Изоҳли луғат
· яна 6 та луғатда
от 1. Бош остига қўйиб ётиш, ён-бошлаш, суялиш учун ишлатиладиган юмшоқ буюм; болиш.
Пар ёстиқ. Духоба ёстиқ.
Адолат бошини кўтараман деди-ю, кўкрагини ғижимлаб, бошини қайта ёстиққа қўйди. — С. Зуннунова, Гулхан
Чол индамади. У ёстиққа суянганича, анча вақт сукутга кетди. — Ҳ. Ғулом, Машъал
2. махс. Бинокорликда: хари, тўсин ёки сарров остига қўйиладиган ғўлача, ёғоч.
- Бир ёстиққа бош қўймоқ Бирор киши билан турмуш қурмоқ; эр-хотин бўлмоқ. Икки жинс бир ёстиққа бош қўйиш билан ўтмиш ва келажак наслни бир-бирига боғлайдиган ҳалқа вужудга келтиради. — А. Қаҳҳор, Қўшчинор чироқлари
- Боши ёстиққа тегмоқ Касал бўлиб ётиб қолмоқ. Осонми, киши нима бўлишини билмайди, боши ёстиққа тегиши бор. — А. Қаҳҳор, Тўйда аза
- Бошингга ёстиқ қиласанми? Бўйи етиб, вақтида узатилмаётган қиз ҳақида айтиладиган ибора. Қиз етилгач, уни эгасига топшириш керак! Бошингга ёстиқ қиласанми уни? — И. Раҳим, Чин муҳаббат
- Ёстиғини қуритмоқ Ўлдирмоқ, ёʻқ қилмоқ. Андижон зилзиласи минг-минг-лаб одамларнинг ёстиғини қуритди, томини қулатди. — М. Исмоилий, Фарғона тонг отгунчаАблаҳ фашистлар не-не йигитларнинг ёстиғини қуритмади. — Н. Сафаров, Оловли излар