Қидирув

1. ..menen barabar, ..menen birge

2. bálentliginde, teńliginde, dárejesinde

3. bir qiylı, teń

сфт. 1. Ўлчами, ҳажми, катта-кичиклиги, сон-қиймати, ҳаракати жиҳатидан бир хил, тенг.

Бўйи баравар девор. Баравар ҳажмли шишалар. Ёши баравар болалар. Баравар вақт оралиқлари.

Болага оила ҳам, мактаб ҳам баравар тарбия бериши, одоб-ахлоқ ўргатиши керак. — Газетадан

Анвар ҳар ким учун севимли ва хушмуомаласи барчага баравар эди. — А. Қодирий, Меҳробдан чаён

Иккала от бир қиёмда, баравар қадам ташлаб борар эди. — А. Қаҳҳор, Асарлар

2. рвш. Бир вақтда, бир пайтда; бир-биридан қолишмай.

Баравар ишламоқ. Баравар жўнамоқ. Ўрнидан баравар турмоқ.

У эшикдан кирганда, даҳлизда ўтирган уч киши баравар ўрнидан туриб салом берди. — А. Қаҳҳор, Қўшчинор чироқлари

Карвон кетидан келаётган икки сарбоз орқадан эшитилган ногаҳоний чинқириқдан баравар тўхташди. — С. Кароматов, Сўнгги бархан

3. Саноқ сонлар, шунингдек, “неча“, бир неча сўзларидан кейин келиб, шу миқдор даражасида қайтарилганликни, карралиликни ифодалайди.

Бригада ҳосилдорликни икки баравар кўтаришга муваффақ бўлди. — Ўзбекистон қўриқлари

Княз сув пулини уч баравар ошириб юборибди. — А. Қаҳҳор, Қўшчинор чироқлари

[Отабек] унинг [Кумушнинг] ҳусндагина эмас, ақлда ва бошқада Зайнабдан неча баравар юқорида эканини англади. — А. Қодирий, Ўтган кунлар

Кутганидан бир неча баравар ортиқ калтак еган душман ақл-ҳушидан озаётган эди. — Н. Сафаров, Оловли излар

4. “Бирга“, шунингдек маъноларини ифодалайди.

Лекин шу билан баравар, Мирзакаримбой Ёʻлчининг бутун сиймосида катта жасорат ва ғурур сезди. — Ойбек, Танланган асарлар

Нури бу йигит тўғрисида кўпроқ нарса билишни исташ билан баравар, бу қизнинг унга муносабатини очиш каби яширин бир ният билан гапни чувалатди. — Ойбек, Танланган асарлар

5. 3-шахс эгалик, жўналиш ёки ўрин-пайт келишиги шаклларида келиб, кўмакчи вазифасида қўлланади (бараварида).

рвш. 1. Бир вақтда, пайтда, баравар, бир-биридан қолишмай, бирдай.

Одамлар бараварига қарсак чалишар, Алимардоннинг рақибини олқишлашарди. — Ў. Ҳошимов, Қалбингга қулоқ сол

— Ким? — икковлари бараварига сўрашди. — Ў. Ҳошимов, Қалбингга қулоқ сол

2. кум. взф. Ўрнига, эвазига.

Она-бола бир неча йиллик меҳнат бараварига келган исқирт ўрикни ўртага қўйиб, хўрлик ва ҳақорат аламидан аччиқ-аччиқ йиғлашди. — А. Қодирий, Ғирвонлик Маллавой

Бир таноб ердан олтмиш пуд пахта олиб, нақд пул бараварига ҳукуматга топширади. — А. Қодирий, Ғирвонлик Маллавой

от 1. Тенг, баравар эканлик; тенглик.

Ёшимиз бараварлигини энди билдим.

2. Ижтимоий тенглик, тенгҳуқуқлилик; адолат.

У [етимча] азонда турар, кеч ётар эди. Уни худо номидан уришар ва урар эдилар. Мана энди ўзингиз айтинг-чи, жиловнинг ҳамма учун бараварлиги қаерда? — П. Турсун, Ўқитувчи

У [Шокир] бу сўзлари билан ўзига қарши чиққан ва "ҳуррият"дан сўзлайдиган "бой билан камбағалларнинг бараварлиги"ни пучакка чиқарган эди. — С. Айний, Қуллар

фл. Икки ёки ундан ортиқ нарсани ҳажми, ўлчами, катталиги, миқдори жиҳатдан тенг қилмоқ; мувозанатга келтирмоқ.

Қатимларнинг учини бараварламоқ. Тарози паллаларини бараварламоқ.

1. (ўзини тенг қўймоқ)sich messen, sich gleichstellen, sich nach j-m richten

2. мат. (тенг бўлмоқ)gleich sein, gleichkommen, Macht, beträgt, ist gleich

3. ҳарб. sich ausrichten

Бараварлаш! Richt’ Euch!

фл. Бараварламоқ феълининг мажҳул нисбати.

фл. 1. Бараварламоқ феълидан ўзлик ва биргалик нисбати.

Юклар бараварлашди. Тарози паллалари бараварлашди.

2. Бирор ҳолати (аҳамияти, нуфузи, мавқейи)га кўра тенглашмоқ.

Илғорларга бараварлашмоқ.

21-март куни бутун Ер юзида кеча ва кундуз давомийлиги бараварлашади. — Фан ва турмуш

3. Тенг қаторга келмоқ, ёнма-ён келмоқ.

Пойгачилар бараварлашди.

Машина жувон билан бараварлашиб, яна бир марта сигнал берди. — Н. Аминов, Қаҳқаҳа

4. кўчма Тенг келмоқ, бас келмоқ (мунозара, айтишув, жанжал ва шу кабиларда.).

Манзура айтишувда қолишмади, унга бараварлашди.

фл. Бараварлашмоқ феълининг орттирма нисбати.

фл. Бараварлаштирмоқ феълининг мажҳул нисбати.