Hayot Foundation loyihasi
Loyiha haqida
Oʻz
Oʻz

Qidiruv

«Xabar» boʻyicha 56 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha Qoraqalpoqcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha

← Barcha natijalar

Lugʻat maqolalari

56 ta · 1-sahifa / 3
xabar
Izohli lugʻat · yana 9 ta lugʻatda

ot 1. Biror kimsa, narsa yoki hodisa haqidagi axborot, darak, bildirish.

Muhammad Argunning xabariga koʻra, dushmanning katta qoʻshini Raf-qondan oʻtib, Konibodom sari kelayotgan edi. — Mirmuhsin, Meʼmor

Oylar oʻtdi va yillar oʻtdi, Lekin sendan boʻlmadi xabar. — R. Parfi

Onasi, ertaga barvaqt bogʻga koʻchishga toʻgʻri kelgani uchun, tezroq yotib tinchish kerakligini aytdi. Gulnor bu xabarni juda sovuq qarshi oldi. — Oybek, Tanlangan asarlar

2. Yangilik.

— Mulla Abdishukur, — Mirzakarimboy mehmonlardan biriga murojaat qildi, — olamda nima xabarlar bor, gapirsangiz-chi. — Oybek, Tanlangan asarlar

3. Kundalik matbuot, radio va televideniye vositasida olingan axborot, maʼlumot; maqola.

Kechalari uxlamay radio karnayiga quloq tutib, olis frontda boʻlayotgan xabarlarni eshitardi. — S. Ahmad, Ufq

Respublikaning yetakchi gazetasida xabar chop ettirishga har qanday jurnalist ham muyassar boʻlavermaydi. — F. Musajonov, Himmat

  • Yomon (yoki sovuq, xunuk, shum, qora) xabar Noxush, qoʻrqinchli, dahshatli voqea-hodisa haqidagi maʼlumot, darak. Yomon xabarning qanoti yengil boʻladi. — J. Abdullaxonov, OriyatBu sovuq xabar xalqni bir chayqatdi. — S. Ahmad, UfqKecha Andijondan xunuk xabar keldi: Roʻzi oxunning kenjasini chavaqlab ketishibdi. — K. Yashin, HamzaU bir marta shunday shum xabarning dardini tortgan. — S. Ahmad, UfqAyniqsa, dadamning keyingi xatlaridagi qora xabar bilan dunyo koʻzimga toraydi. — A. Qodiriy, Oʻtgan kunlar
  • Xabar bermoq Xabardor qilmoq; bildirmoq. Xizmatchilar hojidoʻppi kiygan bu darvish haqida boyga xabar berdilar. — U. Ismoilov, Saylanma
  • Xabar olmoq Biror kimsa, narsa yoki hodisa haqidagi maʼlumotga oʻz koʻzi bilan koʻrib eta boʻlmoq; kelib koʻrmoq. Nusratbek boʻsh vaqti boʻlganida, goh kechasi, goh kunduzi birrov xolasinikiga kelib, oʻgʻlidan xabar olib ketadi. — S. Nurov, Maysalarni ayoz urmaydiMen narigi xonalardan bir xabar olay, shogirdlar nima qilayotgan ekan, koʻzdan kechirib qoʻyay. — X. Toʻxtaboyev, Shirin qovunlar mamlakati
  • Xabar topmoq Muayyan voqea-hodisa haqidagi axborotni eshitmoq, bilib olmoq. Umar polvon bundan xabar topib, otasidan qolgan bir parcha yerlarini sotib boʻlsa ham, ukasini Tozagulga uylantirmoqchi edi. — K. Yashin, HamzaBu voqeadan xabar topgan oyisi uni [Xurshidni] qattiq jerkiganicha boʻsh stulga oʻtqazadi. — N. Aminov, Qahqaha
  • Xabari bor 1. Xabardor, voqif. Zavqiyning ham keyingi paytlarda tabibning oilasi chetga surib qoʻyilganidan xabari bor edi. — K. Yashin, Hamza;Tikuvchilikdan xabari bor qiz.
  • Xabari yoʻq Biror narsa haqidagi maʼlumotni bilmaydigan; bexabar. Dildorning bu gapdan xabari yoʻq. — S. Ahmad, Ufq— Botir aka, oʻlimdan xabarim bor, bu gapdan xabarim yoʻq, — dedi qizarib Nizomiddinov. — S. Ahmad, Hukm
  • Holidan xabar olmoq Bemor, keksa, yordamga muhtoj kimsalarni borib koʻrmoq; yordam bermoq. Oʻzi emasmi, onamning holidan xabar olib turing, sizga ishonaman, deb iltimos qilgan Oʻ. — Hoshimov, Qalbingga quloq solDadamga tahorat suvi beradigan, erta-kech holidan xabar oladigan bir moʻmin-maʼqul zaifa topilsa, yaxshi boʻlardi. — Oybek, Tanlangan asarlar
Toʻliq maqola →
xabardor
Izohli lugʻat · yana 7 ta lugʻatda

sft. 1. Xabari bor, axborotga ega.

Uning [Musaning] nazarida, goʻyo Ziyodbek hamma gaplardan xabardor. — N. Fozilov, Diydor

2. sft. Biror soha boʻyicha muayyan maʼlumotga ega, shu sohani biladigan; omilkor.

Kafillik bersam-bermasam, diplomatiya ishlaridan xabardor boshqa odamimiz yoʻq. — T. Malik, Qaldirgʻoch

Bu qiz [Xonzoda] meʼmorlik sanʼatidan ham xabardor ekan — P. Qodirov, Yulduzli tunlar

  • Xabardor boʻlmoq 1. Voqif boʻlmoq, xabar topmoq, eshitmoq; bilmoq. Shov-shuv koʻtarma! Dadang xabardor boʻlib qolsa, yaxshi boʻlmaydi. — Oybek, Tanlangan asarlarMulla Fazliddinning yuragi taka-puka boʻlib ketdi. Nahotki bu bek poʻlat sandiqdagi suratdan xabardor boʻlsa?! — P. Qodirov, Yulduzli tunlar;Oliyaxonning ota-onasi qizlaridan xabardor boʻlib turish uchun ularni oʻz uylariga koʻchirib keldilar. — MushtumOxiri oʻylab-oʻylab, bu gaplardan sizni xabardor qilishga ahd qildim. — S. Ahmad, UfqBoshliqqa telefon qilishdan maqsad maslahat soʻrash emas, balki charxpalak oʻyinining boshlanganidan xabardor qilish. — Yoshlik
Toʻliq maqola →
xabarsiz
Izohli lugʻat · yana 5 ta lugʻatda

sft. ayn. Bexabar.

Kuyovingizning qiziq tabiatini shundan ham yaxshi bilib olsangiz boʻlardiki, shu choqqacha ota-onalari ham bu fojiadan xabarsiz ekanlar! — A. Qodiriy, Oʻtgan kunlar

Kampir bu gaplardan xabarsiz, hadeb ovqat yeyishga qistardi. — Oydin, Hikoyalar

Toʻliq maqola →
xabarnoma
Izohli lugʻat · yana 5 ta lugʻatda

ot Biror narsa, voqea haqida xabar beruvchi hujjat; chaqiruv qogʻozi.

U bugun kech soat toʻqqizda Namangan bilan gaplashishi kerak edi, choʻntagidagi xabarnomada kim chaqirayotgani aytilmagan boʻlsa ham, oyisi ekanini bilardi. — P. Qodirov, Uch ildiz

Toʻliq maqola →
xabarlamoq
Izohli lugʻat · yana 3 ta lugʻatda

fl. Xabar qilmoq, maʼlum qilmoq, darak bermoq; jar solmoq.

Chol noiloj ertaga tushdan keyin hammani toʻyga xabarlab keldi. — S. Ahmad, Saylanma

Bugun soat oʻn ikkida Otabek ila Mirzakarim qutidorning isyonchilik gunohi bilan dorga osilishlarini jarchi shaharga xabarlab yurar edi. — A. Qodiriy, Oʻtgan kunlar

Toʻliq maqola →
xabar olmoq

ЧК: ruschaсправиться о ТПinglizchato ask about smth.nemischasich erkundigen nach D

Talaba mashgʻulotlar qachon boshlanishidan (nimadan?) xabar oldi.

Студент справился о начале занятий (о чем?).

The student asked about the beginning of the lessons (what...about?).

Der Student erkundigte sich nach dem Beginn des Unterrichts (wonach?).

Toʻliq maqola →
xabarsizlik
Izohli lugʻat · yana 1 ta lugʻatda

ot ayn. Bexabarlik.

Musulmonlarning ittifoqsizligi, bir-birining holidan xabarsizligi natijasida bunday fojia voqealar roʻy berdi. — Oybek, Tanlangan asarlar

Toʻliq maqola →
xabar qilmoq

ЖК Бсиз ҚК + ҳақида: ruschaоповещать ВП о ППinglizchato notify smb. of smth.

Men oʻrtoqlarimga (kimga?) majlis haqida (nima haqida?) xabar qildim.

Я оповестил друзей (кого?) о собрании (о чем?).

I have notified my friends (whom?) of the meeting (what...of?).

Toʻliq maqola →
xabardor boʻlmoq

ЧК: ruschaбыть в курсе РПinglizchato be informed about smth.nemischaBescheid wissen über A

U hammavaqt bizning ishlarimizdan (nimadan?) xabardordir.

Он всегда в курсе наших дел (чего?).

He is always informed about our business (what...about?).

Er weiß immer Bescheid über unsere Angelegenheiten (worüber?).

Toʻliq maqola →