Hayot Foundation лойиҳаси
Лойиҳа ҳақида
Ўз
Ўз

Қидирув

«Ғолиб» бўйича 8 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча
Тилга
Ўзбекча Русча Инглизча Қорақалпоқча Немисча Франсузча Арабча Туркча

← Барча натижалар

Луғат мақолалари

8 та
ғолиб
Изоҳли луғат · яна 7 та луғатда

от зид. Уруш, жанг, кураш, тортишув, мусобақа ва шу кабиларда ғалаба қозонган, устун чиққан; музаффар; мағлуб.

Ғолиб халқ.

Фашизмга қарши жанг қилиб, зафар қучиб қайтган ғолибларимиз миллион-миллион. — Н. Сафаров, Оловли излар

Соттихон фақат мусобақа ғолибигина эмас, балки ижодий меҳнат ва новаторликда ҳам намуналар кўрсатган илғор ишчилардан бири. — Туйғун, Станоклар ёнида

Бош соврин таъсис этилди — турнир ғолиби тошкентлик усталар ишлаган катта чинни вазани олади. — Газетадан

  • Ғолиб келмоқ (ёки чиқмоқ) 1. Уруш, жанг, мусобақа ва шу кабиларда устун чиқмоқ. Мусобақада ғолиб чиқмоқ.Сен курашда ғолиб келганда, Тоғдай кўтарилар кўкрагим. — Т. ТўлаАйтгандек, жангда енгдик, Ғолиб чиқдик, хўп севиндик. — М. Шайхзода;Дардим ғолиб келиб, ётиб қолдим.Тўсатдан вужудини қамраган оналик меҳри ғолиб келиб, тортган азоби ҳам эсидан чиқди. — П. Турсун, ЎқитувчиҒолиб келар чарчоқ, ниҳоят, Тонгга яқин илинади кўз. — А. Шер, Қадимги куй
Тўлиқ мақола →
ғолибо
Изоҳли луғат · яна 1 та луғатда

1. крш. с. эск. кт. Кўпинча, асосан.

Ғолибо шундай дейилади.

2. Афтидан, тахминан, балки.

Алишер марҳум Абулқосим Бобир саройига хизматга кирганларида, ғолибо, ўн беш ёшда эдилар. — Ойбек, Навоий

Тўлиқ мақола →
ғолиблик
Изоҳли луғат · яна 2 та луғатда

от 1. Ғолиб ҳолат, ғалабага эгалик; ғалаба.

Достон мазмунида кураш ва зафар, Ғолиблик ғурури дунёлар қадар. — М. Алавия

Зафар ёр бизга, ғолиблик муқаррар. — Ҳабибий

Юзидаги ғазаб сўниб, табассум қалқди. Қиёфасидаги ғолиблик виқори ва мағлуб бўлганга шафқат акс этиб турарди. — С. Анорбоев, Оқсой

2. Ғолиб эканлик.

Кулгимиз бу — ғолиблигимиз, шодлигимиз, бахтиёрлигимиз белгиси. — Муштум

Тўлиқ мақола →
ғолибона
Изоҳли луғат · яна 4 та луғатда

Ғолибларга хос, ғолибларча; зафарли.

Ғолибона кўриниш. Ғолибона юриш.

— Ҳужрамга кирсанг, ҳаммасини билиб оласан, — деди у ғолибона бир тарзда. — С. Айний, Эсдаликлар

Башарият тарихи зулм, ҳақсизлик, талончилик даврини поймол этиб, эрк ва адолатнинг нурли асрига ғолибона юраётир. — Ойбек, Нур қидириб

Тўлиқ мақола →