Qidiruv

ot Kishidagi tez va toʻgʻri fahmlay olish qobiliyati, sezgisi; fahm; zakovat; did.

Farosatni befarosatdan oʻrgan. — Maqol

Til — aqlning qilichi, farosat — gʻilofi. — Maqol

Atirgullar hovlilarga fayz kiritgan — bu esa hovli egasining did-u farosatini koʻrsatib turardi. — Mirmuhsin, Umid

Bolani tarbiyalashga farosati yetmagan kishigina uning ustidan shikoyat qiladi. — R. Usmonov, Odobnoma

sft. Fahmli, aqlli, didli. Farosatli odam.

Oʻzi juda farosatli, dono, dostonchi chol. — M. Osim, Karvon yoʻllarida

Bahrombek oilada koʻproq otasiga tortgan, xayolchan, kamgap, ishni pishiq qiladigan, farosatli oʻgʻil edi. — Yoshlik

sft. Aql bilan ish tutmaydigan; fahmsiz, didsiz; pala-partish.

Farosatsiz bola. Farosatsiz — falokatga yoʻliqar. — Maqol

Farosatsiz, didsiz, nodonda koʻz doimo koʻr, oyoq sholdir. — Nurbek, Umid yoʻli

ruschaнесообразительность, недогадливостьinglizchaslow-wits, slow-wittednessfransuzchabêtise, inintelligencearabchaعَدَمُ الْفِرَاسَةِ

ot Aql-farosat, fahm, idrok.

Did-farosati bor ayol. Did-farosatga ega boʻlmoq.

ot Fahm va farosat, aql, idrok.

Aql, fahm-farosat bilan koʻngilni yoʻlga solib turish kerak. — A. Qahhor, Asror bobo

U shu mahalgacha hech kim payqamagan haqiqatga idroki yetgan shogirdining fahm-farosatiga qoyil qoldi. — M. Osim, Karvon yoʻllarida

a quick-witted and clever, bright, sharp, witty

aqıl-parasatsız

aqıl-parasatlılıq

aqıl-parasatsızlıq

sft. Fahm-u farosati yoʻq, uncha-munchaga farosati yetmaydigan, betamiz.

Befarosat odam.

Yomon yoʻllarga boshlovchi rafiq-u oshnodan kech, Rasolarga yaqin boʻl, befarosat, norasodan kech. — Habibiy

— Ertaga ishga tushavering! — dedi u. Buni eshitib xursand boʻlganimni koʻring. Buncha befarosat boʻlmasam-a. — Yoshlik

ot Fahm-u farosat bilan ish koʻra olmaslik, befahmlik, farosatsizlik. Befarosatlik qilibman, kechirasiz!

Koʻpchilik bu odamni /Madaminni “Ariq oqsoqol“, sevmaganlar esa, kallasining kattaligi va befarosatligi uchun, Madamingov der edi. — P. Tursun, Oʻqituvchi