Қидирув

фл. 1. Айрилиқдаги яқин кишисини жуда кўргиси келмоқ; қўмсамоқ; соғинч ҳиссини сезмоқ.

Эй дилрабо, ишқинг била девона бўлдим соғиниб, Булбул каби тун-кечалар гирёна бўлдим соғиниб. — Ҳамза

Эрини соғиниб юрган Холисанинг юраги негадир бирдан орзиқиб кетди. — С. Нуров, Майсаларни аёз урмайди

Биламан, чарчагансизлар, бола-чақаларни соғингансизлар. — С. Аҳмад, Уфқ

2. Умуман, қўмсамоқ, хумор қилмоқ.

Капалак гулни соғинар, булбул — куйни. — Мақол

Биз бари бир баҳорни ҳар гал соғиниб ку-тиб оламиз. — Саодат

Қарши бобо ҳар қанча ҳурматга арзийди. Агар бирон кун уйда қамалиб ёца, далани соғиниб қолади. — А. Кудимов, Ҳалқа

Ғуломқорининг ашуласини жуда соғиниб қолдик. М. Исмоилий, Фарғона тонг отгунча..

3. Раво кўрмоқ, истамоқ.

Қўшнингга ёмонлик соғинма. — Мақол

[Ҳасанали:]

Энди сиздан шуни ҳам сўрайин: хўжасига содиқ• бир қул, сизнинг таъбирингизча, маънавий бир падар, ўз ўғлига ёмонлик соғинарми, бу тўғрида жавоб берингиз-чи? — А. Қодирий, Ўтган кунлар

от шв. Сўнг, кейин, сўнгра.

Ундан сўғин элдан кўп лашкар олиб, Келган ёвман [ёв билан] сўғин жанжал қилажак. — Юсуф ва Аҳмад

Китоб ўқиган одамларни садағаси кетай, ўқиб-ўқиб, сўғин начайли [началник — бошлиқ] бўлишган. — С. Аҳмад, Жимжитлик

от Соғиниш ҳис-туйғуси.

Ҳафиза онаси бағрида кўзига андак ёш олди, бу — соғинч ёшлари эди. — Мирмуҳсин, Умид

Ўтган кунларимга боқиб мунтазир, Соғинчдан ёнади ёнган бу жоним. — А. Орипов, Йиллар армони

Гулхайри пинҳона учрашувларга кучли эҳтирос, орзиқиш, ҳаяжон, соғинч билан келарди. — С. Нуров, Майсаларни аёз урмайди

сфт. Соғинч билан тўлиб-тошган, соғинч ифодаловчи.

Соғинчли салом.

Хат ёзаман, ўнг қўлимда қаламим, Ёрга етгай бу соғинчли саломим. — Газетадан

Сизлардан соғинчли салом битилган мактублар олганимиз тақдирда, бошимиз кўкка кўтариларди. — Газетадан

Соғинчли бир оҳанг денгизни бўйлар, Мовий сатҳ айланар ойдин қўшиққа. — А. Шер, Қадимги куй

фл. Соғинмоқ феълининг биргалик нисбати.

фл. Соғинмоқ феълининг орттирма нисбати.