Қидирув

сфт. 1. Бирор усул билан табиийга ўхшатиб ясалган, тайёрланган, юзага келтирилган.

Сунъий каучук. Сунъий тола. Сунъий буйрак. Ернинг сунъий ёʻлдоши.

Эндиликда жаҳондаги энг йирик стадионлардаги югуриш ёʻлкалари сунъий тўшамалар билан ишланмоқда. — Фан ва турмуш

Котибанинг кўкка бўялган қовоқлари, ҳар бири тикандай ажралиб турган сунъий киприклари пирпиради. — С. Нуров, Майсаларни аёз урмайди

2. Табиий бўлмаган ёʻл билан амалга ошириладиган; нотабиий.

Сунъий ёритиш. Сунъий суғориш.

Уни дарҳол дераза ёнига яқинроқ келтиришиб, сунъий нафас олдиришди. — Ёшлик

Сунъий ишлов берилган, аёллар зийнати ҳисобланган олмос бриллиант деб аталади. — Фан ва турмуш

3. кўчма Ясама, сохта, ёлғондакам; носамимий.

Сунъий табассум. Сунъий хотиржамлик.

Куёв олдин манзират қилиб кўрди. Лекин сўзлари анча сунъий чиқаётганини ўзи ҳам сезди шекилли, миннатдорчилик билдириб қўя қолди. — С. Анорбоев, Оқсой

Очил ўзини вазмин тутиб, табиий муомала қилган сари, Замира ўнғайсизланар, сунъий равишда босиқ бўлишга уринарди. — П. Қодиров, Уч илдиз

от Ясамалик, сохталик, табиий эмаслик.

Материалнинг табиийлиги ёки сунъийлигини аниқламоқ.

Кулгининг сунъийлиги.

Илтифот кўрсатиш меъёридан ошса, бачканалик ёки сунъийликка ўхшаб қолади. — Газетадан

ингл:рус: Фойдаланиш учун қоидалари қатъий белгиланган тил.инглизчаartificial languageрусчаискусственный язык

фл. Сунъий ҳолга ўтмоқ, табиийлигини ёʻқотмоқ.

1. Компютерлар ҳақидаги фан соҳаси. Бу соҳа моделлаш ва одатда инсон тафаккурини эслатувчи фикрлаш ва ўрганиш каби вазифаларни бажариш тизимлари билан боғлиқ.инглизчаartificial intelligenceрусчаискусственный интеллект

2. Информатика соҳаси. У автоматлаштирилган тизимлар ёрдамида инсон тафаккурининг алоҳида вазифаларини ҳаққоний таҳлил қилиш усуллари ва воситаларини илмий тадқиқ қилиш ва ишлаб чиқиш билан шуғулланади. Сунъий тафаккур доирасида расмий алгоритмлар бўлмаган вазифаларни бажаришнинг услублари, дастурий ва техник воситалари яратилади: сиймоларни таниш, табиий тил ва нутқни тушуниш, ўқувчи қобилиятларига кўра ўргатиш, ташхислар қўйиш, теоремаларни исботлаш ва ҳ.к.

3. Автоматик ва автоматлаштирилган тизимларнинг инсон тафаккурининг алоҳида вазифаларини бажариш хусусияти, масалан, олдин олинган тажриба ва ташқи таъсирлар таҳлили асосида оптимал қарорларни танлаш ва қабул қилиш.

фл. Сунъийлашмоқ феълининг орттирма нисбати.

табиий нафас олиш бузилганда ёки қасддан тўхтатилганда нафас ёʻлларига сунъий равишда ҳаво ёки кислород киритиш. Ў.с.р.ҳ.к. махсус аппаратлар ёки қўл ёрдамида амалга оширилади. Биринчи тиббий ёрдам кўрсатиш вақтида қўлланиладиган Ў.с.р.ҳ.к. нинг энг оддий усули ёрдам берувчининг оғзидан жабрланувчининг оғзи («оғиздан оғизга») ёки бурни («оғиздан бурунга») орқали ўпкасига ҳаво киритиш ҳисобланади.