Qidiruv

ot 1. fls. Obyektiv borliqda turli hodisalar oʻrtasida kishi ongidan va ixtiyoridan tash-qari hamisha mavjud boʻlgan muhim, zaruriy, barqaror bogʻlanish, munosabat.

Ijtimoiy taraqqiyot qonunlari. Tabiat qonunlari. Dialektika qonunlari. Tafakkur qonunlari. Ziddiyatlarning birligi va kurashi haqidagi qonun. Energiyaning saqlanish qonuni.

Ha, barakalla, taʼsir va aks taʼsir qonuni, toʻgʻri, xuddi shuning oʻzi. — S. Karomatov, Oltin qum

metateza qonuni til taraqqiyotining yaqin davrlar ichida paydo boʻlgan fonetik hodisasi boʻlmay, balki juda qadimgi hodisadir. — OʻTA

2. huq. Davlat hokimiyati tomonidan qabul qilingan, hamma uchun majburiy boʻlgan ijtimoiy-huquqiy meʼyor va munosabatlarni belgilovchi rasmiy qoida; ana shunday munosabatlarni mustahkamlash, rivojlantirish va tartibga solish vositasi.

Jinoyat qonunlari. Qonunlar toʻplami. Qonun chiqarmoq. Qonun chiqaruvchi organ.

— Advokatim qonunni suv qilib ichib yuborgan qonunshunos, — dedi Avazboy. — N. Safarov, Olovli izlar

Mamlakatning ichkarisida biron qonunni buzsang, jazosini oʻzing yakka tortasan, bu yerda [frontda] qonunni buzsang, jazosiga boshqalarni ham sherik qilasan. — A. Qahhor, Oltin yulduz

Ushbu qonun qabul qilingandan buyon nohukumat tashkilotlar toʻgʻrisidagi qonunchilik jadal surʼatlar bilan rivojlandi. — Gazetadan

3. Bajarilishi shart, majburiy boʻlgan, odat, qoida tusiga kirgan ish-amal, talab, topshiriq va shu kabilar

Otasining soʻzi — uning uchun qonun.

Ahmad bu yerda mehmon hisoblanardi. Mehmonning raʼyi esa mezbon uchun qonun — F. Musajonov, Himmat

Uning har bir gapi qonun. Tur desa, Sotboy turadi, oʻtir desa, oʻtiradi. — Mushtum

Jamoa aʼzolari uchun barcha ish jarayonlarini sidqidildan bajarish qonun boʻlib qolgan. — Gazetadan

4. Bir dinda qabul qilingan axloq va rasm-rusum qoidalari tizimi.

Shariat qonuni.

Qonunga muvofiq, qonuniy ravishda, qonun boʻyicha, qonun yoʻli bilan.

Uning har bir raʼyiga Normuhammad qushbegi qonunan majbur boʻlmasa-da, maʼnan bir majburiyat his etar edi. — A. Qodiriy, Oʻtgan kunlar

sft. 1. Qonun bilan belgilangan, qonunda koʻrsatilgan; qonun bilan tasdiqlangan.

Qonuniy huquq. Zavod Gʻiyosiddin tilmochning nomiga oʻtgan, oqsoqolning unda endi qonuniy haqqi yoʻq edi. — S. Ahmad, Hukm

2. Shunday boʻlishi shart boʻlgan, talab etiladigan.

Qayumxon, goʻyo shunday boʻlishi qonuniydek, sira tortinmay, toʻrga chiqdi. — F. Musajonov, Himmat

3. Oʻz-oʻzidan kelib chiqadigan, sodir boʻlishi muqarrar boʻlgan; tabiiy.

Qonuniy savol. Qonuniy eʼtiroz.

sft. 1. Muayyan qonunlari boʻlgan va ularga amal qiladigan.

Qonunli davlat.

2. Qonunga asoslangan; qonuniy.

Qonunli ish.

sft. 1. kam qoʻll. Muayyan qonunlari boʻlmagan, har kim oʻz boshiga, oʻz xohishiga koʻra ish qiladigan.

2. Qonunga toʻgʻri kelmaydigan, qonunga xilof, gʻayriqonuniy.

Qonunsiz ish. Oʻzgalarning yerlarini qonunsiz bosib olish.

Albatta, Ahmadjon nom chiqarish uchun qonunsiz yoʻllar bilan ish bitiryapti, deganlar ham boʻldi. — Shukrullo, Javohirlar sandigʻi

ot 1. Obyektiv hodisalar oʻrtasidagi bogʻlanishlar va ularning qonunlari.

Obyektiv qonuniyatlar. Jamiyatning rivojlanish qonuniyatlari.

Zilzila hosil boʻlishining seysmotektonik qonuniyatlarini bilishda yangi, aniq maʼlumotlar olindi. — Fan va turmush

2. Ish, hodisa va shu kabilarning yuz berishini qayd etuvchi shart-sharoit, asos; qonuniylik.

Til sistemasida yuz bergan oʻzgarishlarning qonuniyati.

sft. Huquqiy mavqeyi va kuchi qonunlardan quyi turuvchi, qonunlar asosida qabul qilingan.

Qonunosti hujjatlar.

ruschaвеление законаinglizchacommand of law

ot Qonunga rioya qilmaydigan, unga xilof harakat qilgan yoki qiladigan, qonunni buzuvchi.

Bora-bora Petrov men degan qonunbuzarga aylandi-qoldi. — I. Sulaymonov, Koʻlankasi maydon

ot 1. Qonunga moslik.

Talabning qonuniyligi. Hodisalarning qonuniyligi.

Qonuniylik, ochiqlik, oshkora-lik va teng huquqlilik siyosiy partiyalarni moliyalashtirishning asosiy prinsiplaridir. — Gazetadan

2. ayn. Qonuniyat 2.

ot Qoidalar, tartib qoida.

ot 1. Ijtimoiy hayot va faoliyatning qonunlar bilan taʼminla-nishi (taʼminlangan) holati.

Qonunchilikni mustahkamlash. Qonunchilik palatasi.

Qonunchiligimiz tugʻilish, oʻlim, nikoh tuzish, nikohdan oʻtkazish kabi fuqarolik ho-lati dalolatnomalarini rasmiylashtiradi. — Gazetadan

2. Biror mamlakatga yoki sohaga oid qonunlar, huquqiy hujjatlar majmui.

Jinoyatga oid qonunchilik. Mehnatga oid qonunchilik.

ot Qonunshunoslik, huquqshunoslik mutaxassisi; yurist.

Advokatim qonunni suv qilib ichib yuborgan qonunshunos. — N. Safarov, Olovli izlar

ot Qonunga rioya qilmay, unga xilof ravishda ish tutish, gʻayriqonuniy xatti-harakat; boshboshdoqlik, bedodlik.

Oʻzbekistonga yuborilgan, desant-chilar deb atalgan guruh tomonidan sodir etilgan qonunsizlik va zoʻravonlikni koʻpchilik yaxshi eslaydi. — Gazetadan

ruschaпредставитель законаinglizcharepresentative of legislation

ruschaзаконное основаниеinglizchalegal basis, lawful grounds

fl. 1. Qonun bilan tasdiqlanmoq; qonun tusiga, kuchiga kirmoq.

Tabiiy tanlanish, tabiatdagi hamma narsalarning bir-biriga bogʻliqligi millionlarcha yillar davomida takomillashgan, moslashgan, qonunlashgandir. — Mirmuhsin, Umid

2. Qonuniy deb tan olinmoq; legallashmoq.

Qonunlashgan tashkilot.

ot Muayyan qonun-qoidalarga rioya qilmaslik, ularni toʻgʻri yoki umuman bajarmaslik.

Agar isteʼmolchining huquqlari buzilsa, sotuvchi yoʻl qoʻyilgan qonunbuzarlik holatini ixtiyoriy ravishda tuzatishdan bosh tortsa, u qayerga murojaat etishi kerak? — Gazetadan

qonunlarda belgilangan yoki ruxsatnomada koʻrsatilgan talab yoki shartlarga rioya etmaslik.