от 1. Вазннинг ортиқлиги; қийинлик, мушкуллик.
Ишнинг оғирлиги. Масаланинг оғирлиги. Аҳволнинг оғирлиги.
Керакли тошнинг оғирлиги ёʻқ. — Мақол
Карвон жўнади. Юкнинг оғирлигиданми, ёки гупчаклари ёғсираганданми, аравалар ғирчиллаб, ўз музикаси ўзи билан жадал бормоқда. — И. Раҳим, Чин муҳаббат
Тошкентдан уйланганимдан сўнг, ёлғиз бошимга ҳам Тошкентдан, ҳам Марғилондан икки хотин ушлаб туриш оғирлик қила бошлади. — А. Қодирий, Утган кунлар
2. физ. Жисмларнинг ерга тортилиш кучи.
3. кўчма Ташвиш, малоллик.
Сизларга оғирлигим тушаётгани ёʻғ-у Уйда нима бор менга? — А. Кўчимов, Ҳалқа
Ҳар куни эрталаб ишга кетаётганингда, болани боғчага элтиб қўясан, қайтганингда — олиб кетасан. Шундоқ қилсанг, ўзингдан бошқа ҳеч кимга оғирлиги тушмайди. — А. Қаҳҳор, Қўшчинор чироқлари
4. кўчма Мушкул, қийин, ноқулай аҳвол; қийинчилик; азоб-уқубат.
Сокинанинг бир ўзига икки бола билан юриш оғирлик қилади. М. М. — Дўст, Лолазор
Момо у кунларнинг оғирлиги, ташвиши ҳақида кўпам сўйлайвермайди. — Саодат
Улар бир-бирларига қарашиб, илжайишдилар. Нигор ойим ҳам оғирликдан чиқди. — А. Қодирий, Меҳробдан чаён
5. кўчма Ўзини тута билиш, сиполик; босиқлик, вазминлик.
Кимнинг номуси, кимнинг ақли, кимнинг сабри, оғирлиги уни шармандаликдан қутқариб қолди? — Ойбек, Танланган асарлар
Ботирали оғирлик билан онасига қаради. — Ёшлик
У, қўлларидаги нарсаларни стол устига қўйгач, оғирлик ва босиқлик билан Турсун хола ёнига борди. — Газетадан
- Калланг оғирлик қиляптими Жонингдан умидинг ёʻқми, ўлгинг келяптими.
- Бировга] оғирлигини ортмоқ 1. Бировга осилмоқ, устига чиқиб (миниб ёки опичлаб) олмоқ; Мунаввар, Ёʻлдошга оғирлигини ортмаслик учун, ўзига иш ҳам топди: туғруқхонага доя бўлиб кирди, — С. Анорбоев, Меҳр
- Ўзини оғирликка солмоқ ёки оғирлик қилмоқ Ўзини босмоқ, ўзини қўлга олмоқ, сабр қилмоқ. У ўзини оғирликка солиб, хотинининг бош-кўзини силади, эркалатди. — Ойдин,Кўнгли тўлдими, яхши йигит. Юраги орқасига тортиб кетган Жўмард ўзини оғирликка солди. — Мирмуҳсин, Илдизлар ва япроқлар