Hayot Foundation loyihasi
Loyiha haqida
Oʻz
Oʻz

Qidiruv

«ROʻZGʻOR» boʻyicha 8 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

8 ta
roʻzgʻor
Izohli lugʻat · yana 6 ta lugʻatda

ot 1. Oʻziga mustaqil har bir oila, har bir xoʻjalik.

Ayolning sarishtasi — roʻzgʻorning farishtasi. — Maqol

Seni deb uyimdan, roʻzgʻorimdan kechdim. — S. Ahmad, Ufq

Ha, durust, ishga yaroqli polvondek yigit boʻlsang, roʻzgʻorga bosh boʻlasan endi, oʻgʻlim. — S. Karomatov, Oltin qum

Shu paytgacha doim roʻzgʻor ishi bilan band boʻlgan Malikaxon zavodga ishga kirib ketdi. — S. Zunnunova, Koʻk chiroqlar

2. Shunday oila yoki xoʻjalikka tegishli va uning tirikchiligi uchun zarur anjom-ashyolar, ikir-chikirlar.

Roʻzgʻor ziynati — oʻtin, Uy ziynati — xotin. — Maqol

Qoʻsh-u omoch, bosh aylanmas kichik qoʻrgʻon, Ovqat-roʻzgʻor, kavshay desang — obi yovgʻon. — H. Gʻulom, Tanlangan asarlar

Agar boshqa odam boʻlgan-da, Mahfuzaga toʻgʻri yoʻl koʻrsatar, roʻzgʻorini butlab olishni oʻrgatardi. — Gazetadan

Qodir butun roʻzgʻor tashvishlarini zimmasiga olishga majbur boʻldi. — Yoshlik

3. Turmush, oila.

— Katta qizining roʻz-gʻorini ham shu kampir buzgan.

Magazinda ishlaydigan toparmon-tutarmon bir yigitni ichkuyov qilib, rosa sogʻib ichdi, — dedi kelin. — S. Ahmad, Choʻl burguti

Bularning ham ayrimlarining roʻzgʻor, farzandlari bor, baʼzilari erta-indin uzatiladigan boʻlib, boʻy yetib turibdi. — Gazetadan

  • Roʻzgʻor koʻrmoq 1. Dali Bodomgulning tuprogʻi sovimay, yangisini topibdi. Biron marta roʻzgʻor koʻrmagan, pene yigitlar koʻzini kuydirgan bu tamtam qiz uning tuzogʻiga tushib qolganiga sira tushunolmasdi. — S. Ahmad, JimjitlikAxir men ham roʻzgʻor koʻrgan edim. — S. Ahmad, UfqRoʻzgʻor koʻrsa, tushunib qolar, degan fikrgina Marziya xolaga taskin berar, keliniga ham bularning hammasi vaqtinchaligini uqtirib, koʻnglini ovlardi. S. — Zunnunova, Koʻk chiroqU [Mahmud Torobiy] oʻzining Muhammad va Ali ismli ikki ukasi bilan sahardan to shomgacha mehnat qilib, katta roʻzgʻorini tebratib turardi. — M. Osim, Mahmud TorobiyBu paltoni mehnat qilishi, pul topishi, roʻzgʻor tebratishi mumkin boʻlgan soppa-sogʻ shu qoʻllari bilan birovga eltib beradimi? — S. Zunnunova, Koʻk chiroqlar
  • Roʻzgʻor qilmoq 1. Oila qurmoq. Karim qanday aqlli yigit. Bechora ota-onasiz yetim oʻsdi. Roʻzgʻor qilishni toqatsizlik bilan kutyapti. — Sh. Rashidov, Boʻrondan kuchli;Shunchalik roʻzgʻor qilib, loaqal yumshoqroq non yedirmasak Kishi juda ham uyaladi! — A. Qodiriy, Mehrobdan chayon
Toʻliq maqola →
roʻzgʻorli
Izohli lugʻat · yana 1 ta lugʻatda

sft. Roʻzgʻorga ega boʻlgan, roʻzgʻor qilgan; oilali.

Uy-roʻzgʻorli kishi,

[Yaxshiboyev:] Ayniqsa, menga oʻxshagan katta roʻzgʻorli odamga — vaqtida yigʻinmagan ekanman, keyin bola-chaqani ham erinmay koʻpaytiribmiz — ogʻiri endi yelkaga tushyapti. — M. M. Doʻst, Lolazor

Toʻliq maqola →
roʻzgʻorchilik
Izohli lugʻat · yana 3 ta lugʻatda

ot Roʻzgʻor, kundalik hayot tashvishlari, ikir-chikirlari, roʻzgʻorga oid ish va tashvishlar.

— Yaxshi, yaxshi, qoʻy soʻyganingiz maʼqul, besh-oʻn qadoqni ziyofatga ishlatsangiz, qolgan yogʻ-goʻsht, axir, roʻzgʻorchilik, deydi. — A. Qodiriy, Kichik asarlar

Roʻzgʻorchilikda har gap oʻtadi. — S. Ahmad, Ufq

Toʻliq maqola →
uy-roʻzgʻor
Izohli lugʻat · yana 1 ta lugʻatda

ot Oila xoʻjaligi (ishlari), tirikchilik.

Soraxon ham uy-roʻzgʻor tutishni oʻrganadi. — A. Qahhor, Sarob

Uy-roʻzgʻorga ham epchil: yaxshi kiyinadi, yaxshi yeydi. Oʻn kulib, bir gapiradi. — Oydin, Ikki koʻzi shunda

Hamma ayni shu mahalda uy-roʻzgʻor ishi va kechki ovqat bilan band boʻlganidan, guzarda hech kim koʻrinmas edi. — P. Tursun, Oʻqituvchi

  • Uy-roʻzgʻor qilmoq Oila qurmoq (qilmoq). Uy-roʻzgʻor qilib, biron kun yayraganim yoʻq. — S. Ahmad, Xazina
Toʻliq maqola →