Поиск

ot 1. Son, miqdorni belgilash uchun raqamlab atash; sanoq, sanash.

Ogʻzaki hisob. Hisobda yanglishmoq.

Yasovulboshi hisobidan yanglishmay, oʻlim kaltagini sanaydi. — S. Siyoyev, Yorugʻlik

Qirmoqdaman fashist oʻgʻrini, Hisobimda hozir yuz oʻttiz. — R. Bobojon.

Sening hisobingga toʻgʻri keladimi? Agar olgan hisobimiz toʻgʻri chiqsa, bu gal uning [Otabekning] Margʻilonga quruq qatnab yurishining yettinchi qaytasi edi. — A. Qodiriy, Oʻtgan kunlar

2. Hisobda boʻlgani; miqdor, sanoq.

Hasharda qatnashayotganlarning hisobi. Fermadagi qoʻylarning hisobi. Olarda hisobi — toʻqqiz, Berarda sanogʻi — oʻttiz. — Maqol

Rus shaharlariga borib savdo qiluvchilar Turkistonda juda oz hisobda boʻlib — A. Qodiriy, Oʻtgan kunlar

3. Kimsa yoki narsalarning mavjudligini, miqdorini belgilash roʻyxatidagi, unda qayd etiluvchi majmui; qayd etiluvchilar (etilganlar), borlar guruhi, qatori.

Inventar hisobi. Hisobga kiritmoq. Hisobdan chiqarilmoq.

Hali bu hisobga fuqarodan oʻldirilgan bechoralar kirmaydi. — A. Qodiriy, Oʻtgan kunlar

Boyagisi oʻn bittamidi? Mana shu soʻnggisini hisobga yozing — Shuhrat, Shinelli yillar

4. ayn. Hisob-kitob 5.

U [Otabek] oʻzining dushmanlarini oʻldirish uchungina Margʻilonga qatnab yurgan ekan, hisobini tugatdi-da, bedarak ketdi-qoldi. — A. Qodiriy, Oʻtgan kunlar

5. Oʻzaro kelishuv, bitimga koʻra olinadigan ulush, haq.

Margʻilondan arava minib keluvchi yollangan kishi boʻlib, Toshkentga kelishining ertasi kuni hisobini olgan edi. — A. Qodiriy, Oʻtgan kunlar

6. (asosan egalik, joʻnalish kelishigi va chiqish kelishigi qoʻshimchalari bilan) Kimsa, jamoa va boshqalar tasarrufida, uning ixtiyorida boʻlgan narsa, moddiy boylik, oziq-ovqat, pul va shu kabilar

Gapning qisqasi, oʻzga xalqlar hisobiga yashadi. — S. Karomatov, Oltin qum

Endi komandirovkaga ham oʻz hisobingizdan borib kelasizmi? — S. Nurov, Narvon

7. Koʻpchilikka yoki kimsaga qilingan, boʻlgan ishlar haqida beriladigan maʼlumot.

Keyin qoʻli bilan peshonasini siqdi-da, hisob berishga boshladi qaltiragan koʻllari bilan choʻt qoqdi. — Oybek, Tanlangan asarlar

Otni bir oz sovitdim, beda soldim, —

Qobil, birov undan: Nima qilib yuribsan? deb soʻrayotganday, hisob berdi. — H. Gʻulom, Mashʼal

Mehmonxonalardan birida Mirzakarimboy oʻz gumashtasidan hisob olar edi. — Oybek, Tanlangan asarlar

8. kam qoʻll. ayn. Hisobot.

Rahbarning yarim yillik hisobi.

Mening ikki oyogʻimni bir etikka tiqib, hisobimni qoʻyishlari mumkin. — Sh. Rashidov, Boʻrondan kuchli

9. esk. ayn. Arifmetika.

Yangi maktablar ochib, Qurʼoni karim va boshqa diniy darslar bilan birga, jugʻrofiya, tarix, hisob kabi ilmlarni ham taʼlim beraylik. — Oybek, Tanlangan asarlar

Ikkinchi darsda Zohidov degan yoshgina bir yigit hisobdan dars berdi. — P. Tursun, Oʻqituvchi

10. maxs. Hisoblash, hisoblab chiqish natijasi.

Baʼzan u uzundan-uzoq handasaviy hisoblarni qogʻozga yozib qolar, yana oʻychanlik bilan qamish qalam orqasini gʻajiy boshlardi. — Mirmuhsin, Meʼmor

11. I Biror narsa uchun toʻlanadigan pul summasi qayd etilgan hujjat.

Har bir student-qurilish otryadida iqtisod va hamkorlik shaxsiy hisoblari ochilgan. — Gazetadan

12. bux. Biror muassasa, tashkilot va shu kabilarda buxgalteriya ish-muomalasini olib borish (yuritish) uchun xizmat qiluvchi moliyaviy operatsiya, shuningdek, hujjatlar.

13. Sport oʻyinida tomonlar ochkosini belgilovchi raqamlar (raqamlarda ifodalanuvchi sonlar) nisbati.

Oʻyinda hisob tenglashdi — 2:2. Bu gal 5:2 hisobi bilan mehmonlar gʻalaba qilishdi.

14. Gap oxirida (kesim tarkibida) desa boʻlgudek, deyarli maʼnosini bildiradi.

Gaz quritadigan sakkizta nasosning hammasi montaj qilib boʻlindi hisob. — Gazetadan

Na xotin, na bola-chaqa. Dunyodan toq oʻtdik hisob. — Oybek, Tanlangan asarlar

Elchiyev Roʻziyev bilan unchalik yaqin emas, osh-qatiq boʻlgan joyi ham yoʻq hisob. — E. Aʼzam, Javob

15. Biror ish, xatti-harakatning qanoatlanarliligini, oʻrniga oʻtishini bildiradi.

Oyogʻingizga qoʻy soʻysak arziydi, Yusufjon aka. Bu hisob emas, hovliga boramiz — K. Yashin, Hamza

16. s. t. Iloj, chora; imkoniyat.

Daryodan oʻtishning hisobi bormi?

Qaytay desam — quvadi, oʻtib ketishning sira hisobi yoʻq — A. Qahhor, Qoʻshchinor chiroqlari

Dardim ichimda. Bir oldingizga borib, yuragimni yozib kelaman deyman, sira hisobini qilolmayman. — R. Fayziy, Hazrati inson

17. folk. Nima qilish, ish-faoliyat rejasi, ish olib borish yoʻli.

Bu soʻzni qiz eshitib, aqlini yitirib, hisobini yitirib, shoshib qoldi. — Murodxon

18. 3-sh. egalik va j.k. shaklida — (hisobiga) koʻm. vzf. Asos, sabab, qarashlilik kabi munosabatlarni ifodalaydi; evaziga, uchun, tufayli.

Katta mehnat hisobiga shunday natijalarga erishildi.

Bu yil uzumdan birinchi marotaba davlat hisobiga hosil yigʻib olindi. — Oʻzbekiston qoʻriqlari

Ogʻir minutlarda biz faqat soldatlarimizning mardligi va qatʼiyligi hisobiga dushmanni tutib turardik. — N. Safarov, Olovli izlar

sft. 1. Hisobi, soni, miqdori belgili.

Omonatin axir bir kun oladi, Hisobli kun axir borib toʻladi — Erali va Sherali

2. Hisobga olingan, hisobda bor; oʻlchovli.

Oʻrmondagi turmushni oʻz koʻzing bilan koʻrib turibsan. Har bir qultum suv, har bir burda non hisobli. — I. Raxim, Chin muhabbat

vaqtingni koʻp olib oʻtirmay. har minuting hisobli. — Yo. Xayimov, M. Rahmon, Hayot-mamot.

3. Uncha koʻp emas, cheklangan miqdordagi, sanoqli.

Yangi yilga hisobli kun qoldi.

4. Oʻzaro hisobi, hisob-kitobi joyida boʻlgan.

Hisobli doʻst ayrilmas. — Maqol

ot 1. Oʻz ishlari, topshiriqning bajarilishi va shu kabilar haqida tegishli masʼul shaxs, tashkilot kabilarga beriladigan (berilgan) ogʻzaki yoki yozma tarzdagi rasmiy axborot.

Yillik ishlar hisoboti. Komandirovka hisoboti. Deputatning saylovchilar oldidagi hisoboti.

Yigʻim-terim davrida ayrim brigadalarning hisoboti eshitib turildi. — Gazetadan

Mana bu hisobotlarni institut ilmiy sekretariga topshirib, keyin Fanga oʻtasiz — S. Nurov, Narvon

2. Shunday axborotni eshitish uchun boʻladigan yigʻin.

Yillik hisobotga uch kun qolganda Gʻalaba kolxozining raisi Mahmud Bekmirzayevni raykomga chaqirishdi. — Oʻ. Usmonov, Sirli sohil

Hisobotdan soʻng Sultonov rayondan kelgan ikki vakilni kapasiga taklif etdi. — Oʻzbekiston qoʻriqlari

ot 1. Muassasa, korxona va shu kabilarda moliya operatsiyasini, hisob-kitob ishlarini olib boruvchi xodim.

Hisobchi Qambarali Madiyorov bu yilgi dala ishlari uchun qancha mablagʻ ajratilganini, undan qanday foydalanish zarurligini bilmaydi. — Gazetadan

Rais movun [muovin] ayladi bitta bojasin, Hisobchiga tanladi katta pochchasin. — E. Oxunova, Qulogʻingizga gapim bor

2. Sarflangan narsani, masalan, mehnatni hisoblab boruvchi shaxs; tabelchi.

Traktor brigadasining hisobchisi.

Brigadir ham, hisobchi ham boshqalarga gapirgani qoʻrqishadi. Sening tiling bir chiqmasin ekan, deb hamma menga yopishadi. — Yoshlik

ot esk. kam qoʻll. Hisobida adashmaydigan, hisobini yaxshi biladigan, toʻgʻri hisob yuritadigan.

-Hisobni yolgʻiz boylar biladilar demang, — dedi gapga qoʻshilmay oʻtirgan soqoli qirqiq bir yigit, — yollanib ishlovchilar ham hisobdon boʻlgan. — S. Ayniy, Qullar

Soat kunduz birdan kechiksak, ovqatimiz daladan qaytib keladi. Odamlar juda hisobdon boʻlib qolgan, har bir daqiqasini hisoblab yuradi. — I. Rahim, Hilola

Uni qilni qirq yoradigan hisobdon, deb taʼriflashadi. — M. Nazarov, Joʻsh lochini

ot esk. Oʻz ishlari haqida biror kimsa yoki tashkilotga hisobot berib turadigan.

Hisobdor shaxs.

sft. 1. kam qoʻll. Hisobi yoʻq, hisobga olinmagan.

2. Nihoyat koʻp, son-sanoqsiz, chegarasiz, behad.

Hisobsiz boylik. Hisobsiz imkoniyat.

Nima koʻp — dehqon koʻp. Qoʻshni qishloqlarda sanqib yurganlar, ochlar hisobsiz. — J. Sharipov, Xorazm

Raʼno ham Anvarning soʻziga diqqat bilan quloq solar va koʻpincha hisobsiz savollar bilan uni koʻmib tashlardi. — A. Qodiriy, Mehrobdan chayon

fl. 1. Sanab, miqdorini aniqlamoq, sanamoq.

Pulni hisoblamoq. Minutlarni hisoblamoq. Barmoq bilan hisoblamoq. Ekilgan koʻchatlarni hisoblab, yana 20 tup ekish kerakligini aytdi.

2. Nomaʼlum bir miqdorni hisob yoʻli bilan aniqlamoq, hisoblab topmoq.

Hozir bir sentner paxta necha mehnat kuniga tushadi? Oʻrmonjon buni hech qachon hisoblab koʻrmagan boʻlsa kerak, javob bera olmay iljaydi. — A. Qahhor, Qoʻshchinor chiroqlari

oʻz imkoniyatlarini hisoblab chiqib, yana davlatga qoʻshimcha kumush tola yetkazib berishga ahd qilishdi. — Gazetadan

hisoblab qarashsa, yigitchaning gardaniga pirasant [protsent] bilan rosa sakkiz yuz soʻm pul tushibdi — Oybek, Tanlangan asarlar

3. Hisobga olmoq, hisoblanuvchi narsalar qatoriga qoʻshmoq.

Tabiatimni lanj qilgan baʼzi nuqsonlarni hisoblamasam, men safarimdan xursandman — Mushtum

Ovqat, kiyimni emas, suvni ham hisoblaydi u qizitaloq [boy]. — Oybek,Tanlangan asarlar

Yogʻga hisoblab, 35 ming 500 soʻmga sut sotib olib topshirganmiz degin — Mushtum

4. Biror tarzda baholamoq, maʼlum bir xulosa chiqarmoq; -deb bilmoq, oʻylamoq.

Hayoti mobaynida ikki tup nihol ekib oʻstirgan inson oʻz umrini mazmunli oʻtdi, deb hisoblashga haqlidir. — Gazetadan

.shu maktubni olgan kuningizdan boshlab oʻzingizni mendan begona va nikohimdan tashqari hisoblasangiz boʻladir — A. Qodiriy, Oʻtgan kunlar

Operatsiya paytida xirurg eng yaqin odamini ham begona hisoblaydi. — Oʻ. Hoshimov, Nur borki, soya bor.

Ayolni kamsitgan kimsani odam hisoblamang. — Gazetadan

5. maxs. Nomaʼlum sonni hisoblab chiqarmoq, shu maqsadda hisoblash ishi olib bormoq.

Bu formulalar shamolning tezligini hisoblash imkonini beradi.

ot 1. Bajarilgan ish, xizmat uchun qilingan sarf-xarajat va toʻlanadigan haqning hisobi.

Shu kungacha baʼzilarning haqiga xiyonat qilindi. Hisob-kitobda ular oʻz haqlarini talab etadilar. — Mirmuhsin, Meʼmor

— Shartnomani bajardik, xoʻjayin, endi hisob-kitob — dedi sekingina. — J. Sharipov, Xorazm

Qutbiniso boyning hisob-kitobini tinglab, nihoyat, besh qadoqcha xashaki oʻrik undirib qaytadi. — P. Tursun, Oʻqituvchi

2. Kirim-chiqim, daromad va xarajatlar hisobini qilish; hisoblash.

Mirhosil daryo boʻyidagi brezent chodirda yolgʻiz choʻt qoqar, hisob-kitob bilan mashgʻul edi. — H. Gʻulom, Mashʼal

3. Shunday hisob ishlarini olib borish va qayd etish, shuningdek, qayd etilgan hujjat.

Hisob-kitob ishlaridagi chatoqliklari tufayli buxgalter Mayusuf ishdan boʻshab ketdi. — Mushtum

Jamoaning hisob-kitob ishlarini olib borishga sizday oʻqimishli kishilar kerak. — H. Gʻulom, Mashʼal

4. Umuman, biror narsa haqida olib borilgan ishlar hisobi, hisob natijalari.

Hisob-kitoblarga koʻra bunday chiqindilar miqdori 1980 yilga borib yiliga 30 million tonna, Oʻzbekistonda esa Olmaliq, Samarqand va Qoʻqondagi oʻgʻit zavodlari chiqindisi sakkiz million tonnani tashkil etadi. — Fan va turmush

5. koʻchma Oʻzaro munosabat, uni bir yoqli qilish.

Ruhingiz shod boʻlsin, qurbon boʻlganlar, Keldi yov-la hisob-kitob onimiz. — V. Zohidov, Hayotbaxsh badiiyat taronalari

Bolsheviklar bilan hisob-kitobni tugatamiz! — N. Safarov, Tanlangan asarlar

ot 1. (q. Hisobchi, hisob-kitob ishi, hisobchi vazifasi hisobchi 1).

Bunday qaraganda, hisobchilik shunchaki yengil-yelpi yumushdek tuyuladi. Biroq bu ish murakkab. S. — Qodirov, Ming bir boʻston bagʻrida

2. (q. Hisobchi, tabelchi ishi, vazifasi hisobchi 2).

Oʻskinboy dalada ketmon chopdi, yer sugʻordi, paxta terdi, brigadaga hisobchilik qildi. — Oʻzbekiston qoʻriqlari

Tizim subyektlari faoliyatini nazorat qilish va maʼlum harakatlar uchun javobgarlikni oʻrnatish uchun ularni individual identifikator bilan bogʻlashga imkon beruvchi tizim xususiyati. AKT xavfsizligi tamoyillaridan biri.английскийaccountabilityрусскийподотчетность

Zähler m, Zählwerk n

elektr hisoblagich Stromzähler m

gaz hisoblagich Gasmesser m

fl. 1. Hisoblamoq feʼlining oʻzlik va majhul nisbatlari.

Tarozida tortish natijalariga qarab, tuxumning vazni oʻrta hisobda necha gramm va necha protsent kamayganligi hisoblanadi. — Oʻzbekiston parrandachiligi

Suiqasdga aloqador hisoblanib, hibsga olinganlar ichida mashhur meʼmor Najmiddin Buxoriyning oʻgʻli Nizomiddin ham bor edi. — Mirmuhsin, Meʼmor

2. Bogʻlama vazifasini bajaradi (

Kislorod havoning eng muhim tarkibiy qismi hisoblanadi. — Gazetadan

Oʻtar boboning otasi ham xon tabibi edi, saroy odamlaridan hisoblanardi. — S. Siyoyev, Yorugʻlik

Begʻarazlik bilan qilingan yaxshilik — har ikki kishi uchun ham katta boylik hisoblanadi. — Gazetadan

fl. Hisoblamoq feʼlining orttirma nisbati.

БК + ҳақида Бсиз ҚК + олдида русскийотчитаться перед ТП за ВПанглийскийto account to smb. for smth.немецкийRechenschaft geben D über A

Sen qilgan ishlaring haqida (nima haqida?) otang oldida (kim olida?) hisob berishing kerak. Ты должен отчитаться перед отцом (перед кем?) за то, что ты сделал (за что?).

You must account to your father (whom ... to?) for what you have done (what ... for?).

Du mußt deinem Vater (wem?) Rechenschaft darüber geben, was du gemacht hast (worüber?).

fl. 1. Hisoblamoq feʼlining birgalik nisbati.

Anovi kun Marajabbek bilan hisoblashib koʻrsak, Qoʻqonning oʻzidan ikki yilning ichida yetmish sakkiz bek oʻldirilibdir. — A. Qodiriy, Oʻtgan kunlar

Baʼzilar Saidiyning bu shoshqaloqligiga, oʻzini tutolmasligiga katta ahamiyat berib, uning gapda ishtirok etishini ham xavfli hisoblashar edi. — A. Qahhor, Sarob

2. Oʻzaro hisob-kitob qilmoq, ora ochiq qilmoq.

3. (“bilan” koʻmakchisi yordamida) Ish-faoliyat, muomala va shu kabilarda hisobga olib ish tutmoq; hisobga olmoq.

Sharoit bilan hisoblashmoq. Qonun bilan hisoblashmoq.

Kozimbek oʻqituvchilar u yoqda tursin, hatto ilmiy mudir bilan ham hisoblashmadi. — A. Ibroximov, Soʻnggi nur

Oʻsha yillari Uygʻur aktyor sifatida tanilgan edi. Shuning uchun ham yosh teatr ishqibozlari uning fikri, maslahati bilan hisoblashardilar. — F. Joʻrayev, Obid Jalilov

арабскийالفاتورة al-fatuuraрусскийсчёт-фактураанглийскийInvoice

هناك خطا في الفاتورةне определенHunaak xata' filfaturaрусскийВ счёте ошибкаанглийскийThere is a mistake on

fl. Hisoblanmoq feʼlining majhul nisbati.