фл. 1. Нарсани қўлдан, елкадан ёки бошқа жойдан узиб, қуйи томон (ирғитиб, отиб ва ҳоказо) туширмоқ, ёʻналтирмоқ.
Олма узиб, ерга ташламоқ.
Ғуломжон супургини ташлаб, қўлларини қоқди. — М. Исмоилий, Фарғона тонг отгунча
Кейин носини ташлашга жой излаб аланглади. Ў. — Ҳошимов, Қалбингга қулоқ сол
2. Нарсани бирон бошқа нарса, жой устига, остига ёки ичига ёʻналтирмоқ, олмоқ, солмоқ, қўймоқ.
Қизлар ичкаридан Ҳакиманинг бошига оқ шол рўмол ташлаб, етаклаб чиқдилар. — С. Сиёев, Ёруғлик
Адёлни майсалар устига ташлаб ўтиришди. — Ў. Ҳошимов, Қалбингга қулоқ сол
Мунисхон суянчиққа бошини ташлаб, деразага тикилиб борарди. — Ў. Умарбеков, Ёз ёмғири
чопонини елкасига ташлади-да, ёʻлга тушди. — Н. Фозилов, Дийдор
3. Куч, зарб билан интилмоқ, ўзини отмоқ.
Зуҳра Саодатхонга ўзини ташлаб, маҳкам қучоқлаб олди. — С. Зуннунова, Янги директор
Чўмилмоқ-чун бирдай бўлиб, энди ҳовузга ташлади. — Муродхон
4. Бирор иш, вазифа ва шу кабиларга ёʻналтирмоқ, ёʻлламоқ; сафарбар қилмоқ.
Ҳаммани йиғим-теримга ташламоқ.
Душман бор кучини жон ҳолатда қарши ҳужумга ташлади. — Газетадан
Душман барча мавжуд танкларини ва ўзиюрар тўпларини ҳужумга ташлади. — Назармат, Жўрлар баланд сайрайди
5. Эътиборсиз, алоқани узиб ва бошқалар ҳолда қолдирмоқ.
Дўст сўзини ташлама, Ташлаб, бошингни қашлама. — Мақол
Унинг талабаларидан бир қанчаси мактабни ташлаб, бу ерга қочиб келди. — М. Исмоилий, Фарғона тонг отгунча
Ғаввос Муҳаммаднинг устодни ташлаб кетиб қолгани армон бўлиб турганида, эшикдан учинчи шогирди — Зулфиқор Шоший кириб келди. — Мирмуҳсин, Меъмор
6. Барҳам бермоқ, ёʻқ қилмоқ; йиғиштирмоқ (баъзи одат, хатти-ҳаракат кабилар ҳақида).
[Дадам] Ароқни ташлаган бўлсалар-а! Роса маза бўларди-да. — Э. Раимов, Ажаб қишлоқ
Ўқитувчи ёки тиббиёт ходими бўлмоқчимисан — чекишни ташла, одамларга икки қиёфада кўринма. — Газетадан
Хўш, гинани ташлаган бўлсангиз нега боя уларнинг олдида оғзингизга келганини ўтладингиз? — А. Қодирий, Меҳробдан чаён
7. Пасаймоқ, тушмоқ.
Совуқ бир оз ташлади. Нархлар анча ташлади.
8. с. т. Рақсга тушмоқ; ўйнамоқ.
Тановарга роса ташлади.
9. кўм. фл. взф. -(и)б қўшимчали равиш-дош шаклига қўшилиб, ҳаракатнинг кескин, кучли тарзда юз беришини билдиради.
Бузиб ташлади. Жеркиб ташлади. Ғижимлаб ташламоқ. Ағдариб ташлади.
Шу ернинг ўзида подшоҳ кишилари уни тутиб олиб, тилка-пора қилиб ташлаган эди. — Мирмуҳсин, Меъмор
- Гап ташламоқ Шунча қизлар билан ўқиб, бирга дарс тайёрлаб, бирортасига гап ташламабман. — М. Қориев, Ойдин кечалар
- Илон пўст ташлайди қилаётган қилиғига илонлар пўст ташлайди. — Мирмуҳсин, Меъмор
- Кўз ташламоқ Бобур тўпланиб турган бекларга кўз ташлаган эди — П. Қодиров, Юлдузли тунлар
- Кўланка (ёки кўлка) ташламоқ Тарқалиб кетган кенг шохлар ерларга ола кўланка ташлаган. — Уйғун, СайланмаТашладими ёки бир умр кўзимга ғам кўлкаларини. — Ш. Раҳмон, Юрак қирралари
- Луқма ташламоқ Жиззакилик қилиб, ўтирган ерида нотиққа бир-икки марта луқма ташлади. — Ф. Мусажонов, Ҳиммат
- Назар ташламоқ Раҳим акага камситгандек назар ташлади — Ф. Мусажонов, Ҳиммат
- Орқага ташламоқ 1. Орқага олмоқ. Бугун бориб кела қол, орқага ташлама.
- Соя ташламоқ 1. Соя бермоқ. Баҳайбат сада атрофга соя ташлаб турибди;Раисанинг қошлари чимирилиб, ҳалигина кулиб турган юзига ғам соя ташлади. — М. Хайруллаев, Тилла маржонРоманнинг бадиийлигига соя ташлаб турган воқеалар баъзи ўринларда ортиқча чўзилиб кетади. — С. Кароматов, Олтин қум
- Тоб ташламоқ — Тоб ташламаслик керак оғир шароитларда,— деди Шоимов бамайлихотир. — Ўзбекистон қўриқлари
- Томдан (ўзини) ташлайди Мўмай пул кўрса, томдан ўзини ташлайди. — Муштум
- Уруғ ташламоқ Деҳқон яхши ният билан заминга барака уруғини ташламоқда. — Газетадан
- Хандон ташламоқ (ёки отмоқ) Ортиқ ўзининг ҳазилидан ўзи хандон ташлаб кулди. — М. Мансуров, Ёмби
- Шох ташламоқ Шаҳзодахон бир нозик шох ташлаб, сочларини тартибга солди-ю тахмонга борди. — К. Яшин, Ҳамза