ot 1. Taklif, iltimos va shu kabilarga bildirilgan rozilik, maʼqullash.
Qabul javobi.
Kumush qabul ifodasini bergandan soʻng, qushbegi dahlizda qarab turgan qoʻrboshiga: — Kirsinlar, — dedi. — A. Qodiriy, Oʻtgan kunlar
Zavq-safoni tezroq totishga intilgan Mirzakarimboy eʼtiroz qilsa ham, nihoyat, qabulga [nikohni kechiktirishga] majbur boʻldi. — Oybek, Tanlangan asarlar
2. Beriladigan, taqdim etiladigan, topshiriladigan narsani olish; qabul qilish.
Xirmonlar donga toʻlib, gʻalla ortgan avtomashinalar karvoni qabul punktlari tomon shoshilmoqda. — Gazetadan
Boysunqur mirzo madrasa qurilishini nihoyasiga yetkazish va tantanali qabul marosimlarini oʻtkazishlariga rahbarlik qilishni ustod Qavomdan iltimos qildi. — Mirmuhsin, Meʼmor
3. Ishga, oʻqishga, aʼzolikka, safga, qatorga va shu kabilarga olish, oʻtkazish, qoʻshish.
Institutga qabul boshlandi. Kursga qabul toʻxtatildi. Qabul imtihonlari muvaffaqiyatli oʻtdi. Qabul komissiyasi ishga tushdi.
— Bu yilgi qabulga mening ham bir oz aloqam bor, — dedi u — harakat qilib koʻrishim mumkin. — P. Qodirov, Uch ildiz
4. Suhbatlashish, arz yoki shikoyatni tinglash, koʻrish va shu kabi maqsadlarda kimsa huzurida boʻlish, huzuriga chaqirish yoki qoʻyish.
Qabul marosimi. Qabul soatlari. Boshliq qabulida boʻlmoq.
Fattoh Ul-masbekov bugungi qabulni bir amallab tugatdi-yu, ammo oʻzi ham bukchayib qolganday boʻldi. — Oʻ. Usmonov, Sirli sohil
Kunning ikkinchi yarmida Oyqizning qabul vaqti edi. — Sh. Rashidov, Boʻrondan kuchli
Vrach qabuliga birinchi boʻlib yozilay, deb xoʻroz qichqirmasdan kelgandim. — Mushtum
5. Efir toʻlqinlarini oʻziga olish, ushlash, tutish.
Qabul qiluvchi apparat. Radiostansiya maʼlumotlarni berib boʻlgach, qabulga oʻtdi.
- Dargohida qabul qilmoq 1. Huzuriga kiritmoq, qoʻymoq; Bemor koʻzini ochib, qizchasini yoniga tortdi va pichirladi: — Xudo qizimning saharlari qilgan duosini dargohida qabul qildi. — A. Qahhor, Bemor
- Qabul qilmoq (yoki etmoq) 1. Rozi boʻlmoq, koʻnmoq; maʼqul deb topmoq, qoʻshilmoq. Taklifni qabul qilmoq. Shartini qabul qilmoq. Uzrni qabul qilmoq.bizlarning bu raʼyimizga qarshi tushib, harchand rad qilsa ham, nihoyatida onasining soʻzini yerda qoldirmaslik uchun qabul qilgan erdi. — A. Qodiriy, Oʻtgan kunlarQiz guldastani qabul qilarkan, mastona koʻzlarini yigitga tikdi. — GazetadanPaxtani oʻz vaqtida qabul qilish, tozalash, avaylab-asrash nihoyatda zoʻr masʼuliyatni talab qiladi. — GazetadanPartiyaga qabul qilmoq.Azizim Siz sanʼatkorlar oilasiga qabul qilindingiz. — Mushtumbu ogʻirlik burundan sarmunshiy boʻlgan kishining ustidagi qonuniy vazifa boʻlib kelganlikdan kishilarni uyda qabul qilishga Anvar majbur edi. — A. Qodiriy, Mehrobdan chayonQaror qabul qilmoq. Rezolyutsiya qabul qilmoq. Tabriknoma qabul qilmoq.Bu masala yuzasidan qaror qabul qilingandan keyin, ikkinchi masalaga oʻtildi. — A. Qahhor, Qoʻshchinor chiroqlariKosmik kema lokatori harakatga kelib, tezgina toʻgʻrilanib oldi-da, radiodan berilayotgan signallarni qabul qila boshladi. — GazetadanHazratim, bergan oʻgitingizni bebaho gavhar oʻrnida qabul qilurmiz — P. Qodirov, Yulduzli tunlarMulla Fazliddin Xonzoda begimning maqtovini ishga oid oddiy gaplardek qabul qilmasa, koʻnglidagi nozik hislarni sezdirib qoʻysa, oʻn jonidan biri ham omon qolmasligini sezdi. — P. Qodirov, Yulduzli tunlarIslom dinini qabul qilgan xalqlar.