtsizlik yetaklashib yurarkan-da doim. — Oʻ. Hoshimov, Qalbingga quloq sol

Anvarning bu holati balki oila baxtsizligidan, ota-ona bagʻrida yayramaganligidan tugʻilgandir desak, uning ikki ogʻasi bunday emas edilar. — A. Qodiriy, Mehrobdan chayon

Sevuvchilar vasl oqshomida baxt sharobini ichishsa, bular baxtsizlik ogʻusini ichmoqda edilar. — M. Ismoiliy, Fargʻona tong otguncha

U boʻy-basti choʻzilib, turmush qurdi-yu, boshiga baxtsizlik yogʻildi. — H. Shams, Dushman

2. Koʻngilsiz, noxush holat va uning sababchisi boʻlgan voqea, hodisa.

Adolat ham keyingi voqealar qandaydir katta baxtsizlikdan xabar berayotganini tushunib, boʻshashib ketdi. — I. Rahim, Chin muhabbat

ot Baxt va iqbol.

Zeboning shoʻx qarashi, turishi, quvnoq kulgisi, tabassumi Elmurodni hali maʼlum boʻlmagan sevinch toʻla, baxt-saodat toʻla bir olamga imladi. — Shuhrat, Shinelli yillar

Millatni baxt-saodat sohiliga olib chiqish uchun birdan-bir yoʻl maʼrifat yoʻlidir. — K. Yashin, Hamza

ot Oʻz hayotidan mamnunlik, xushbaxtlik, saodatmandlik; saodatli, shirin hayot.

Oilaviy baxtiyorlik.

Ikkovining gul-gul yashnagan yuzlaridan baxtiyorlik nuri yogʻilib turar, koʻzlarida ehtiros chaqmoq chaqar, ulardan goʻyo bahor gullarining nafis hidi anqirdi — S. Anorboyev, Oqsoy

Chehrasida oshkor baxtiyorlik bor edi. — M. Ismoiliy, Fargʻona tong otguncha

ЧК: ruschaбыть счастливым ТПinglizchato be happy at smth.nemischaglücklich sein über A

U uning muvaffaqiyatlaridan (nimadan?) baxtlidir.

Она счастлива ее успехами (чем?).

She is happy at her successes (what ... at?).

Sie ist über ihre Erfolge (worüber?) glücklich.

inson sogʻligʻiga zarar yetkazilishiga sabab boʻlgan hodisa. Jabrlanuvchi tomonidan gʻarazli niyatning yoʻqligida tashqi kuchning inson organizmiga toʻsatdan yoki qisqa muddatli taʼsir etishi bilan belgilanadi.

погов. счастье слепо, счастье бывает слепым.

Счастье не лежит под ногами, а золото не говорит: вот я, берите меня руками.

Мир и согласие родителей — залог счастья семьи.

sft. ayn. Baxtsiz.

sft. 1. Baxti kulmagan, turmushdan yolchimagan; baxtsiz, baxti qaro, bebaxt.

Meni qargʻamang, qargʻamang badbaxt qizingizni, onajon! — Hamza, Boy ila xizmatchi

Manavi goʻdak — jigaringiz Nizomni ham badbaxt qilgan odamsiz. — S. Ahmad, Ufq

Koʻz ochib koʻrgani aldadimi — bas, shoʻrlik umr boʻyi oʻzini badbaxt va aybdor hisoblaydi. — Yoshlik

2. koʻchmas.t. Yaramas, ablah, shafqatsiz maʼnosidagi haqorat, qargʻishni ifodalaydi.

Ey, badbaxt, bultur birov paygʻambarlik daʼvosini qilib osilib oʻlgan edi, sen shundan ibrat olmadingmi, debdi. — Askiya

Badbaxt odamdagina rahm-u shafqat boʻlmaydi. — Fan va turmush

Tortmoqqa Yodgorda darmon qolmadi, Oʻz holiga badbaxt dushman qoʻymadi. — Alpomish