Hayot Foundation loyihasi
Loyiha haqida
Oʻz
Oʻz

Qidiruv

«IYD» boʻyicha 60 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Inglizcha Qoraqalpoqcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha

← Barcha natijalar

Lugʻat maqolalari

60 ta · 1-sahifa / 3
iydlik
Izohli lugʻat · yana 1 ta lugʻatda

ot 1. Hayitda kichiklarga va, umuman, shunday hadyaga munosib koʻrilgan kishilarga beriladigan pul, narsa; hayitlik.

2. tar. Diniy bayram munosabati bilan domlaga olib boriladigan hadya; hayitlik.

Eski maktablarimizda bolalar har payshanba non yo nonning pulini olib boradilar. Bundan boshqa, boʻyra puli, koʻmir puli, iydlik puli ham bor. — Oybek, Tanlangan asarlar

Toʻliq maqola →
diyda
Izohli lugʻat · yana 2 ta lugʻatda

ot ayn. Koʻz 1. Boshi aylanib, koʻzi tindi.

Toʻshakka behol choʻzildi. Diydasini yosh bosdi. — S. Siyoyev, Avaz

Yusuf bilan Ahmadbekning diydasi namlandi. — Yusuf va Ahmad

Oʻng qoʻlidagi dastroʻmoli bilan diydasini artdi. — S. Karomatov, Soʻnggi barxan

  • Diydam ustiga Bosh ustiga, xush kelibsiz. Sizning bilan boʻlsin endi davronim, Diydamning ustiga, aziz mehmonim. — Shirin bilan ShakarQoʻygan qadamlaring diydam ustiga. — Ravshan
  • Diydasi boʻsh Koʻngli boʻsh, rahmdil; yigʻloqi. Toʻgʻri, biz xotinlarning diydamiz boʻshroq boʻladi, baʼzan yigʻi yurakni boʻshatadi. — Shuhrat, Shinelli yillar
  • Diydasi yumshamoq Koʻngli boʻshamoq, rahmi kelmoq. lekin Xalil boboning diydasi yumshamadi. — Yoshlik
  • Diydasiqattiq Koʻngli qattiq, berahm; koʻziga yosh kelmaydigan. Men erkaklarning diydasi qattiq boʻladi, deb eshitar, oʻzim ham shunga ishonar edim. — M. Ismoiliy, Fargʻona tong otguncha.Sen oʻzingni yetimcha qilib koʻrsatmay qoʻya qol, diydamiz qattiq, yigʻlatolmaysan. — A. Muxtor, ChinorRahmatli onasining diydasi qattiq emasdi. — Yoshlik
  • Diydasi qotmoq (yoki qotib qolmoq) 1. Koʻraverib koʻnikib ketmoq, qoʻrqmaydigan boʻlib qolmoq. Oʻshanda oʻlimni koʻraverib, diydasi qotib qolgan ekanmi — A. Muxtor, Opa-singillar;Yigʻlayverib, diydasi qotib ketdi. — S. Ahmad, Ufq;Bunday qosh-qovoq qilib, hadeb eringning jigʻiga tegaverma. Diydasi qotib, uyidan beziydi. — S. Nurov, Narvon
  • Nuri diyda, nuridiyda 1. Koʻz nuri; Ona nuri diydasi va jigar-porasi Normatni juda sogʻinganini yozgan edi. — I. Rahim, Chin muhabbatQoʻzichogʻim, alla, Nuri diydam, alla. — Boychechak
  • Obi diyda, obidiyda Koʻz yoshi; koʻz yoshi toʻkish, yigʻi. Bu gapni kallangdan chiqar, sen menikisan, obi diydani yigʻishtir! — A. Muxtor, AsarlarAlqissa, obidiyda qilib, padarga javob berdimki: nima qilsalar, sohibi ixtiyor oʻzlaridirlar. — A. Qodiriy, Kalvak mahzumning xotira daftaridan
Toʻliq maqola →
jiyda
Izohli lugʻat · yana 4 ta lugʻatda

ot Bargi uzunchoq, guli xushboʻy mevali daraxt va uning mevasi.

Yoʻlchi jiydaning ostiga pichanni qalinroq yoyib, ustiga choponini qiya tashlab yotdi. — Oybek, Tanlangan asarlar

Bogʻlarga kirsangiz, gʻuj-gʻuj oʻrik, shaftoli, jiyda, doʻlana, togʻolcha. Hatto olmurtgacha bor. — S. Siyoyev, Saratonda qor yogʻdi

Ogʻzilariga bittadan qandak jiyda solgach, suhbat yana qizib ketdi. — H. Shams, Dushman

  • Jiyda qoqmoq 1. Jiydani kaltak bilan urib tushirmoq; Kechasi bilan jiyda qoqib chiqdim.
Toʻliq maqola →
diydor
Izohli lugʻat · yana 6 ta lugʻatda

ot 1. Kishining yuzi, jamoli, ruxsor; bashara.

Azizxon hech kimning Lutfiniso diydoriga toʻyib qarashini istamasdi. — S. Ahmad, Ufq

Sakkiz oydan beri endi koʻrib oʻtiribman diydoringizni. — M. Ismoiliy, Fargʻona tong otguncha.

Koʻzim ololmayman gul diydoringdan, Tolgan yuraklarga jon boʻlur payvand. — Mirtemir, Asarlar

2. koʻchma Uzoq ayriliq, sogʻinchdan keyin koʻrishish, uchrashish.

Xat — yarim diydor. — Maqol

Ayriliklarni koʻraverib zada boʻlgan yuraklar bu kutilmagan diydordan larzaga tushdi. — Sharq yulduzi

3. koʻchma Mehribonlik, gʻamxoʻrlik.

Nima qilasiz goʻdakni ota diydoridan mahrum qilib. — S.Ahmad, Ufq

Doʻstlar diydoridan ortiq quvonch, firoqidan ortiqroq gʻam yoʻq. — Gazetadan

  • Bola(yoki gul, mol) bahona, diydor gʻanimat Biror narsani vaj qilib, biror maqsadni amalga oshirmoq. Soddasiz, sarkor, soddasiz! Bola bahona, diydor gʻanimat, degan gapni eshitganmisiz? — Uygʻun, AsarlarMol bahona, diydor gʻanimat qilib, koʻrishib olardim. — R. Fayziy, Choʻlga bahor keldi
  • Diydor koʻrishguncha Yana koʻrishguncha, xayr (xayrlashuv iborasi). — Diydor koʻrishguncha, — dedi u sekin. — Sh. Toshmatov, Erk qushiXayr endi, bahorim, koʻrishguncha to diydor. — A. Oripov, Yillar armoni
  • Diydor koʻrishmoq Uzoq ayriliq, intizorlikdan keyin uchrashmoq, yuz koʻrishmoq. Diydor koʻrishar kun yaqin. Ammo hujum qilayotir dilimga firoq. — T. ToʻlaBiz Soʻnagul bilan necha bor vidolashib, necha bor diydor koʻrishdik. — A. Muxtor, AsarlarJoʻraxonning aytayotgan ashulasi baxt haqida, muhabbat haqida sevgilisi bilan diydor koʻrishishni istab, sogʻinib yurgan yigitning visol orzulari haqida edi. — T. Rustamov, Mangu jasoratOna yolgʻiz oʻgʻli bilan diydor koʻrisha olmadi. — Gazetadan
  • Diydor koʻrsatmoq Oʻzini namoyon qilmoq; koʻrinish bermoq, koʻrinmoq. Bir koʻrsatib gʻamza bilan diydor oʻzing, Lutfu karam qilding kulib izhor oʻzing. — Habibiy
  • Diydor ochmoq Yuzini ochib koʻrsatmoq. Toʻylar muborak, e sevgili yor! Keldim yiroq-din, och menga diydor. — S. Abdulla
  • Diydor — gʻanimat! Bu oʻtkinchi dunyoda tez-tez koʻrishib, uchrashib turaylik, degan maʼnoda ishla-tiladigan ibora. Odam — omonat, diydor — gʻanimat. — Maqol
  • Diydor qoʻshmoq Nasib qilmoq. Diydor qoʻshsa, qiyomatda koʻrgaymiz. — Xoldorxon
  • Diydori oʻchsin (yoki qursin) Qora chirogʻingni oʻchir, diydori qursin! — Uygʻun, AsarlarTannozxon! Diydoring oʻchsin sening! — N. Safarov, Tanlangan asarlar
  • Diydoriga zor boʻlmoq Kimsani koʻrishga mushtoq boʻlmoq. Lekin faqat diydoringga boʻlib zor Toʻplanishdik, hamma ortiq beqaror. — H. Olimjon
  • Diydoriga muyassar etmoq (yoki qilmoq) Diydor koʻrsatmoq, yuz koʻrsatmoq. Oxiri oʻz diydoriga muyassar qilgan qutlugʻ va sharofatli kun keldi. — Shuhrat, Shinelli yillar
  • Diydoriga toʻymoq Sogʻingan yoki sevgan kishisini koʻrib, vasliga toʻymoq, xumordan chiqmoq. U qancha-qancha termilsa ham, erining diydoriga toʻya olmasdi. — Sh. Rashidov, Boʻrondan kuchliVoy bolam-ey, kelganingdan beri koʻchadan kirmaysan, bundoq birpasgina diydoringga toʻyib gaplasholmayman. — S. Ahmad, Qadrdon dalalar
  • Qiyomat diydor boʻlmoq Yuz koʻrishmaydigan boʻlib ketmoq. Nuraliman, qon yigʻlayman zor-zor, Otam qoldi ushbu ishdan bexabar. Shu sababdan boʻldim qiyomat diydor. — Zulfizar bilan Avazxon
Toʻliq maqola →
siydam

sft. shv. Sidirgʻa, bir tusdagi; gulsiz.

Bu — ingliz harbiy libosi ustidan siydam beqasam toʻn kiygan 35 yoshlar chamasidagi kishi edi. — S. Azimov, Oppoq tong qoʻshigʻi

Oʻrta yoshlardagi, siydam zangor baxmal doʻppi kiygan bir kishi gapga aralashdi. — S. Abdulla, Tanish basharalar

Toʻliq maqola →
siydik
Izohli lugʻat · yana 3 ta lugʻatda

ot 1. Buyrak orqali ajralib chiqadigan va tanosil aʼzolari orqali tash-qariga chiqarib tashlanadigan suyuqlik; peshob.

Siydik pufagi (qovuq). Siydik yoʻllari. Siydik tutilishi.

Organizmdan siydik bilan birga suv, tuzlar va boshqa chiqindilar, shuningdek, organizmga kirgan yoki uning oʻzida hosil boʻlgan turli zaharli moddalar chiqib ketadi. — OʻzME

2. s. t. Pusht, nasl; sperma, maniy.

Oʻz siydigidan boʻlgan bola.

Men senlarning amiringizga qoʻshilmadim-u, uning siydigidan boʻlgan senlarga qoʻshilamanmi? — S. Ayniy, Qullar

Toʻliq maqola →
diydiyo
Izohli lugʻat · yana 3 ta lugʻatda

ot 1. Xotinlar oʻrtasida oʻqiladigan, aytiladigan diydiyo radifli sheʼr yoki shoʻx lapar turi.

— Oradan yarim soat oʻtar-oʻtmas diydiyo oʻqib, xotinlarni yigʻlatib oʻtirgan darvishning qoʻlini orqasiga bogʻlab, iyagiga yelim bilan yopishtirib olgan uzun soqolini yulib tashladik, — dedi Hoshimjon. — X. Toʻxtaboyev, Sariq devni minib

— E, Saltanat otin, koʻchada ham diydiyo oʻqib qolibsiz? — dedi Bashorat. — B. Rahmonov, Yurak sirlari

2. koʻchma Dard-hasrat; xarxasha, injiq-lik.

Binafshaxon hamon diydiyo qilmoqda edi. M. M. — Doʻst, Galatepa qissasi

Diydiyosi jonimga tegdi. Baʼzida kutayotganim Yosuman aslida shu emasmi, deb oʻylab qoʻyaman. — B. Rahmonov, Yurak sirlari

Otamurod chuqur tin oldi: xudo berdi unga. Boshlanadi endi. Rosa diydiyosini aytadigan boʻldi. — M. Mansurov, Yombi

Sherbek onasi oʻzini kutayotganini payqab kulimsiradi: yana oʻsha eski diydiyo — qachon uylanasanni boshlasa kerak, deb koʻnglidan oʻtkazdi. — S. Anorboyev, Oqsoy

3. koʻchma Quruq gap, safsata; vaʼz-nasihat.

Rahmat, Esonboy, diydiyo eshitishga toqatim yoʻq. — Sh. Xolmirzayev

Har xil mish-mish, diydiyolarga quloq solgan ham ahmoq, bunaqa mayda gaplarni uyga tashib kelgan ham ahmoq. — S. Nurov, Narvon

Toʻliq maqola →
shiydam
Izohli lugʻat · yana 2 ta lugʻatda

Hech narsasi qolmagan, \yech narsa yoʻq; boʻm-boʻsh, quruq, yalangʻoch.

Elmurod chalqancha yotib, qop-qora munchoq koʻzlarini shiydam butoqlardan olmay, tut pishigʻini xayol qildi. — P. Tursun, Oʻqituvchi

Toʻliq maqola →
jiydazor
Izohli lugʻat · yana 1 ta lugʻatda

ot Faqat jiyda daraxti bilan band yer; jiydali bogʻ.

Koʻrinadir keng qozoq dalalarida ham qalin jiydazorlar, ham sahro ohulari. — Mirtemir

Soy boʻyidagi jiydazor va qamishzorlarga shoʻngʻir, dam qoʻsh yongʻoqqa chiqib, etak-etak yongʻoq qoqar va bolalar bilan oʻynar, dam mahallaning yosh-yalangini yigʻib, tuzoqda baliq ovlardi. — O. Yoqubov, Er boshiga ish tushsa

Toʻliq maqola →
nonjiyda

ot Jiydaning yirik, sershira, goʻshtdor mevali turi.

Ona Joʻraboy ota bilan Eʼzozxonni Botirali olib kelgan qora bulka va yongʻoq, nonjiyda bilan siyladi. — H. Gʻulom, Mashʼal

Toʻliq maqola →
obidiyda
Izohli lugʻat · yana 1 ta lugʻatda

ot Koʻz yoshi, yosh.

Elchiyev bir lahza yuzini devorga burdi, vujud-vujudini jimirlatib kelgan obidiydani yutishga urindi, yutdi. — Yoshlik

  • Obidiyda qilmoq Yigʻlamoq. Ogʻzingdagi oshni oldirib qoʻyib, obidiyda qilasan-a! Otingni ertaroq qamchilasang, oʻlarmiding! — S. Ahmad, Ufq
Toʻliq maqola →