Қидирув

от эск. Узун ва кенг устки кийим.

Хонзода бегимнинг нафис қадди-қомати, ипак матодан кийган камалакдай товланувчи қабоси Аҳмад Танбалга бугун ҳар қачонгидан ҳам жозибали кўринади. — П. Қодиров, Юлдузли тунлар

от 1. Қабиҳ иш, ярамас хатти-ҳаракат; қабиҳлик.

Қандай пасткашлик, қандай ярамас қабоҳат! Шу маҳалгача сезмаганимга ҳайронман! деб ўйлади Ғуломжон. — М. Исмоилий, Фарғона тонг отгунча.

Интизор ҳар уй диловар, Дилкушолар базмига, Гар оёқ қўйса қабоҳат, Йиғлагай остона ҳам. — Э. Воҳидов, Муҳаббат

2. сфт. Қабоҳатли, разил, қабиҳ.

Қабоҳат иш.

Бозорнинг устини туман олибди, Одамларга қабоҳат кун бўлибди. — Очилдов

Бу қабоҳат қирғин поёнига етмай, давлатпаноҳ аъёнлари қуршовида жар ёқасида қатор тизилган ўлим дорлари томон юрди. — С. Кароматов, Сўнгги бархан

сфт. Қабоҳат билан тўлиб-тошган; қабиҳ, разил, ифлос.

Неча вақтлар бўлди, тентираб юрган, Қабоҳатли қаттиқ кунлар кечирган. — Ойсулув

от 1. эск. Қутичалар ичидан чаққонлик билан ҳар хил нарсалар чиқариб, ўйинлар, фокуслар кўрсатувчи киши; кўзбоғловчи.

Хитой кийимида, кўзини хитойчасига бўяган, сочини орқасига ўраган иккита ҳуққабоз талинка [тарелка]ларни чўпларда ўйнатиб чиқади. — Т. Обидов, Юсуфжон қизиқ

2. кўчма Ҳийлагар, фирибгар, найрангбоз.

— Мустамлакачиликнигина эмас, агрессив блокларни ҳам ҳимоя қилиш бу — кўзбоғловчи ҳуққабозларнинггина қўлидан келиши мумкин, — деди Аҳмаджон. — А. Мухтор, Давр менинг тақдиримда

azıq ushın qolaylı, jaramlı

русчажонглёр, фокусникинглизчаjuggler, conjurerфрансузчаprestidigitateur, jongleur, fraudeurарабчаبَهْلَوَانٌ

от 1. Ҳеч кими ёʻқ, ёлғиз.

Сўққабош одам,

[У] Дунёда якка-ю ягона, сўққабош одам. — С. Аҳмад, Жимжитлик

Назар-бек, бизда оила ёʻқ, оиламиз ўн йил бурун қазо қилган, икки фарзандимиз бор эди, бири ҳам турмади. Сўққабошмиз энди. М. — М. Дўст, Лолазор

2. Уйланмаган, бола-чақа қилмаган; бўйдоқ, ёлғиз.

— Биби Робия, — деди у [Яхшибоев] — сўққабош ўтиб кетяпсан. М. — М. Дўст, Лолазор

от Ҳуққабоз ўйини.

Қизиқчи ҳуққабозлик қила туриб, оёғини бошига уриб олади ва аразлаб, майдондан чиқиб кетади. — Т. Обидов, Юсуфжон қизиқ

от 1. Бехос ташқи ёки ички таъсирдан сакраб, сапчиб тушмоқ, сесканмоқ.

Чўчиб уйғонмоқ.

Пешайвонда баногоҳ телефон жиринглаб, [Искандар] чўчиб тушди. — М. Мансуров, Ёмби

Ориққина бир бола машина товушидан чўчиб, ёʻл четига чиқди. — С. Нуров, Майсаларни аёз урмайди

[Яхшибоев] Хаёлига келган қалтис фикрдан чўчиб тушди. — М.М. Дўст, Лолазор

2. кўчма Қўрқмоқ, ҳадиксирамоқ; шубҳаланмоқ.

Қийинчиликлардан чўчимоқ.

Гоҳо ваҳималар бағрингни тилиб, Роса чўчитади, юришмас ишинг. — А. Орипов

[Муҳсина] Ўғли талоқ айца, келин уйдаги лаш-лушларни талоққа қўшиб кўтариб кетишидан чўчийди, холос. — М.М. Дўст, Лолазор

от Сўққабош, ёлғиз бўлишлик.

Сўққабошлик жонга тегди. — Н. Сафаров, Ҳаёт мактаби