Поиск

ot 1. Kishilarning oʻzaro uchrashgan paytlarida urf-odatga koʻra bir-biriga aytadigan soʻzi.

Alangali salom. Qizgʻin salom. Salom ham farz, alik ham farz. Bir kun tuz ichgan joyga qirq kun salom ber. — Maqol

— Salom, professor!Xush kelibsiz, — dedi Hamza va Stepanovga qarab qulochini ochdi. — K. Yashin, Hamza

Gʻulomjon egilib salom berdi, sogʻ-salomatlik soʻradi. — M. Ismoiliy, Fargʻona tong otguncha

2. tar. Amir, xon bilan ertalabki uchrashuv va undagi salom-alik marosimi.

Ertalab xonning haramdan chiqish vaqti yaqinlashgan, salom va istiqbol uchun xoslardan sakkiz-toʻqqiz kishi yigʻilgan edilar. — A. Qodiriy, Mehrobdan chayon

3. etn. Kelinchakni toʻydan keyingi kun erta bilan olib chiqib, kuyovning ota-onalariga, qarindosh-urugʻlariga taʼzim qildirish marosimi va umuman kelinchaklar taʼzimi; kelinsalom.

Ertalab, odat boʻyicha, Nuri toʻr roʻmol yopinib, beshikdagi boladan to keksalarga qadar — hammaga salom qilar ekan. — Oybek, Tanlangan asarlar

[Rohila:] Jon qizim, eringni izzat qil! Qaynanangni izzat qil! Ertalab salomga chiqayotibsanmi? — A. Qahhor, Ogʻriq tishlar

4. Sahnada, oʻyin-tomosha maydonlarida aktyorlarning tomoshabinlarga taʼzimi.

Zulfizar raqsini tugatib, mahliyo boʻlib oʻtirgan tomoshabinga salom qilishi bilan, birdan hamma yoqni gulduratib qarsaklar koʻtarildi. — K. Yashin, Hamza

5. Salom (erkaklar ismi).

sft. 1. Tan-joni sogʻ, sogʻ-salomat; sogʻligi yaxshi; eson-omon.

Salomat yuribsizlarmi? Salomat yetib bormoq.

Nimaga xafasan? Mana, men sogʻ-salomat qaytdim. — Oybek, Tanlangan asarlar

Amirzodam, shukur, onangiz, egachingiz salomat ekanlar, koʻp kuyunmang, boshingiz omon boʻlsa, davlat topilur. — P. Qodirov, Yulduzli tunlar

2. Salomat (xotin-qizlar ismi).

ot Sihat-salomatlik tilab yoʻllangan salom xati.

Oʻrinboy aka xatni ochib oʻqiy boshladi. Oy-saodat opa farzandi yoʻllagan salomnomani butun vujudini quloq qilib eshitardi. — Sh. Qurbonov, Xushxabarchi

ot tar. Amirning, xonning salomga yigʻilganlarni yoki ish bilan kelganlarni qabul qiladigan xonasi.

Saroybon roʻparadagi eshikdan aʼlohazratlarining salomxonasiga kirib ketdi. — O. Yoqubov, Ulugʻbek xazinasi

ot Bir-biriga salom berib koʻrishish, salomlashish.

Salom-alik qilmoq. Ularning bir-birlari bilan salom-aliklari bor, kurortda tanishib qolishgan.

Odatdagi salom-alikdan soʻng oraga noqulay jimlik choʻkdi. — S. Siyoyev, Erkaklar ertagi.

U otdan tushib, Meʼmor bilan salom-alikdan soʻng, bu kecha qanday uxlaganini soʻradi. — Mirmuhsin, Meʼmor.

Salom-alikdan soʻng gaplari aylanib kelib Hamzaning maktabida toʻxtadi. — K. Yashin, Hamza

ot Tan-joni sogʻ, salomat boʻlishlik; tani sogʻlik.

Salomatlik tilamoq. Salomatligini soʻramoq. Salomatlik tuman boylik. — Maqol

Salomatligingiz yaxshimi, usta? S. — Siyoyev, Avaz

— Hammasidan ham salomatlik kerak, — dedi Muhiddin. — R. Fayziy, Choʻlga bahor keldi

fl. Salom bermoq, qutlamoq.

Bu yerdagi har bir shox-shabba, har bir yaproq Mohidilga qadrdon. Ular qizni salomlaganday, asta chayqalib turishibdi. — J. Abdullaxonov, Toʻfon

Chiqayotgan quyoshni salomlab, yashil daraxtlarda qushlar sayray boshladi. — Oybek, Tanlangan asarlar

ЖК ЧК кланяться ДП от РП

Unga (kimga?) mendan (kimdan?) salom ayting. Кланяйтесь ему (кому?) от меня (от кого?).

ot 2. .

3. bot. Ekinlar orasida tez koʻpayadigan, ildizpoyali koʻp yillik begona oʻt.

Salomalaykum Oʻzbekistonning barcha sugʻoriladigan hududlarida begona oʻt sifatida koʻp uchraydi. — OʻzME

fl. Salomlamoq feʼlining birgalik nisbati.

ayn. Assalomu alaykum.

арабскийاهلا AhlanрусскийздравствуйтеанглийскийHello

fl. ayn. Sogʻlomlashmoq.

fl. Salomlashmoq feʼlining birgalik nisbati.

fl. Oʻzaro salom berib koʻrishmoq, salomlashmoq.

fl. Salom-aliklashmoq feʼlining birgalik nisbati.

погов. здоровью цены нет, здоровье всего дороже (дороже всякого богатства).

погов. поздороваться друг с другом, приветствовать друг друга — долг и обязанность каждого человека.

На приветствие — привет.

sft. ayn. Sihat-salomat.

Tuz-nasiba tortsa, qaytib kelarmiz, Sogʻ-salomat kelib, sizni koʻrarmiz. — Malikayi ayyor

Ular sogʻ-salomat manzillariga yetishdi. — Yoshlik