Hayot Foundation loyihasi
Loyiha haqida
Oʻz
Oʻz

Qidiruv

«Faxr» boʻyicha 7 ta natija

Filtr
Boʻlim
Lugʻatlar Ertaklar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

7 ta
faxr
Izohli lugʻat · yana 7 ta lugʻatda

ot 1. Mamnunlik hissi, mamnuniyat; gʻurur, gʻururlanish.

Kasbni sevish, uning faxri bilan yashash va sadoqat bilan ishlash baxt kalitidir. — R. Usmonov, Odobnoma

Koʻzlarida nozik bir nur chaqnadi. U faxr oʻtimi yo qahr oʻti — bilib boʻlmadi. — M. Ismoiliy, Fargʻona tong otguncha

2. Maqtanishga, koʻz-koʻz qilishga, gʻururlanishga arziydigan narsa yoki kimsa, eng yaxshi namuna; iftixor obyekti.

Paxta — oʻzbek xalqining faxri.

Tarixiy va milliy yodgorliklar bizning milliy boyligimiz, cheksiz faxrimizdir. — Gazetadan

Bu sheʼr dahosiga ming yil umr ber! Bu elning faxridir, shoir Alisher. — Uygʻun va I. Sulton, Alisher Navoiy

  • Faxr qilmoq (yoki etmoq) Baʼzi odamlar paygʻambar yoshiga yetdim, deb quvonsa, Soli sovuq ham mingboshi yoshidaman, deb faxr qilardi. — M. Ismoiliy, Fargʻona tong otgunchaUzoq asrlardan kelayotgan madaniyatli ajdodlarim bilan ham faxr etaman. — Mirmuhsin, Umid
Toʻliq maqola →
faxriy
Izohli lugʻat · yana 7 ta lugʻatda

sft. 1. Alohida, katta hurmatga sazovor boʻlgan; eng hurmatli.

Faxriy aʼzolar. Jamoaning faxriy aʼzosi. Shahrimizning faxriy fuqarosi.

2. Alohida xizmatlari uchun hurmat yuzasidan beriladigan, taqdirlanadigan.

Faxriy yorliq. Faxriy unvon.

Oʻgʻlim bilan katta maydonda Egalladim bukun faxriy joy — H. Poʻlat.

3. Hurmat yuzasidan saylanadigan.

Oʻzbekiston Respublikasi Fanlar akademiyasining faxriy aʼzosi.

4. Hurmat, shon-sharaf va shuhrat baxsh etadigan, gʻururlanishga arziydigan.

Qisqa qilib aytganimizda, oʻzbek sanʼati va adabiyoti katta, lekin faxriy sinovdan oʻtdi. — T. Obidov, Yusufjon qiziq

5. Ijtimoiy-siyosiy hayotning, kasb-korning, Vatan mudofaasining biror sohasida uzoq muddat faoliyat koʻrsatgan shaxs. Nuroniy faxriylar jamgʻarmasi.

U barchaning hurmatiga sazovor mehnat faxriysidir. — Gazetadan

  • Faxriy qorovul 1. Biror davlat arbobi yoki rasmiy kishilar hurmati uchun qoʻyiladigan (saf qilinadigan) harbiy boʻlinma. Oʻzbekiston Respublikasi Prezidenti Islom Karimov sharafiga faxriy qorovul saf tortdi. — Gazetadan
Toʻliq maqola →
faxrli
Izohli lugʻat · yana 3 ta lugʻatda

sft. Hurmat, shon-sharaf keltiradigan; faxrlansa arziydigan; sharafli.

Onalarimizning kundalik, tinimsiz mehnati faxrli va olijanob mehnatdir. — Saodat

Faxrli kasb egasi — ximik boʻlganim uchun ich-ichimdan quvonaman. — Gazetadan

Toʻliq maqola →
faxriya

ot Sharq mumtoz sheʼriyatida: shoir tomonidan oʻz ijodi, isteʼdodi va fazilatlarini maqtab yozilgan sheʼr, shoirning oʻz ijodi bilan faxrlanib aytgan soʻzlaridan iborat janr.

Faxriya desam ham loyiqdir sheʼrim, Axir, ona boʻlding, ham boʻlding qizlik! — H. Gʻulom, Guldasta

Toʻliq maqola →
faxrlanmoq
Izohli lugʻat · yana 8 ta lugʻatda

fl. Biror kimsa, narsa yoki erishilgan yutuq tufayli mamnun boʻlmoq; gʻururlanmoq.

Doʻstlaringning soni bilan emas, sodiqligi bilan faxrlan. — Shuhrat, Shinelli yillar

Shunday yigitning yori ekanidan faxrlanayotgani koʻzidan, chimirilgan qoshlaridan bilinar edi. — Shuhrat, Shinelli yillar

Toʻliq maqola →