Qidiruv

ot 1. Musulmonlarning kuniga besh mahal qilinadigan ibodatlari majmui va ularning har biri.

Er-talabki namoz. Kechki namoz. Juma namozi. Namoz oʻqimoq.

Meʼmor yuvinib, tahorat qilib, namozni oʻqib olgach, hovliga chiqdi. Nonushtaga hozirlik qilishni shogirdlariga topshirdi. — Mirmuhsin, Meʼmor

2. Umuman, ibodat.

— Yusufjon, musulmonsan, namoz, roʻza oʻrniga masxarabozlik qilib, ahli imon, ahli rastani toat-ibodatdan qoʻyar emishsan. Tashla bu kasbni, gumroh boʻlma, — dedi eshon. — K. Yashin, Hamza

3. Namoz (erkaklar ismi).

ot 1. Kun botish oldidan oʻqiladigan namoz, besh vaqt namozning uchinchisi.

2. esk. Kun botish oldidagi payt.

Shu kuni namozgargacha urush boʻlib, Asqar ponsad ogʻzidan oʻq yeb oʻlibdi. — A. Qahhor, Qoʻshchinor chiroqlari

ot Koʻp odam yigʻiladigan, katta marosimlarda namoz oʻqiladigan joy.

ot 1. Toza, namoz oʻqishda kiyiladigan kiyim.

2. Namoz matni.

Kampirlar kuni, shomdan keyin Gʻafforjon ikkovimizni koʻchaga chiqarmay, namozlik va har xil duolar oʻrgatardi. — A. Qahhor, Oʻtmishdan ertaklar

ot Namoz oʻquvchi; namozni kanda qilmaydigan dindor kishi.

Hamza hojini ming-ming namozxonlar ichida, baland ovoz bilan duo qilishdi. Kattalari Hamza hoji, kichik qorivachchalari Hoji aka deydigan boʻlishdi. — K. Yashin, Hamza

ot 1. Kun botib, qorongʻilik tusha boshlagan payt, qosh qoraya boshlagan vaqt; oqshom.

[Tillaboy] Oldiga qoʻyilgan ovqatlarni xoʻp yeb olgandan keyin, xuftonni namozshomdayoq chala-chulpa oʻqib olib, darrov uxlab qolar edi. — P. Tursun, Oʻqituvchi

2. Kun botgandan bir oz keyin oʻqiladigan namoz, besh vaqt namozning toʻrtinchisi.

Soʻzni kelgan yerida toʻxtatib, Hojibobo imom boʻlgan holda, namozshom oʻqishga qoʻzgʻaldilar. — Gʻ. Gʻulom, Shum bola

ot Namoz oʻqiladigan bino, xona, joy.

Katta yoʻl boʻyidagi maishiy-texnik xizmat koʻrsatiladigan tanho bir maskanda namozxona va oshxona mavjud edi. — Gazetadan

ot Guli kechqurun ochilib, ertalab yopiladigan koʻp yillik va bir yillik oʻtsimon oʻsimlik va uning oq, sariq yoki qizil guli.

Oftob qayta boshlar, koʻlanka maydon, Yana bosh koʻtarar namozshomgullar. Sekin moviylashar qizargan osmon, Oqarib koʻrinar kumushrang yoʻllar. — A. Oripov, Onajon

Дураку скажешь: читай намаз (молитву), он голову разобьет., Заставь дурака богу молиться, он и лоб расшибет., Его толочь заставь, так он в ступе дно прошибет.

sft. Namoz oʻqimaydigan, kofir, dinsiz.

Benamoz Avaz Oʻtar oʻgʻli arkoni din hukmi ila toshboʻron qilinsun! — S. Siyoyev, Avaz

ot Namoz oʻqish uchun solinadigan maxsus gilamcha, palos, mato va shu kabilar

Tojiboy qoziqdan joynamozni olib, bomdod namozini oʻqishga oʻtirdi. — S. Zunnunova, Gulxan