Qidiruv

ot 1. Temir yoʻl poyezdlari yoki quruqlikdagi boshqa transport vositalari toʻxtaydigan joy; shu joyga tegishli inshoot va xizmatlar majmui.

Temir yoʻl stansiyasi. Metro stansiyasi.

Poyezd Toshkentdan chiqqandan beri yoʻl-yoʻlakay har razyezd, har stansiyada vagonlarga gul otaverishgan edi. — S. Ahmad, Ufq

Chollar, kelinchaklar, hassaga tayanib qolgan kampirlar stansiya binosi tepasidagi radiokarnayga tikilishgan. — S. Ahmad, Ufq

2. Maxsus vazifa bajaruvchi ayrim muassasalar, korxonalar yoki ilmiy-tekshirish ishi olib boruvchi muassasalar nomi.

Telefon stansiyasi. Meteorologiya stansiyasi. Seleksion stansiya,yash

Shu boisdan bu yerda seysmik stansiya qurildi va keng koʻlamda seysmologik, geofizik kuzatishlar boshlab yuborildi. — Fan va turmush

Zimmamizda bir yarim mingta dizel nasos stansiyalarini elektr energiyasiga oʻtkazishdek katta vazifa turibdi. — Gazetadan

3. Bortida ilmiy asbob-uskunalari boʻlgan kosmik apparat.

Kosmik stansiya, ya Mutlaqo kutilmaganda Salyut-7 orbital stansiyasi bilan aloqa uzildi. — Fan va turmush

Umumiy foydalanishdagi avtotransport korxonalarining harakatdagi tarkibi bilan muntazam ravishda shaharlararo yuk tashishni, shuningdek, ombordagi jarayonlarni amalga oshiruvchi transport korxonasi.

Avtomobillarni tuzatish, ehtiyot qismlar va baʼzi ekspluatatsion materiallar bilan taʼminlash ishlarini bajarish uchun ixtisoslashgan texnik xizmat koʻrsatish stansiyasi. Ixtisosligi boʻyicha yengil, yuk avtomobillari uchun va aralash turdagi; hududiy belgisi boʻyicha shahar, tuman va yoʻl xizmati stansiyalariga boʻlinishi mumkin

ot 1. Umuman narsa-buyumlar, jismlar oʻrtasidagi oraliq; masofa.

2. harb. Saflangan askarlar, qoʻshinlar orasidagi, shuningdek, harbiy texnika, jangovar samolyot va kemalar oʻrtasidagi masofa, oraliq.

Kolonnadagi mashinalar oʻrtasidagi distansiya 50 metr boʻlmogʻi kerak. Distansiyani saqlab yuring!

3. sprt. Yugurish, sakrash kabi musobaqalarda harakatning boshlangʻich va soʻnggi nuqtalari (start va finish) oʻrtasidagi, shuningdek, bokschilar oʻrtasidagi oraliq.

4. Temir yoʻllarning, shuningdek, oddiy suv yoʻllari (daryolar)ning maʼmuriy-texnikaviy boʻlinmasi (xizmat koʻrsatish shoxobchasi).

ot Bir-biriga tobe davlat organlari (sud va maʼmuriy ishlarni koʻrib chiqishda), shuningdek, partiya va kasaba uyushmasi organlari tizimidagi bosqich, zveno.

ot 1. tex. Asosiy elektrostansiyadan kelayotgan tok kuchlanishi va turini oʻzgartirib beradigan yordamchi elektrostansiya.

Urgut tumani Navoiy nomidagi shirkat xoʻjaligining Tirsak qishlogʻida yangi podstansiyani ishga tushirish moʻljallanmoqda. — Gazetadan

2. Oraliq, yordamchi telefon stansiyasi.

ot fls. Qadimgi falsafa tarixida butun borliq va hodisalarning mohiyati, dastlabki asosi.

Arastuning oʻzi esa substansiya — mohiyat, barcha kategoriyalarning real asosi deb taʼkidlaydi. — Falsafa

ot Kichik aerodrom.

ot Avtomobil stansiyasi; avtomobillar toʻxtab oʻtadigan, yoʻlovchilarga xizmat koʻrsatiladigan joy.

ot ayn. Televizion stansiya.

ot ayn. Gidroelektrostansiya.

Gidrostansiya endi quyoshda oʻzining azamat gavdasini va oy na koʻzlarini chaqnatar edi. — Oybek, Oltin vodiydan shabadalar.

Buni Kanizak ham koʻrdi va u ham suyunib: — Elektr! Yangi turmush gidrostansiyasini yurgizishipti! — dedi. — A. Qahhor, Qoʻshchinor chiroqlari

ot Radiotoʻlqinlarni uzatuvchi yoki qabul qiluvchi moslama va qurilmalar majmui hamda ular oʻrnatilgan joy, bino.

Tumanlarda koʻplab yangi radiostansiyalar qurilmoqda.

ot Seysmologik izlanishlar uchun tashkil qilingan stansiya.

ot Elektr energiyasi ishlab chiqaradigan korxona.

Agar sizlar shuni elektrostansiya qilsalaring, uch kolxoz charogʻon boʻladi. — A. Qahhor, Qoʻshchinor chiroqlari

ot Ham televizion, ham radio eshittirishlar uzatadigan stansiya.

ot Suv oqimi energiyasini elektr energiyasiga aylantirib beruvchi mexanizmlar bilan jihozlangan elektrostansiya.

Oʻzbekistonda qudratli gidroelektrostansiyalar qurib, ishga tushirilgan. — Sh. Rashidov