Qidiruv

ot Harakat, faoliyatda mardona, jasoratli intilish; mardlik, jasorat.

Shijoat koʻrsatmoq.

Odamlardagi harakat, shijoat, gʻayratni koʻrayotibsanmi? Ularning yuragiga kim gʻayrat soldi? — Uygʻun, Navbahor

Biz koʻrsatib cheksiz mahorat, Sahrolarda ochdik boʻstonlar; Moʻjizalar yaratgan gʻayrat — Shijoatdan qolur dostonlar. — Z. Diyor

Qancha kuch, qancha gʻayrat, qanchalik shijoat bor bu tinib-tinchimas qariyada! — S. Karomatov, Oltin qum

sft. Shijoati bor, shijoat bilan harakat qiladigan.

Shijoatli yigit.

Oqsoqol opa haqiqatan ham juda shijoatli, sergʻayrat bir juvon. — S. Ahmad, Qadrdon dalalar

Oʻt-olov yigitlar, shijoatli yoshlar mexanizatsiya izmini oʻz qoʻllariga oldilar. — Oʻzbekiston qoʻriqlari

sft. ayn. Shijoatli.

Shijoatkor yigitlar.

Brigadaning shijoatkor paxtakorlari qiyin ob-havo sharoitida ham yuqori hosil koʻtardilar. — Gazetadan

sft. Shijoati yoʻq, shijoat bilan ish tutmaydigan,

Shijoatsiz odam.

rvsh. kt. Shijoat bilan qilinadigan, mardona; fidokorona.

Shijoatkorona parvoz.

Qishloq mehnatkashlarining shijoatkorona mehnatlari tufayli viloyatimiz davlatga pilla, qorakoʻl teri sotish yillik rejalarini oshigʻi bilan ado etdi. — Gazetadan

sft. ayn. Shijoatli.

Mana, uning qarshisida boshijoat otasi gavdalandi. — Oybek, Quyosh qoraymas

sft. ayn. Shijoatli.