Қидирув

от 1. Ўйиб, тикиб, тўқиб ёки бўёқ билан ишланган гул, безак.

Нафис нақшлар билан безатилган бино.

Гавҳар ойна устига солинган катта бир ўйма нақш олдида Маҳкамни тўхтатди. — П. Қодиров, Уч илдиз

2. кўчма Кўрк, зийнат.

Одам борки, одамларнинг нақшидир, Одам борки, ҳайвон ундан яхшидир. — Мақол

Меҳнат бизда шараф, мардлик ишидир, Меҳнат фазилатдир, инсоннинг нақши. — Э. Раҳим, Янги қадам

сфт. Нақши бор. нақш билан безатилган.

Нақшли дарвоза.

сфт. Нақш солинган, нақш билан безатилган, нақшланган; нақшли, нақшинкор.

Шипи шарқча нақшдор уй, нақшлари эскириб, ранги хираланган, лекин ҳали диққатни тортарли ҳолда. — Ойбек, Танланган асарлар

Бир гал Давлатёр билан Элмурод қишлоқ оралаб кетаётганларида, бир нақшдор дарвоза очилди-ю, озғин бир йигит от етаклаб чиқди. — П. Турсун, Ўқитувчи

от 1. айн. Нақшдор.

Олимхон элликбошининг кўнглидагидай зиёфат: жиҳозларга бой, гўзал, нақшкор меҳмон-хонада ўтиради, яна донгдор бойвачча билан суҳбат! — Ойбек, Танланган асарлар

2. айн. Наққош.

Нақшкор уста.

от айн. Нақшдор.

Осмонўпар бинолар, нақшбанд маъмурий идоралар, ҳашаматли маданият саройлари кўзни қамаштиради. — Газетадан

Тўрда нақшбанд арк. — М. Исмоилий, Фарғона тонг отгунча

сфт. айн. Нақшдор.

Нақшинкор уй. Нақшинкор кўза.

Хонанинг тўрт томонидаги нақшинкор жавонлар китобга лиқ тўла эди. — О. Ёқубов, Диёнат

фл. Нақш бермоқ, нақш билан безамоқ.

Деворларни нақшламоқ.

Бу ерда серсавлат бир киши клуб деворини нақшлаётган усталарнинг ҳунарига маҳлиё бўлиб турарди. — Газетадан

фл. кўчма Сақланиб қолмоқ, муҳрланмоқ.

Буларнинг ҳаммаси гўдак хотирангда нақшланиб қолган бўлса ажаб эмас. — К. Яшин, Ҳамза

Бир зум қараш билан юракка нақшланган унинг чеҳрасини яна кўз олдида жонлантиришга тиришди. — Ойбек, Танланган асарлар

фл. Нақшламоқ феълининг орттирма нисбати.

от Тасаввуфнинг 14-асрда асос солинган тариқатларидан бири.

Нақшбандияда одамнинг садри унинг мансаби, бойлиги билан эмас, маънавий комиллиги билан ўлчанади. — Газетадан

от айн. Нақшбандия.

Алишер Навоий нақшбандийлик асосларини саноат тариқи деб атаганлар. — Газетадан

Баҳоуддин Нақшбанд, Муҳаммад бинни Муҳаммад Баҳоуддин ан-Нақшбандал-Бухорий (кўпроқ Баҳоуддин ёки Хожа Баҳоуддин, Балогардон, Хўжаи Бузрук, Шоҳи Нақшбанд номлари билан машҳур) (1318–1389) — машҳур авлиё, нақшбандия тариқатининг асосчиси.

сфт. Кўп нақш солинган ёки ўйиб чизилган; жуда кўп нақшли.

Меҳмон сернақш дарвоза олдига етиб келгач, мис ҳалқани тақиллатди. — М. Осим, Карвон ёʻлларида

Куркам, сернақш чолғу созандага илҳом, эҳтирос бахш этишини яхши тушунади уста. — Гулистон

ўзбекчаҚўштирноққозоқчаНегізгі мағынатуркманчаGoşadyrnakрусчаКавычки