Qidiruv

ot tar. Choparlar, yoʻlovchilar qoʻnadigan va ot almashtiradigan joy; bekat.

ot Yaxlit quyma oltin yoki kumush.

Ikki yuz grammlik yombi.

Muruntov oltin-ruda kombinatining ishga tushirilganiga uncha koʻp vaqt boʻlgani yoʻq. Oltinning dastlabki yombilari quyila boshlandi. — I. Hamroboyev, Oltin va davr

— Hujrani qulflab ketamiz — xumchadagi tillo-yu yombilaringizni hech kim olmaydi, — dedi Nafisaxon. — Mirmuhsin, Umid

sft. 1. Sifatsiz, sifati past.

Yomon chit.

Bilaman, tillarning yomoni yoʻqdir, Har tilning oʻz koʻrki, ulugʻligi bor. — Shuhrat

2. Biror ishni eplay olmaydigan, uquvsiz, tajribasiz.

Yomon suvoqchi. Yomon xodim. Yomon tashkilotchi.

3. Axloqsiz, feʼl-atvori yaramas; buzuq niyatli.

Yomon kishi ekansiz-ku! — S. Ahmad, Ufq

Barno unchalik yomon, unchalik behayo qiz emas. — O. Yoqubov, Er boshiga ish tushsa

Shuni unutmaslik kerakki, urush tufayli odamlar oʻzboshimcha boʻlib ketishdi, elda yomonlar koʻpayib qoldi. — K. Yashin, Hamza

Nachora, yomonlarning qoʻlidan har ish keladi, balo bas kelsin ularga. — E. Aʼzamov, Javob

4. Ogʻir, xatarli.

[Homidning] Yarasi yomon, hushsiz holda hiqillab yotibdi. — A. Qodiriy, Oʻtgan kunlar

5. Ayb, gunoh.

Hoy, doʻstim, birovning doʻppisini birovga uddalab kiygazish yomonmi? — Shukrullo, Saylanma

Voy oʻlmasam, Zubaydaxon, tasaddugʻingiz ketay, nega tik turibsiz? Ostonada-ya! Ostonada turish yomon boʻladi, qizim, joyingizni bilib oʻtiring \dedi Hamza]. — K. Yashin, Hamza

6. Notinch, behalovat.

Bugun Ahmad juda yomon uxladi. — F. Musajonov, Himmat

7. Noxush, yoqimsiz; sovuq.

Yomon xabarning qanoti yengil boʻladi. — J. Abdullaxonov, Oriyat

Biror yomon xabar boʻlsa, bizga ham aytishardi. — S. Siyoyev, Yorugʻlik

Doktorning kayfiyati yomon shekilli, salomimga yarasha alik oldi. — S. Siyoyev, Yorugʻlik

8. Xavfli, xatarli; falokat keltiruvchi.

Abdishukur sekingina mingʻirladi: — Gap ittifoqda, bahamjihat boʻlishda, ukam! Oraga fitna solish yomon narsa. — Oybek, Tanlangan asarlar

Kalladan qora xayollarni quvish kerak, tushkunlik eng yomon dushman.

9. F. Musajonov, Himmat.

Koʻk qurt! Yomon ofat. Gʻoʻzaning zavoli. — R. Azizxoʻjayev, Yashil chayla

10. Salbiy, yoqimsiz, bexosiyat; xunuk.

Kuchli shovqin ishlovchilarning mehnat unumdorligini pasaytirdi, asabga yomon taʼsir koʻrsatdi. — Fan va turmush

Begoyimning qotma yuzi tirishdi. Yomon narsani koʻrgan kishiday jirkanib: — Quvib chiqaring juvon oʻlgurni! — dedi. — M. Ismoiliy, Fargʻona tong otguncha

11. Nosogʻlom, kasal; lanj.

[Meʼmor] Bir chekkada gʻarib boʻlib oʻtirgan Gʻavvosga ham yaxshi gapirdi, oʻzingizni yomon sezmayapsizmi, deb soʻradi. — Mirmuhsin, Meʼmor

Hech qayerim jiddiy lat yemagan boʻlsa ham, oʻzimni yomon his qildim. — O. Moʻminov, Xiyobondagi uch uchrashuv

Xoʻjayin yomon boʻlib yotibdi. — S. Siyoyev, Yorugʻlik

12. Ayyor, makkor, quv; ishbilarmon, epchil.

— Ha, eshon nega ketdi ekan? — Tirikchilikda-da. — Ha, murid oviga chiqib ketgan ekan-da. Eski hunar! — Qori piqillab kuldi-da, hazilomuz: — Yomonsan-a, yomonsan! — deb qoʻydi. — P. Tursun, Oʻqituvchi

Ona yomon, bir narsaga kirishsa — qoʻymaydi. — Oʻ. Hoshimov, Qalbingga quloq sol

13. Oʻquv-oʻqituv ishlarida eng past baho.

Mayli, uch qoʻysa ham, yomon qoʻysa ham, mayli! Mana shu bir ogʻiz soʻzi uchun Gavhar undan hech qachon xafa boʻlmaydi! — Oʻ. Hoshimov, Qalbingga quloq sol

Bir kuni darsdan yomon baho olib, kechgacha shu yerda xayolga choʻmib oʻtirganim esimda. — Guldasta

Maktabda yomon baho olsam yo ikki kun darsga bormasam, butun sinf oyoqqa turardi. — S. Siyoyev, Yorugʻlik

14. Qattiq, kuchli; juda, nihoyatda.

Yana bir bekat yurib toʻxtagach, haydovchi xotin uning tepasiga keldi: — Yomon urishdimi? Oʻldirishdan ham toymaydi bu bezorilar. — Oʻ. Hoshimov, Qalbingga quloq sol

Inoyat oqsoqol uni koʻpchilik oʻrtasida yomon haqorat qilgan edi. — S. Ahmad, Ufq

ot Bulutlardan suv tomchilari holida tushadigan, yogʻadigan yogʻin.

Yomgʻir suvi. Yomgʻir yogʻdi. Oʻtgan bulutdan yomgʻir kut-ma. — Maqol

Yomgʻir xuddi jonga igna sanchganday, ezib muttasil savalardi. — Oybek, Quyosh qoraymas

Yomgʻir tomchilari bilan yuvilgan havoning pokiza yellari goh badanni chimchilab oʻtadi, goh seskantiradi. — Shuhrat, Shinelli yillar

Dushman, jallod.

Oʻlaksaga oʻch, xuddi yom-yom, Qaydan topay yovga mos bir nom? — Mirtemir.

— Qoʻrqma, seni soʻymayman, men yom-yom emas. Senga bir xizmat bor, oʻgʻlim — dedi domla Shum bolaga. — Gʻ. Gʻulom, Shum bola

sft. Yomgʻir yogʻgan.

Yomgʻirli havo. Yomgʻirli kun.

ot Yomon, salbiy xislatlarga ega boʻlishlik; yomon, yaramas ishlar qilish; qabihlik, yovuzlik.

Yaxshining yaxshiligi tegar tor yerda, yomonning yomonligi tegar har yerda. — Maqol

Bizning maqsadimiz — kishilarga ong, tushuncha bermoq, toki har bir kishi yaxshilik va yomonlikni, oq-u qorani oʻzi ajrata oladigan boʻlsin, — dedi Elmurod. — P. Tursun, Oʻqituvchi

sft. Yomgʻir yogʻmagan.

Yomgʻirsiz havo.

malicious gossip

ot 1. Yomgʻir paytida kiyiladigan, yopinadigan kiyim yoki yopinchiq.

Kichikroq yomgʻirpoʻshni oʻzi kiydi-yu, otga mindi. — P. Qodirov, Qora koʻzlar

2. Yomgʻir paytida boshga tutiladigan buyum; zontik.

Muqaddam yomgʻirpoʻshini eshik oldidagi mixga ildi. — Oʻ. Hoshimov, Bahor qaytmaydi

fl. Yomonga chiqarib gapirmoq, qoralamoq.

Ovqat vaqtida Hoji hech kimga soʻz navbati bermay, burungi zamonni yomonlab ketdi. — A. Qahhor, Yillar

fl. Yomonlamoq feʼlining majhul nisbati.

fl. Yomonlamoq feʼlining orttirma nisbati.

ot Yomonlamoq feʼlidan sifatdosh.

ot ayn. Yomgʻirgarchilik.

qishloq, xoʻjalik ekinlarini yomgʻirga taqlid qilish yoʻli bilan sugʻorish usullaridan biri, bunda suv gidrantdan 100 m. masofagacha sachratib berilishi mumkin.

fl. Yomgʻirlamoq feʼlining orttirma nisbati.

ot Yomgʻir yogʻmasligi; qurgʻoqchilik.