Қидирув

сфт. 1. Текис, теп-текис, ғадир-будурсиз.

Тош шу қадар силлиқки, гўё ҳайкалтарош хўп ҳафсала билан ёʻнган-у, кўтаролмай ташлаб кетган дейсиз! — Ҳ. Назир, Сўнмас чақмоқлар

Шерали Оғажонга қўл узатиб кўришаркан, унинг хотинларникидек силлиқ юзига қараб, эшитилар-эшитилмас ғоят мамнунман, деб қўйди одоб юзасидан. — С. Кароматов, Олтин қум

2. Сирпанчиқ, сирғанчиқ, ойнадек.

Силлиқ муз.

[Бектемир) Нам, силлиқ қияликдан сирпаниб, яна сувга шалоп этиб тушди. — Ойбек, Қуёш қораймас

3. Бежирим, текис, жилоли.

[Жўрахоннинг] Дурраси силлиқ сочларидан сидирилиб, пастга тушди. — М. Исмоилий, Фарғона тонг отгунча

4. кўчма с. т. Қад-қомати келишган, бежирим, чиройли.

Сирти силлиқ жувон.

Дуруст, силлиққина йигит экан, деб ўйлади у юраги тирналиб. Ў. — Ҳошимов, Қалбингга қулоқ сол

Олимхон замонасига мувофиқ, олифтанамо, ёшига нисбатан чиройли, силлиқ киши эди. — Ойбек, Танланган асарлар

5. кўчма Камчиликсиз, равон (тил, услуб, нутқ ва шу кабилар ҳақида).

Силлиқ услуб. Силлиқ гапирмоқ. Силлиқ нутқ.

Поччаевнинг тўғри, силлиқ гаплари узоқдан дона-дона янграб эшитиларди. — А. Мухтор, Туғилиш

6. Кишига ёқадиган, қаттиқ тегмайдиган, юмшоқ.

Силлиқ муомала.

[Собир ака:] Силлиққина қилиб жавоб бердим. Сен нима дейсан, аяси?0. — Ёқубов, Песалар

7. Муаммосиз; кўнгилдагидек, тўсиқсиз; бекам-кўст; бежанжал.

Аммо олдиндан тузилган режалар ҳамиша ҳам силлиққина амалга ошавермайди. — С. Кароматов, Олтин қум

Бу учинчи хотинимдан ҳам хамирдан қил суғургандек — силлиққина қутулмоқчи эдим, бироқ отим ишнинг пачавасини чиқариб қўйди. — Муштум

8. Товушсиз; сездирмасдан.

Дилимардон мушукдай силлиққина кириб келганини ва синф журналини алмаштираётганини ҳеч ким сезмай қолди. — Газетадан

9. махс. Бир текисда, бир маромда, равон, шовқинсиз.

Тўғри, ишни қойил қиласан, машиналар доим силлиқ айланади. — Ф. Мусажонов, Камтарин ишчи

от 1. Текис эканлик, бежиримлик; равонлик. Юзнинг силлиқлиги.

У [Нусратбек] онасининг қаттиқ қўлларини уқалаётганида, ўзининг қўллари оппоқ, семиз, силлиқлигини сезиб уялган эди. — С. Нуров, Нарвой

2. Хушмуомалалик, юмшоқлик; осонлик.

Шу орада ғаламис оралаб, илоннинг ҳақини еган, деган гап чиқиб қолди. Силлиқлик билан, ўз аризамга биноан қуён бўлиб қолдим. — С. Аҳмад, Сайланма

фл. 1. Турли материаллар (металл, тош, ёғоч ва бошқаларга) ишлов бериш билан уларни силлиқ қилмоқ, сайқал бермоқ.

Тошни силлиқламоқ. Яхмалакка сув сепиб силлиқламоқ.

У толдан қилинган янги кетмон сопини ойна билан қиртишлаб силлиқлар, хаёлида эса Эралини ачитиб олаётган эди. — А. Муҳиддин, Ғанишер

2. кўчма С. т. Қайта ишлаб, камчиликлардан холи, бекам-кўст, равон қилмоқ.

Услубни силлиқламоқ. Тилни силлиқламоқ.

Гулнор ўз дўсти, сирдоши Зайнаб билан маслаҳатлашиб, Ёʻлчига хат ёзишга қарор қилган ва сўзларини айтиб турган; отин қиз эса, Гулнор сўзларини силлиқлаб, қоғозга кўчирган. — Ойбек, Танланган асарлар

3. кўчма Қўпол, дағал гапни тўғриламоқ, юмшатмоқ.

— Дадангиз шунчалик деган бўлсалар, худо хайр берсин, — деди Сидиқжон, қўпол равишда айтган гапини силлиқлаш учун — А. Қаҳҳор, Қўшчинор чироқлари

1. tegislew, shıray beriw

2. авıс. qayta islew

3. авıс. jumsartıw

фл. Силлиқламоқ феълининг мажҳул нисбати.

фл. Силлиқламоқ феълининг орттирма нисбати.

от 1. Силлиқламоқ феълидан сифатдош.

2. Буюмларга сайқал берувчи, сайқалловчи ишчи, уста.

фл. Силлиқламоқ феълининг биргалик нисбати.

фл. Силлиқлашмоқ феълининг орттирма нисбати.

қудуқ деворини текислайди, шунингдек, қудуқ танасидаги туртиб чиқиб қолган жойларни ёʻқотади. Долотанинг икки қарама-қарши чекка юзаси юмалоқ, ташқарига бўртиб чиққан бўлса, қолган иккитаси эса ичига ботган бўлади. Силлиқловчи долоталар 9 ўлчамда, яъни 146 дан 603,2 мм ли диаметрда тайёрланади.

сфт. 1. s.ning куч. Силлиқ

Сип-силлиқ тахта. Сип-силлиқ ойна. Сип-силлиқ бош.

Директорнинг столи сип-силлиқ эди. — Х. Султонов, Онамнинг юрти

2. Худди бегуноҳ каби; бежанжал, беишкал, текис.

Саодат давом этди: — Ўтган кенгашда директорингиз бу ҳақда оғиз очмади, сип-силлиқ бўлиб, минбардан тушиб кетди. — А. Мухтор, Қарс икки қўлдан чиқади

Баталов билан Бобожонов милиция ходимларининг бошини айлантириб, сип-силлиқ чиқиб кетишди. — Муштум