Qidiruv

ot 1. Uzluksiz biologik jarayon, yaʼni oʻpkaga olinadigan va undan chiqariladigan havo; dam, tin.

Soʻnggi nafas. Ogʻir nafas olmoq.

Yana yurak oʻynab, nafas boʻgʻizga tiqildi. — M. Ismoiliy, Fargʻona t. o.

— Juda jabr qiladi, dedi Siddiqjon chuqur olgan nafasini gap bilan boʻshatib. — A. Qahhor, Qoʻshchinor chiroqlari

Sovuq, shamolda shovullab turgan qamishzor manzarasi ochilishi bilan Botirali muzdek havodan toʻyib-toʻyib nafas oldi-da, toʻqayga kirib ketdi. — H. Gʻulom, Mashʼal

2. koʻchma s. t. Boʻlajak ish haqida ogʻizdan chiqqan gap, izhor qilingan niyat.

Yomon nafas.

[Xadicha Dadavoyga:] Nafasingizni sovuq qilmang. — Uygʻun, Navbahor

Nafasingizni issiq qiling. — N. Safarov, Hayot maktabi

3. Juda qisqa vaqt; lahza, on.

Bir nafasda. Bir nafasga. Nafas oʻtmay.

Bulutli, xomush oqshom zulmati nafas sayin quyuqlashib, bahaybat qop-qora qanotlarini ufqlar ustiga tez yoyib kelmoqda. — P. Tursun, Oʻqituvchi

Mana, Mehriniso opa biladilar, onam meni bir nafas oldidan qoʻzgʻatgisi kelmaydi. — Z. Said, N. Safarov, Tarix tilga kirdi

4. etn. Duoxon, azayimxon va shu kabilar solgan dam kuchi.

Uyimizda bir bechora bemor bor, shaytonlab yotibdi, taqsir, borib dam solib keling, shoyad nafasingizdan shifo topsa. — Oybek, Tanlangan asralar

5. Hid, is.

Qishi bilan tor uylarda diqqinafas boʻlgan kishilarning dimogʻiga adirlardan giyohlarning xushboʻy nafasi kelib uriladi. — S. Ahmad, Hukm

6. Harorat, ob-havo.

Yaqinlashib kelayotgan qishning nafasi tevarak-atrofda kezib yuribdi. — Gazetadan

• bir ~ brief, of short duration, short-term, momentary, transitory, passing

ot kam qoʻll. ayn. Hamnafas.

ЎпК ruschaдышать ТПinglizchato breathe smth.nemischaeinatmen A

Men toza havoda (nimada?) nafas olishni yaxshi koʻraman.

Я люблю дышать свежим воздухом (чем?).

I like to breathe the fresh air (what?).

Ich liebe frische Luft (was?) einzuatmen.

ruschaдыхательные путиinglizchaairway

tezlashgan va qiyinlashgan nafas olish.

ot Xalq ishonch-eʼtiqodiga koʻra, yomon koʻz, nazarlantiruvchi koʻz, qarash.

Buvim boʻlsa nuqul: — Xoʻsh, xoʻsh, jonivor, xoʻsh, nazar-nafas qursin, kimning koʻzi tega qoldi senga, — der edilar. — A. Mirahmedov, Kulgan chechaklar

arabchaخذ نفس عميق, Xuz nafs 'amiyqruschaДышите глубокоinglizchaBreathe deeply!

sft. Biror ish yoki harakatning natijasidan faqat yomonlik kutuvchi; nafasi sovuq.

Badnafas odam.

Hay, bunday badnafas boʻlma-ya. — Oybek, Oltin vodiydan shabadalar

ot Ish-faoliyatda, hayotda doim birgalikda boʻluvchi, bir xil nafas oluvchi.

Oʻzim koʻrdim, turli millat kishilari bilan hamnafas, hamtovoq, hamdard, quroldosh boʻldim. — R. Fayziy, Choʻlga bahor keldi

Zamon bilan hamnafas boʻlgan sanʼatkorgina oʻz zamondoshlarining obrazlarini yarata oladi. — N. Safarov, Olovli izlar

Malʼun boʻlib yashashni afzal koʻrganlar Boʻlolmas odamzod bilan hamnafas. — Gʻ. Gʻulom

Nafas qisish kasalligi; astma.

Ziqnafas kasalligida harsillash birdan yuz beradi. — N. Ismoilov, Kasallarni parvarish qilish

sft. 1. Zerikish yoki betoqatlikdan nafasning siqilishi; nafasi siqiladigan.

2. Nafasni siqadigan darajada ogʻir, boʻgʻiq; zerikarli.

Ertaga u diqqinafas, rutubatli Hirotdan chiqib ketadi, shu yoʻsin bilan bir yoʻla bu beadad gʻam-u gʻussadan ham qutuladi. — Mirmuhsin, Meʼmor

Yurgil, dalalarga ketaylik, doʻstim, Diqqinafas uyda yotmoq paytimas. — A. Oripov, Mitti yulduz

3. koʻchma Bosilib, boʻgʻilib, siqilib yotgan.

Qish boʻyi qor ostida diqqinafas boʻlgan baxmal maysalar boʻy choʻzib, quyoshga talpinmoqda. — Yo. Shukurov, Chorchinor ostida

sft. 1. Nafasi, dami otashdek issiq, haroratli.

Choʻldan vohaga garmsel deb ataladigan otashnafas shamol esib turadi. — Gazetadan

2. Nutqi oʻtkir, taʼsirli, ehtirosli.

Mashrab goh piyoda, goh eshakda koʻp oʻlkalarni kezgan otashnafas bir shoir. — Oybek, O. v. shabadalar.

3. esk. din. Goʻyo duosi ijobat boʻladigan, nafasi dardga davo boʻladigan.

Odamlar Sultondevonani otashnafas vali deb maqtashar edi. — M. Muhammadjonov, Turmush urinishlari

ot Hamnafas boʻlish, hamnafasga xos munosabat.

Ijodkorning xalq hayoti bilan hamnafasligi — rassom iqtidorining muhim tomonlaridan. — Gazetadan

Turli xalqlarning oʻzaro yaqinlashuvida, insoniyatning maʼnaviy hamkorligi va hamnafasligida badiiy tarjimaning roli beqiyosdir. — X. Yodgorov, Hayot toʻlqinlari

ot Delete