Hayot Foundation loyihasi
Loyiha haqida
Oʻz
Oʻz

Qidiruv

«Zeb» boʻyicha 20 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

20 ta
zeb
Izohli lugʻat · yana 5 ta lugʻatda

ot Bezak, koʻrk, oroyish.

Odob — kishining zebi. — Maqol

Nuqta qoʻy nazmingga, Erkin, Muxtasarlik soʻzga zeb, Yoʻqsa, tong otguncha shering Boʻlgʻusi doston qadar. — E. Vohidov, Muhabbat

  • Zeb bermoq 1. Bezamoq, yasatmoq [Yormat] Otga chigʻanoqli asboblarni taqib, yolini qizil lattalar bilan oʻrab, otning atrofida aylanib, unga juda zeb berdi. — Oybek, Tanlangan asarlar[Alimat karvon] Oʻzi oʻlguday ot-aravaga ishqiboz. Topganini otiga sarflab, aravaga zeb beradi. — Shuhrat, Jannat qidirganlarOʻziga zeb berib kiyingan oʻrta yoshlardagi Amerika ofitseri gazeta oʻqib oʻtirardi. — Shuhrat, Shinelli yillar[Fazliddin] Ahli rastaga va yosh boyvachchalarga yarasha durustgina kiyinadi, lekin oʻziga ortiqcha zeb bermaydi. — Oybek, Tanlangan asarlar
Toʻliq maqola →
zebo
Izohli lugʻat · yana 4 ta lugʻatda

sft. 1. Gʻoyat goʻzal, barno, kelishgan.

[Samandarning] Quvonchdan chaqnagan koʻzlari oldida oʻsha izlagani zebo qiz namoyon boʻldi. — S. Karomatov, Qalbimda quyosh

Kiyganida zebo qizlar yangi liboslar, Oʻzbek dilin saxovatin minnat-la eslar. — M. Shayxzoda

2. Xushmanzara, koʻrkam, chiroyli.

Zebo oʻlka.

Koʻklam qizi yuz ochdi, musaffo bezanibdir, Egnida yashil jomasi zebo bezanibdir. — Habibiy

Bahor naqqoshi yana qoʻliga moʻyqalamini olib, tabiat qoʻyniga zebo naqshlar sola boshladi. — M. Osim, Karvon yoʻllarida

3. Zebo (xotin-qizlar ismi).

Toʻliq maqola →
zebra
Izohli lugʻat · yana 6 ta lugʻatda

ot Otsimonlar oilasiga mansub, Afrika savannalarida yashaydigan, tanasi almashinib keluvchi oq va qora chiziqlar bilan qoplangan yovvoyi hayvon.

Ayniqsa, zebra, qoʻtos, begemot, fil va ohularning koʻp turi tarqalgan. — Fan va turmush

Toʻliq maqola →
zeb-ziynat
Izohli lugʻat · yana 3 ta lugʻatda

ot 1. Turli xil bezaklar, ziynat buyumlar.

Baʼzan zeb-u ziynat taqinchoqlarga behad berilgan ayollar ham uchraydi. — R. Usmonov, Odobnoma

Kiyim-bosh, zeb-u ziynat ishlaganga yarashadi. — S. Ahmad, Qadrdon dalalar

2. koʻchma Koʻrk, husn, chiroy.

Yaxshi fazilating — zeb-u ziynating. — Maqol

Sogʻingan kunlar va ayriliq oylarida dillarga tugilgan noyob va shirin, hayajonli va samimiy soʻzlar sevgi suhbatining mundarijasi va zeb-ziynati edi. — Sh. Rashidov, Boʻrondan kuchli

Toʻliq maqola →
zebigardon
Izohli lugʻat · yana 1 ta lugʻatda

ot etn. Oltin yoki kumushdan yasalib, boʻyinga osiladigan ziynat buyumi.

Shahzoda bir jilmayib qaradi-yu, kichkina oppoq qoʻllarini shoʻx bir ado bilan zebigardon ustiga qoʻydi. — K. Yashin, Hamza

Boyvachcharoq qizlar boʻyinlariga zebigardonlar, boʻyintumorlar, tillaqoshlar va tilla bargaklar taqib olgan. — M. Muhammadjonov, Turmush urinishlari

Toʻliq maqola →