Qidiruv

ot 1. Kesuvchi asboblarning tigʻini oʻtkir qilish uchun ishlatiladigan, odatda, uzunchoq va yapaloqroq silliq yoki maxsus ishlangan tosh.

Tosh tuz tuyiladigan oʻgʻir ichidan uzun qayroqni olib, pichoqni qayray boshladi. — Sh. Xolmirzayev, Ogʻir tosh koʻchsa

Kasbim — sartaroshlik. Bitta qayrogʻu bitta ustara dastmoya. — Gazetadan

2. Jismi sadolanuvchi urma cholgʻu; raqqos(a)lar qoʻlda shiqirlatib oʻynaydigan bir juft choʻzinchoq (qayroqqa oʻxshash) tosh.

Shermat bilan Alisherning yogʻochoyoqda turib, qayroq bilan uforiga oʻynashini aytmaysizmi?! — M. Qodirov, Asaka dorbozlari

Xorazm qayroqlari yana qaysi xalq qoʻlida shunday jaranglashi mumkin? — Sharq yulduzi

3. koʻchma (3-sh. egalik shaklida — qayrogʻi) Umuman, oʻtkirlovchi, charxlovchi narsa.

Kitob — aql qayrogʻi. Qoʻlning kuchi birni yengsa, bilimning kuchi mingni yengadi. — Shuhrat, Shinelli yillar

4. ayn. Qayroqi.U

qayroq bugʻdoy unidan yogʻli patir, somsa yopdi. — I. Rahim, Chin muhabbat

ot 1. yoki Qayroqi yer (tuproq) Togʻ etaklarida tosh qatlami ustida paydo boʻlgan, soz tuproqli, dehqonchilik uchun yaroqli yer.

Togʻlik rayonlarda va togʻ etaklaridagi rayonlarda, qayroqi yerlarda bogʻdorchilik, uzumchilikni, polizchilikni rivojlantiramiz. — Sh. Rashidov, Yangi yer haqida soʻz

2. Shunday yerlarda, Oʻzbekistonda va umuman Oʻrta Osiyoda yetishtiriladigan yirik bugʻdoy navi.

Qayroqi bugʻdoy.

Mana, Elgeldi bovur, qizing suprasiga yaratib tursin, qayroqi un. — A. Muxtor, Qoraqalpoq qissasi

3. koʻchma s.t. Yuqori sifatli, ishlov berilgan narsalarga nisbatan qoʻllanadi.

Katta tajribasi, keng bilimi xalq maqollari va matallaridan, qayroqi soʻz va iboralaridan mohirlik bilan foydalanishiga imkon bermoqda. — Gazetadan

Anavi naqshinkor, qayroqi balkonlarni aytmaysizmi! Gulpanjaralari ipakdan toʻqilgan kabi. — S. Akbariy, Sevgi bilan tirilgan yurak

Ikkala hamdard, Pirzodaning taʼbiricha, qayroqi qoradoridan danak miqdorida otishib, keyinidan choyxoʻrlikka tutinishdi. — Sharq yulduzi

ot Qayroq shiqirlatib oʻynovchi raqqos(a).

Kairakkum.

ot 1. ayn. Qayroq 1.

Yormat qizidan xursand boʻldi Pichoq, qayroqtoshni va goʻsht-moy solish uchun togʻoralarni tozalab, tayyor qilishni buyurdi. — Oybek, Tanlangan asarlar

2. Silliq yoki qayrab, charxlab, maxsus shakl berilgan tosh.

U gapirar ekan, Peterburg shahrining mayda qayroq toshlar terilgan keng-keng koʻchalari koʻz oldidan oʻtardi. — J. Abdullaxonov, Toʻfon

ot Qayroq shiqirlatib oʻynash, qayroq bilan raqs tushish.

ot Qumdan qilingan qayroqtosh.