Изоҳли луғат
· яна 6 та луғатда
от Ғишт, тупроқ, тош ва шу кабилар юкларни ташиш учун ишлатиладиган, икки параллел дастага тол ёки тут новдаларидан ўртасини чуқурроқ қилиб тўқилган иш қуроли (кейинчалик эса дасталарга кўнда-лангига юпқа тахталар, шунингдек, тунука қоқилган).
Эртасига қизлар замбил ва кетмон кўтариб, қайтарма бўйига келдилар. — И. Раҳим, Чин муҳаббат
Кимлар кетмон билан, кимлар чўкич ва ё замбил билан ишлар эди. — М. Исмоилий, Фарғона тонг отгунча
- Замбил арава
- Замбил бел, замбилбел Бели, ўртаси замбилга ўхшаш букик, эгилган.
- Замбил эшик Новдалардан тўқилган эшик. [Салимбойвачча билан куёви] Кичкина замбил эшик олдида аравадан тушишди. — Ойбек, Танланган асарлар