фл. 1. Қисмоқ феълининг орттирма нисбати.
Қўлтиғига китоб қистирмоқ. Лабига папирос қистирмоқ. Этагини липпасига қистирмоқ. Чаккасига гул қистирмоқ.
Тешабой ота белбоғига қистирган каттагина дастрўмолни олиб, терлаган юз-бетларини артди. — Шуҳрат, Жаннат қидирганлар
Ўғлим, ана у беҳининг каллагига газета қистириб қўйган эдим, шуни олиб кел. — А. Қаҳҳор, Асрор бобо
2. с. т. Қўлига тутқазмоқ, ушлатиб қўймоқ, бермоқ.
Домла орқага ўтиб Саидийнинг қўлига қоғоз қистирди. — А. Қаҳҳор, Сароб
— Ёʻқ, тоғажон, оласиз, — деди Баширжон пулни унинг кафтига қистиришга уриниб. — Н. Аминов, Суварак
3. этн. Тўй-ҳашамларда ўйинчи, ҳофиз ва шу кабиларни рағбатлантириш учун чаккасига ёки қўлига пул суқиб қўймоқ.
Ўйинчига кўплар пул қистирди.
— Шунча пул қистиришса ҳам хафасан-а? — Пул алмаштирилгандан кейин, тангани қандай қистиришаркин, деб ўйлаб қолдим. — Муштум
4. кўчма Бирор нарсанинг баёни, ҳикояси давомида ниманидир қўшиб кетмоқ, тилга олмоқ.
Экиш мавсуми давомида еттита ҳайдов тракторининг бирор кун ҳам иисламаганини докладингнинг ўртароғига қистириб ўтарсан. — Муштум
Тўланбой мўйлов икки гапнинг бирига ё байт, ё бўлмаса ибратли бир ҳикоят қистириб ўтмаса, кўнгли жойига тушмайди. — С. Аҳмад, Уфқ
[Зокир ота:] Камчиликларни танқид қилганимда, мактаб масаласини ҳам қистириб ўцам бўлар эди, лекин бу масала алоҳида қўйилганлиги учун қистирмадим. — А. Қаҳҳор, Қўшчинор чироқлари
5. с.т. дағл. Иш, ўқиш ва шу кабиларга киргизиб қўймоқ, жойламоқ.
[Заргаров:] Ие, тағин нима қилдим дейди-я! Хотининг ўқийман деса, битта-яримта мактабга қистириб қўймайсанми-ю, яна битта туққанидан кейин ўзи ташлаб кетмайдими? — А. Қаҳҳор, Оғриқ тишлар
- Гап (ёки сўз) қистирмоқ Гап қўшмоқ, луқма ташламоқ. — Ўз-ўзини мақташлик — писанда аралаш гап қистирди Иззат Мардонович. — Ж. Абдуллахонов, Хонадон— Хурсанд! — деб сўз қистириб қўйди Муса. — П. Турсун, Ўқитувчи