Hayot Foundation лойиҳаси
Лойиҳа ҳақида
Ўз
Ўз

Қидирув

«Ойдин» бўйича 13 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча
Тилга
Ўзбекча Русча Инглизча Қорақалпоқча Немисча Франсузча Арабча Туркча

← Барча натижалар

Луғат мақолалари

13 та
ойдин
Изоҳли луғат · яна 6 та луғатда

сфт. 1. Ой чиқиб, ҳамма ёқ ой нури билан ёриган, ёруғ.

Ойдин кеча,

Кеча ойдин, қабристон тип-тинч. — А. Қодирий, Ўтган кунлар

2. Ой нури, ёғдуси.

[Отабек] Ичидан тақинган ханжарини қинидан суғуриб олди-да, дамини ойдинга солиб боқди. — А. Қодирий, Ўтган кунлар

Олисдаги уйларнинг тошари ойдинда йилтирайди. — Ойбек, Олтин водийдан шабадалар.

3. кўчма Аниқ, кўриниб, билиниб турган, равшан.

Бу масала ҳамма учун ойдин.

[Нор:] Ҳаммага қоронғи бўлса ҳам, менга ойдин. — Ҳамза, Паранжи сирлари

Булар бари, оға, офтобдай ойдин гаплар, лекин шуларни Яхшибоевнинг ҳам ўйлаган-ўйламаганлиги мени бир оз таажжубга солади. — М. М. Дўст, Лолазор.

4. Ойдин (хотин-қизлар исми).

  • Кўр (ёки хира) ойдин Булутлар орасидан ўтиб тушаётган ой ёғдуси ва шундай ёғду билан ёришган кеча. Хира ойдинда қоп-қора ҳайкалдай бўлиб бир отлиқ кўринди. — А. Қаҳҳор, Қўшчинор чироқлари
  • Сутдек ойдин Беғубор, ёп-ёруғ ой ёғдуси ва шундай ёғду билан ёришган кеча. Менглибой чакмонини елкасига ташлаб, қўйлардан хабар олгани ташқарига чиққанда, сутдек ойдин эди. — С. Аҳмад, Юлдуз
  • Ойдинда оёғим қилади Менга ҳеч қийинчилиги ёʻқ, кўзимни юмиб ҳам қила оламан.
Тўлиқ мақола →
ойдинли
Изоҳли луғат · яна 2 та луғатда

сфт. Ой чиқиб турган, ҳамма ёқ ой нури билан ёришган; ойдин.

Қайғурма Бу кеча сенинг қайғули кечаларингнинг энг кейингиси ва ойдинли ҳам шеъриятли тунларингнинг арафасидир, бегим! — А. Қодирий, Ўтган кунлар

Тўлиқ мақола →
ойдинлик
Изоҳли луғат · яна 3 та луғатда

от Ойдин эканлик, ёришганлик, ёруғлик; аниқлик.

Кечанинг ойдинлиги. Масалага ойдинлик киритмоқ.

Конференсия муаммоларга аниқлик, ойдинлик киритади. — Газетадан

Тўлиқ мақола →
ойдинлашмоқ
Изоҳли луғат · яна 6 та луғатда

фл. 1. Ой ёғдуси билан ёримоқ.

Тун ойдинлашди.

2. кўчма Аниқ-равшан бўлмоқ, очиқ-ойдин, тушунарли бўлмоқ; ечилмоқ.

Аҳвол ойдинлашди. Масала ойдинлашди.

Комилжоннинг фикри ойдинлашган сари кўпчилик Комилжон томонга ўта бошлади. — И. Раҳим, Ихлос

Ёлғон туманга ўхшайди. Туман тарқагач, ҳамма нарса ойдинлашади. — Саодат

Тўлиқ мақола →
ойдинлаштирмоқ
Изоҳли луғат · яна 3 та луғатда

фл. Аниқлик киритмоқ.

Биз ушбу музейимизга қўйиладиган экспонапиар, ноёб ҳужжатлар орқали ана шу тарихий ҳақиқатни бир қадар ойдинлаштириш ниятидамиз. — Газетадан

Тўлиқ мақола →
оппа-ойдин
Изоҳли луғат · яна 1 та луғатда

сфт. с. куч. Ойдин 1, 2

Оппа-ойдин кеча. Оппа-ойдин масала.

Рўпарага келиб қолган тўлиной ёʻлни, ўртадаги ола-була, пастак деворни, икки томондаги ҳайбатли қояларни оппа-ойдин ёритмоқда эди. — Н. Қиличев, Чиғириқ

Тўлиқ мақола →
очиқ-ойдин
Изоҳли луғат · яна 2 та луғатда

рвш. 1. Аниқ-равшан; шубҳасиз. Очиқ-ойдин масала. Очиқ-ойдин жавоб.

У [Нури] келин бўлиб боргуси оиланинг бойлигини ўйламаган, чунки бу нарса у учун очиқ-ойдин эди. — Ойбек, Танланган асарлар

2. Очиқ, рўйирост.

Ёʻлдош боланинг эси-пастлигига ишонмаса-да, буни Хайрига очиқ-ойдин айтолмади. — Ёшлик

Манави сабил аризада очиқ-ойдин ёзиб қўйилган. — С. Аҳмад, Ҳукм

Тўлиқ мақола →