Qidiruv

sft. 1. Kir, chang, ifloslik va shu kabilardan xoli (xoli qilingan), ozoda, pokiza.

Toza idish. Toza kiyim. Toza uy. Toza kiyinmoq.

Aʼzoyi badanimni Xoʻp yaxshilab yuvaman.

Tirnogʻimni, tishimni Doim toza tutaman. — Uygʻun

Qoʻllarini toza sochiqlarga artishdi. — K. Yashin, Hamza

2. Chang-gʻubordan xoli; begʻubor, sof, musaffo.

Toza osmonda yulduzlar charaqlaydi. — S. Nurov, Narvon

Toza havodan toʻyib nafas oldi. — S. Siyoyev, Avaz

Har taraf sof, toza maysa-koʻkat — Gʻayratiy

3. Aralashmalardan xoli; sof, asil.

Toza oltin.

Mana bu durmi? Juda toza ekan, Nuri opamda ham bor-a? — Oybek, Tanlangan asarlar

Gulnor kelgach, u Yoʻlchi bilan qizga shivirladi: — Mana bu juda toza choy. — Oybek, Tanlangan asarlar

4. Xirildoq va shu kabilar kamchiliklardan xoli, jaranglab chiqadigan tovush, ovoz haqida.

Oshna ashulalarning dilrabo kuyi, hofizning toza va shirali ovozi Elmurodning yuragiga bahor nashʼalaridek quyildi. — Shuhrat, Shinelli yillar

5. koʻchma Dogʻ tushmagan, bulgʻanmagan; sof, pok.

Toza vijdon. Toza nom. Toza qalbda dogʻ boʻlmas. — Maqol

Murzin yanada qizishib, boʻrtib, davom etdi: — Men uni yaxshi bilaman. U yaxshi qiz, koʻngli toza. — Shuhrat, Shinelli yillar

6. rvsh. Juda ham, rosa.

Toza charchadik. Sizni toza kutdik.

Yigit-qizlar xolaning gaplariga toza kulishdi. — N. Safarov, Oliyaxon Sultonova

Bechora! Qalligʻini koʻraman, deb toza baloga qolgan ekan! — P. Tursun, Oʻqituvchi

7. shv. Yangi.

Toza maktab ochsang, kofir deydi, gazeta oʻqisang, dahriy deydi. — J. Sharipov, Xorazm

Toʻrani olajak toza xotinidan sovitib berasiz. — J. Sharipov, Xorazm

Matpano: — Tagʻin kelaman, ogʻa, toza gap boʻlsa, yetkazaman, oʻksimay yuring, — deb peshinlatib joʻnadi. — S. Siyoyev, Yorugʻlik

ot Toza holatlilik.

Kiyimning tozaligi. Uyning tozaligi. Vijdonning tozaligi.

Tozalik — salomatlik garovi.

[Manzura opa] Har bir sinfga kirib, bolalarning tozaligi bormi, kundaligi bormi tekshirib chiqdilar. — E. Raimov, Ajab qishloq

fl. 1. Kir, chang, ifloslik va shu kabilardan xoli qilmoq, toza qilmoq.

Tish tozalamoq. Idishlarni tozalamoq. Uyni tozalab supurmoq.

Yoʻlchi ularga beda tashladi. Keyin kurak va supurgi olib, otxonani tozalay boshladi. — Oybek, Tanlangan asarlar

2. Aralashmalardan, keraksiz, ortiqcha narsa yoki qismlardan xoli qilmoq.

Spirtni tozalamoq. Yongʻoq tozalamoq. Guruch tozalamoq. Dalani gʻoʻzapoyalardan tozalamoq.

Anvar gullarni sugʻorish, oʻtlarni yulib tozalash vazifalarini oʻzi bajardi. — A. Qodiriy, Mehrobdan chayon

Yoʻlchi yoʻgʻon qamish topib, ichini tozalab, bir qarichdan moʻlroq qirqib oldi-da, unga noʻxat sigʻadigan bir necha teshiklar yasadi: — Mana bu nay, — dedi. — Oybek, Tanlangan asarlar

3. Nomaqbul kishi, narsa va shu kabilardan xoli qilmoq, ularni yoʻq qilmoq.

Yoshlar ongini zararli taʼsirlardan tozalamoq. Ekin maydonini begona oʻtlardan tozalamoq.

U [Toʻqsonov] birinchi galda oʻz qaramogʻidagi idoralarni tozalab, odamlarni yangilashga kirishadi. — P. Tursun, Oʻqituvchi

Polk oʻlkani qadam-baqadam fashistlardan tozalab, Dneprga yaqinlashyapti. — A. Muhiddin, H. Tojiboyev, Otash qalbli qiz

Avtomobil oynasini kir va yomgʻir tomchilaridan tozalash uchun xizmat qiluvchi moslama

fl. Tozalamoq feʼlining majhul nisbati.

fl. Tozalamoq feʼlining orttirma nisbati.

ot Tozalamoq feʼlidan sifatdosh.

fl. Tozalamoq feʼlining birgalik nisbati.

fl. Tozalanmoq feʼlining majhul nisbati.

fl. Tozalatmoq feʼlining majhul nisbati.

faqat bir xil daraxtlardan iborat boʻlgan oʻrmon. Toza oʻrmonda boshqa xil daraxtlar soni 5% dan oshmaydi.

fl. Tozalatmoq feʼlining orttirma nisbati.

chiqarilayotgan gazlardan yoki oqova suvlardan olib (ushlab) qolingan ifloslantiruvchi moddalar massasining shu gazlar yoki suvlarda mavjud boʻlgan ifloslantiruvchi moddalar massasiga boʻlgan nisbati (foizda).

oqova suvlarni ifloslantiruvchi moddalardan bosqichma-bosqich tozalashga moʻljallangan maxsus muhandislik qurilmalari.

metan miqdoriga qarab quruq (95—97% metandan iborat) va yogʻli (metandan tashqari, ogʻir uglevodorodlar — etan, propan, butan va b.) turlarga boʻlinadi. Gaz ishlari amaliyotida 1m³ gazdan 50—100 g. gazli benzin olinsa, bunday gazlar yogʻli hisoblanadi. quruq gazlarga botqoqlik gazi (100% metandan iborat), neft uyumlari bilan bogʻliq boʻlmagan gaz uyumlari gazlari va koʻmir havzalarining metanli gazlari mansub. Bunday gazlar 85 dan 99% gacha metandan iborat. Yogʻli gazlar neft va gazkondensatli uyumlarda uchraydi. Ogʻir uglevodorodlar miqdori 40% gacha boʻlishi mumkin. Uglevodorodli gazlarda odatda karbonat angidrid gazi va azot boʻladi, ularning miqdori goho juda koʻp. Uglevodorodli gazlarda CO₂ 6—7% gacha, azot 3% gacha ishtirok etishi mumkin. Ammo, baʼzi bir uglevodorodli gazlarda CO₂ miqdori 35% gacha, N₂ — 45% gacha boradi. Bunday gazlarning uglevodorodli qismi toza metandan va shuningdek, ogʻir uglevodoroddan iborat boʻladi. Azotli gazlarda 2% ortiqroq kislorod ham uchraydi. Goho uglevodorodli gazlarda vodorod sulfidi 5—6% dan 15% gacha kuzatiladi. Uglevodorodli gazlardagi vodorod sulfidi koʻpincha uning uyum kesimida gips boʻlganda uchraydi.

arabchaهل سندفع التنظيف, Hal sanadfa' at-tanziifruschaМы платим за уборку?inglizchaDo we pay for cleaning?

arabchaأصلي, asleeruschaподлинныйinglizchaOriginal/real

Juda ham toza, begʻubor.TERTEMİZ

sanoat gazlari tarkibidagi qattiq, suyuq yoki gazsimon ifloslantiruvchi moddalarni (qoʻshilmalarni) ushlab qolish.