Hayot Foundation лойиҳаси
Лойиҳа ҳақида
Ўз
Ўз

Қидирув

«ПИСАНД» бўйича 11 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик
Тилдан
Ўзбекча Русча Инглизча
Тилга
Ўзбекча Русча Инглизча Қорақалпоқча Немисча Франсузча Арабча Туркча

← Барча натижалар

Луғат мақолалари

11 та
писанд
Изоҳли луғат · яна 5 та луғатда

от фақат бўлишсиз шаклда Диққат-эътибор, назар-эътибор.

Хон ҳеч қулоқ солмади, Писандига олмади. — Ҳ. Олимжон

Бошқа болалар мана мени қанча уйларига чақирсалар, зиёфат қилсалар ҳам, сени бу остонангча писандимга келмайди. — Ҳамза, Танланган асарлар

  • Писанд эмас 1. Кўнглига сиғмайди, кўзига кўринмайди. Унга ҳозир уй ҳам, боғ ҳам, машина ҳам писанд эмас;Унга ҳеч ким писанд эмас;Бу иш менга писанд эмас.Бизга, она, мол-жон писанд эмас. Менга келинингизни бир кўриш минг подшоҳликдан афзалроқ. — Ҳамза, Танланган асарлар— Дунёда одамнинг қўлидан келмайдиган иш бор эканми! Фақат истак бўлсин, кўпчиликка ҳеч нарса писанд эмас, — деди Абдурасул. — П. Турсун, Ўқитувчи
  • Писанд қилмаслик Назарга илмаслик, менсимаслик. У ҳеч кимни писанд қилмайди.Шундай казо-казоларнинг қизлари Пошшоойимлар, Хонзодалар қоқ саҳар туриб, хизматимга ҳозир бўлса-ю, сен бенасаб, исқирт, атлас кўрпада мени писанд қилмай, хуррак отиб ёцанг! — Ҳамза, Бой ила хизматчиҒозиддиннинг назарида, уни фақат бир киши — Қодиржон четдан кузатиб, мунтазам таъқиб қилгандек эди. У аслида Қодиржонни писанд қилмас, одам ўрнида ҳам кўрмасди. — О. Мухтор, Эгилган бошБу бўйича бизни писанд қилмайди, бу ерда ит ўлтирганми, эшак ўлтирганми — парвосига келтирмайди. — А. Қодирий, Обид кетмон
Тўлиқ мақола →
писанда
Изоҳли луғат · яна 6 та луғатда

ф. — дидга тўғри келган, мақбул; мақтовга, маъқуллашга сазовор

2. Олдиндан қўйилган талаб, шарт.

Уларнинг ўзаро писандаларига мувофиқ, янги ерлар, чиқариладиган сувлар Тешабойга текин ўтади. — М. Исмоилий, Фарғона тонг отгунча.

3. Талаб ёки шарт тарзида айтиладиган баҳона.

  • Писанда қилмоқ 1. Олдиндан бирор талаб ёки шарт қўймоқ. Шу аснода Давронга паспортни узатаркан, писанда қилди: — Энди сизга гап шу, ака: бундан кейин ичган пайтингизда кўча-кўйда санқиб юрманг. — Н. Қиличев, Чиғириқ;— Кори хайр иши давлатга қарамайди, оғайни, — писанда қилди мулла Бердиёр, — ҳимматга қарайди, ҳимматга. — Муштум
Тўлиқ мақола →
назар-писанд қилмоқ
  • Назар-писанд қилмаслик Менсимаслик, назарга илмаслик, ўзини баланд тутиб, кимсага паст назар билан қараш. Отасининг остонасида юрган бир камбағал малай йигит уни назар-писанд қилмасин, унинг ялинишларини, ваъдаларини тингламасин! Ким у? — Ойбек, Танланган асарларЎтганингда бир қайрилиб кулмайсан, Ёки бизни назар-писанд қилмайсан? — Т. Тўла
Тўлиқ мақола →
беписанд

сфт. 1. Диққат-эътибор қилмайдиган; менсимайдиган; лоқайдлик билан муносабатда бўладиган.

Энди ҳаммаси мен билан шундай беписанд гаплашади, деб хаёл қилди Эломонов. — М. М. Дўст, Галатепа қиссалари

Қундуз йигитнинг беписанд муносабатига энсаси қотар эди. — Х. Султонов, Бир оқшом эртаги

Аёл эрига беписанд, таҳқиромуз қаради. — Н. Аминов, Суварак

2. кўчма Ҳеч нарса таъсир эта олмайдиган, парво қилмайдиган, мустаҳкам.

Мен қояман энди беписанд, Кор қилмагай тож отинг ҳарчанд! — А. Шер, Қадимги куй

Тўлиқ мақола →
беписандлик

от Менсимаслик, лоқайдлик, эътиборга олмаслик ҳолати.

Йигит тўртта йигирма беш сўмликни беписандлик билан пештахтага ирғитди. — Муштум

Унинг бу беписандлиги Қора Қоплоннинг баттар жиғига тегиб, қутуртириб юборди. — К. Яшин, Ҳамза

Тўлиқ мақола →
нописандлик
Изоҳли луғат · яна 1 та луғатда

от Назарга олмаслик, писанд қилмаслик.

Тилга нописандлик —

элга нописандлик. — Газетадан

— Хўш, бўлдингизми? —

деди бойвачча нописандлик билан. — К. Яшин, Ҳамза

Тўлиқ мақола →