от 1. тар. 1 Ўрта асрларда Яқин ва Ўрта Шарқ давлатларида, жумладан, Ўрта Осиё хонликлари-да ҳукумат идораси ёки кенгаши (девони) бошлиғи.
Сарой вазири ноилож бош эгиб, фармони олий ҳозирлагани чиқиб кетди. — М. Осим, Карвон ёʻлларида
2. Мамлакатда муайян тармоқ фаолиятини бошқарувчи шахс.
Соғлиқни сақлаш вазири. Олий ва ўрта махсус таълим вазири.
Республика Молия вазирининг таъкидлашича, келаси йилда аҳолини ижтимоий ҳимоялаш харажатларига 65 млрд сўм ажратилади. — Газетадан
3. кўчма Оилада, жамоада бошлиқдан кейинги мавқеда турувчи шахс.
Ахлоқ-одобда ҳам ўрнак бўла бил, Эрлар бош бўлишса, кучли оила. Рўзғорда аёллар ҳар доим вазир. Фарзандлар равнақин ўйлайди она. — Газетадан
Овулингнинг оқсоқоли мулла Фозил, Ўлтирар бек олдида икки вазир. — Оқ олма, қизил олма
- Вазири аъзам Улуғ вазир, вазирлар бошлиғи — Ўрта асрларда ҳукуматнинг олий идораларини бошқарган юқори мансабдаги шахс — ҳозирги бош вазир.
- Вазирлар Маҳкамаси Баъзи мамлакатлар, жумладан Ўзбекистонда, ҳукуматнинг номи.