Поиск

Kishiga taqdirda buyurilgan hissa, ulush; taqdir.

ot 1. Kishining taqdiran buyurilgan oʻz hissasi, ulushi.

Ishimdan xursandman. Endi bitta-yarimta nasibasi qoʻshilgan xotin chiqib qolsa, uylansam, degan oʻyim ham yoʻq emas. — A. Qahhor, Qoʻshchinor chiroqlari

Yurtim, senda ekan nasibam tugal, Sen oʻzing maskanim, sen oʻzing shonim. — A. Oripov, Yillar armoni

2. Umuman, hissa, ulush; rizq.

Bu — sening nasibang.

Yoʻlchi bir soʻmga oʻzi non-choy ichdi-da, och qornini bir qadar ovutdi, qolganini Unsinning nasibasi, deb belboqqa tugdi. — Oybek, Tanlangan asarlar

3. Nasiba (xotin-qizlar ismi).

sft. Nasibasi ulugʻ, rizqi baland; baxtli.

sft. Nasibasi, tolei past; baxtsiz.

Nasibasiz qilmoq. Nasibasiz qolmoq.

ot Ayn. non-namak 1.

— Yoʻq, yoʻq! — dedi domla boshini chayqab, — bu yerdagi non-nasibamizni tashlab, qayoqqa boramiz?! — P. Tursun, Oʻqituvchi

Non-nasibang bizda boʻlsa, qolarsan, boʻlmasa, qishlogʻinggami yo boshqa tomongami joʻnarsan. — Oybek, Tanlangan asarlar

ot Goʻyo taqdirda belgilangan rizqi roʻz. nasiba.

Bilmayman, tuz-nasib qayerga tortar, Menda yoʻqdir, bova, sira ixtiyor. — Fozil Yoʻldosh oʻgʻli.

Umri uzoq ekanmi, tuz-nasiba tortibmi, bir oyoqda boʻlsa hamki, qaytib keldi. — X. Sultonov, Onamning yurti

ot

Inson qayerda boʻlmasin, oʻz rizq-u nasibasini teradi, faqat fidokorona mehnati, ona yerga muhabbati tufayli baxt topadi. — Gazetadan

Rahmatilla va Nozimaxon oʻqishni tugatgach, rizq-nasiba ekan, shaharda yashab qoldilar. — X. Sultonov, Onamning yurti

Sen bilan bizning bu yerdan rizq-nasibamiz uzildi. — P. Tursun, Oʻqituvchi

Tegishli hissadan, nasibadan mahrum boʻlgan, quruq qolgan; nasibasiz.

Benasib boʻlmoq. Benasib qolmoq.

Bu xushnud nagʻmalardan benasib boʻlmang, deb atayin uygʻotdim, bir eshitib qoling! — O. Yoqubov, Aytsam tilim kuyadi, aytmasam — dilim

Bolalik xayollari, orzularidan benasib boʻlib ulgʻayganman. — S. Ahmad, Choʻl burguti

Xalqim, moziy oʻtdi, tole koʻrmading, Pishirding, oʻzingga benasib taom. — A. Oripov