Qidiruv

ot 1. Xodadan uzunasiga tilib olingan yassi yogʻoch boʻlagi.

Qaragʻay taxta. Taxtani randalamoq.

Birinchi xonaga kiraverishda uzun enli taxta qoʻyilibdi. — S. Siyoyev, Yorugʻlik

Gʻulomjon daladagi terakzorlaridan toʻrtta baqaterakni kestirib, taxta tildirdi. — M. Ismoiliy, Fargʻona tong otguncha

2. Boʻr bilan xat yozish uchun maxsus yasalgan maktab-oʻquv quroli.

Xonada oʻntacha eski, chang bosgan parta, kiraverishdagi devorga kattakon qora taxta qoqilgan edi. — P. Tursun, Oʻqituvchi

Bolalarda daftar-u qalam, sinfda taxta-yu boʻr boʻlsa ham, oʻqish kitoblarining yoʻqligi Gʻulomjonni yomon dilxun qilar edi. — M. Ismoiliy, Fargʻona tong otguncha

3. tar. Abjad yozilgan dastali taxtacha (eski maktabda oʻquv quroli sifatida ishlatilgan).

Ikki hafta harflar yozilgan taxta oʻqiganimdan keyin domla: — Shanba kuni haftiyakka tushasan — dedi. — A. Qahhor, Oʻtmishdan ertaklar

4. Turli maqsadda foydalanish uchun taxta, faner va shu kabilardan ishlangan narsa.

Shaxmat taxtasi. Eʼlonlar taxtasi. Yodgorlik taxtasi. Osh taxta,

Men uni tennis taxtasiga boshlab, oʻzimcha oʻyin qoidasini tushuntirgan boʻldim. — H. Nazir, Yonar daryo

Turli voqelik va yangiliklarni yoyishda shior va plakatlar, tematik stend va koʻrsatkich taxtalari alohida oʻrin tutadi. — Gazetadan

5. Turli oʻlchamdagi toʻrt burchak yaxlit qogʻoz, varaq.

Qoching! Oʻzim yozaman, dedim. Oʻtirib, yetti taxta qogʻozni toʻldirdim, eshitganlarimning hammasini yozdim. — Oydin, Sadagʻang boʻlay, komandir

Anavi qutida yaxshi, koʻk chiziqli taxta qogʻoz bor, oʻshandan ikki varagʻini olib, mana bu yerga oʻtir, qizim [dedi Onaxon]. — A. Muxtor, Opa-singillar

6. Shu taxlitdagi, oʻlchamdagi oyna, tosh, metall va shu kabilar; plita.

Marmar taxta. Bir taxta tunuka. Bir taxta oyna. Taxta choy.

Maydonning bir chekkasidagi keksa majnuntol ostida bir-biriga suyab qoʻyilgan ikkita qora tosh taxta sagʻana shaklini olib turar edi. — A. Qahhor, Xotinlar

Chetroqqa chiqib, beton taxtaga oʻtirdim. — S. Siyoyev, Yorugʻlik

7. q. x. Marza bilan ajratilgan yer boʻlagi; karta.

Ikki taxta poliz. Tuyaning hazili bir taxta gʻoʻzani yeydi. — Maqol

Soyga tushguncha koʻndalang egatli alohida taxta boshlanadi. — A. Qodiriy, Obid ketmon

Ochilgan yerni katta-katta taxta Qilib, ish boshladi ekmakka paxta. — Habibiy

1. taxta qaǵılǵan, taxta menen qorshalǵan

2. q. taxtakach

ot 1. maxs. Yangi tayyorlanib buklangan doʻppini siqib (presslab), taxini chiqarish uchun ishlatiladigan, ustma-ust qoʻyilgan ikki taxtachadan iborat moslama; iskanja.

[Mehrixon] Yangi bitkazgan doʻppini taxtakachga bostirdi. — S. Ahmad, Qadrdon dalalar

Telpagini qoziqqa ilib, hozirgina taxtakachdan chiqqanday yangi chust doʻppisini choʻzgʻilab kiydi-da, soʻradi. — A. Muxtor, Tugʻilish

2. tib. Singan aʼzo suyagini qimirlamaydigan qilib bogʻlab qoʻyish uchun ishlatiladigan taxtacha.

Oyoqqa taxtakach bogʻlamoq.

Axir u salkam bir yildan buyon taxtakachda shipga tikilgancha yotibdi. — E. Oxunova, Koʻz koʻzga tushganda

3. tar. Aybdorning boʻyniga solib, bogʻlab qoʻyiladigan jazolash quroli.

Xirojni toʻlamagan dehqonlarning boʻyniga taxtakach osib qoʻyar edilar. — Uqish kitobi

4. Yongʻoq oʻyinida: soqqani qoʻyib otish uchun moslangan taxta asbob.

Soqqani taxtakachga qoʻyib otmoq.

fl. 1. Ustiga taxta qoplamoq.

2. Yogʻoch yoki metallni yuqa parraklarga (varaqlarga) ajratmoq.

ot Taxtakoʻpirda yashovchi shaxs.

fl. 1. Taxtakach orasiga olib, qisib qotirmoq.

Doʻppini taxtakachlamoq.

2. Singan aʼzo suyaklarini taxtakach orasiga olib, siqib bogʻlab qoʻymoq.

Boboqul ota qayoqdandir yogʻoch topib keldi. Uni Nigora aytganday qilib yoʻndi. Ikkovlashib Sherbekning dod-voyiga ham quloq solmay, chap qoʻlini taxtakachlab bogʻlashdi. — S. Anorboyev, Oqsoy

Hamshiraning yonida qoʻlini taxtakach-lagan novcha doktor ham turardi. — S. Karomatov, Oltin qum

inglizchaweb-boardruschaдоска объявлений

Mazkur ibora dastlab foydalanuvchilarning telefon tarmoqlari orqali muloqot qilish tizimini bildirgan. Internet rivoji bilan tijorat va notijorat eʼlonlardan iborat koʻplab eʼlonlar taxtalari paydo boʻldi. Ushbu eʼlonlar pullik yoki bepul asosda joylashtirilishi mumkin.inglizchabulletin board system (BBS)ruschaэлектронная доска объявлений

n (peshtaxta)stall, stand

ot Xamir yoyish va undan lagʻmon, ugra, shilpildoq va shu kabilar kesishda foydalaniladigan maxsus taxta.

Koʻzi oshtaxtada-yu, xayollari qoʻshnisi Mirzaalining hovlisida kezayotgan boʻlsa ham ajab emas — X. Toʻxtaboyev, Yillar va yoʻllar

ot etn. Oʻlik yuviladigan toʻrt oyoqli pastak (xontaxtaga oʻxshash) stol.

ot Oʻtirib ovqatlanish uchun xizmat qiladigan, oyoqlari kalta yogʻoch stol.

Xontaxta atrofiga koʻrpacha solmoq.

Xosiyat xola lagandagi oshni keltirib, xontaxtaga qoʻydi. — R. Fayziy

ot 1. Doʻkonda, magazinda, bozorda sotuvchini xaridordan ajratib turadigan, ustiga sotiladigan mollar qoʻyiladigan, koʻpincha xaridor tomoni yopiq maxsus stol.

Magazinda odam yoʻq Peshtaxta orqasida yoshgina sotuvchi yigit oʻtirardi. — S. Ahmad, Jimjitlik

Mudir peshtaxtani aylanib oʻtib, Gulchehraga yaqin keldi. — Saodat

Bu yerda hozircha dehqonlar oʻz mahsulotlari bilan savdo qilishyapti, peshtaxtalar qoʻyib berganmiz. — Gazetadan

Yaqinda Sharq ziyokori kitob doʻkonida peshtaxtani bezab turgan bir noyob albom-kitobga koʻzim tushib, beixtiyor uni varaqladim. — Gazetadan

2. bnk. Karnizning boʻylamasiga qoʻyilgan kichik toʻsin yoki taxta.

ot ayn. Plita 1.

ot Goʻshtni chopib qiyma qilish uchun moslangan taxta yoki kunda.

Ariq boʻyida choʻqqayib, qiymataxta yuvayotgan Xolniso xolaning yuragi orziqib ketdi. — Mirmuhsin, Chiniqish