Проект Hayot Foundation
О проекте
Ру
Ру

Поиск

По запросу «Eshi» — результатов: 166

Фильтр
Раздел
Словари Сказки Диалекты
Тип словаря
Толковый Переводной Терминологический Фразеологический
С языка
Узбекский Английский Турецкий
На язык
Узбекский Русский Английский Каракалпакский Немецкий Французский Арабский Турецкий

← Все результаты

Словарные статьи

166 · страница 1 из 9
esh

1. Oʻrtoq, hamdam, yoʻldosh, sherik

Koʻp oʻtmay, yangi shahardagi boshlangʻich maktabga muallim boʻlib kirdi, bilimli rus, qozoq yigitlaridan doʻst-esh orttirdi — A. Muxtor, Chinor

Hasratiga quloq sol, hasratiga boʻlgil esh — T. Toʻla

Koʻpincha bu hazil-huzullarda ular bir-biriga esh boʻlishardi — N. Norqobilov, Bekatdagi oq uycha

3. shv. Bola tugʻilgandan keyin tushadigan qobiqning qoldigʻi; yoʻldosh

4. Esh (erkaklar ismi)

Полная статья →
eshik

ot 1. Uy, xona, bino yoki hovlining kiraverishida oʻrnatiladigan, ochib-yopib turiladigan qurilish buyumi.

Ikki tabaqali eshik. Oʻymakor eshik. Kabinet eshigi. Koʻcha eshigi. Hovli eshigi. Eshikni ochmoq. Eshikni taqillatmoq. Mehmon kelar eshikdan, Rizqi kelar teshikdan. — Maqol

Dildor shart oʻrnidan turdi-yu, eshikni qarsillatib yopib chiqib ketdi. — S. Ahmad, Ufq

2. Umuman, odam, jonivor, narsalar joylashadigan qurilma, moslamalarning kirib-chiqiladigan, ochilib-yopiladigan qismi. Mashinaning eshigi. Samolyotning eshigi. Qafasning eshigi.

Avtobusning eshigi ovozsiz ochildi: — Marhamat, chiqinglar. — X. Toʻxtaboyev, Shirin qovunlar mamlakati

Bu oʻrtada soat eshigi ochilib, kakku qush chiqdi-da: Kakku! Kakku!, deb yana kirib ketdi. — U. Ismoilov, Saylanma

[Mirzakarimboy:] Eshigimda juda koʻp odamlar ishlagan. — Oybek, Tanlangan asarlar

— Eshigini topa oldingizmi? — Topdim. Aytganingizdek, uning eshigini Toshkentda har kim bilar ekan. — A. Qodiriy, Oʻtgan kunlar

4. Tashqari, tashqi maydon, koʻcha.

Eshik sovuq.

5. koʻchma Bir maqsadga, yerga yetishish, erishish yoʻli, imkoniyat yoʻli.

Baxt eshigi koʻrinib turibdi. — H. Gʻulom, Mashʼal

Barcha orzular eshigi deyarli yopiq edi. — N. Safarov, Jasoratning tugʻilishi

  • Eshik supurmoq 1. Hovli supurmoq; Eshigimni supursin bu Qoʻmondon, Boʻlsin barcha qilganiga pushaymon. — H. Olimjon[Jamila:] Men sizni oʻla-oʻlguncha duo qilay, loyiq koʻrsangiz, choʻringiz boʻlib, eshigingizni supuray. — Hamza, Boy ila xizmatchi
  • Eshikka chiqmoq 1. Uydan, xonadan tashqariga, hovliga chiqmoq. Koʻrpacha yozib, uni oʻtkazgach, men hozir, deb eshikka chiqib ketdi. — S. Karomatov, Oltin qumPazarboy eshikka chiqib qarasa, bu chodirdan boshqa chodirlar koʻp, odamlar son-sanoqsiz — Oy-suluv
  • Eshik ogʻa (yoki ogʻasi) Oʻrta Osiyo xonliklarida xon saroyidagi bosh xizmatkor; oliy hukmdorning turli qabul marosimlarini oʻtkazish ishlariga mutasaddi boʻlgan shaxs. Eshik ogʻa kirib, arkoni davlatning hozir boʻlganini bildirgach, Husayn Boyqaro kirishga ijozat berdi. Oybek, — Navoiy
  • Eshik qoqmoq 1. Eshikni taqillatmoq; Bahor eshik qoqyapti.Ayniqsa, eshik qoqib yoz keldi-yu, xayol toʻrt yoqqa sochilib, vaqt yetishmay qoldi. — H. Nazir, Yonar daryo
Полная статья →
eshilmoq

fl. 1. Eshmoq I 1 feʼlining oʻzlik va majhul nisbati.

Ot beliga torta berdi sayislar Ipakdan eshilgan mayin ayildi. — Oysuluv

2. koʻchma Kokil kabi taralmoq, ipakday mayin osilib sochilmoq.

Qora zulfing eshilgandir tol-tol — Murodxon

Qahrabodek sap-sariq sabzi uning pichogʻi ostida ipak singari eshilib, taralib chiqar edi. — A. Muxtor, Chinor

3. koʻchma Muloyim harakat, holat kasb etmoq (shaxs haqida).

Toʻxtang! — dedi juvon noz bilan eshilarkan. — N. Aminov, Yolgʻonchi farishtalar

Bunaqa paytda ogʻzimizdan bol tomib, oʻzimiz ham eshilib ketamiz. — X. Toʻxtaboyev, Shirin qovunlar mamlakati

Полная статья →
eshitmoq

fl. 1. Tovushni eshitish aʼzosi orqali qabul qilmoq; qulogʻiga kirmoq, chalinmoq.

Kimningdir ingraganini eshitdi. Otning kishnaganini eshitdi.

Saodatxonning oyoq sharpasini eshitib, sekin koʻzlarini yumdi. — S. Zunnunova, Yangi direktor

Otasining xurragini eshitib, koʻngli ravshan tortdi. — M. Ismoiliy, Fargʻona tong otguncha.

2. Diqqat-eʼtibor bilan, maʼno, mazmunini ham anglash, oʻzlashtirish maqsadida quloq bermoq; tinglamoq.

U Meʼmorning gaplarini eʼtiroz bildirmay eshitar, bosh qimirlatib tasdiqlardi. — Mirmuhsin, Meʼmor

Uz umrimda koʻp odamlarni koʻrganman, koʻplarning sarguzashtlarini eshitganman. S. — Ahmad, Yulduz

3. Xabar topmoq, xabardor boʻlmoq, eshitib bilmoq.

Doston bitibdi, deb eshitdik, ogʻa. Qachon oʻqiysiz? — S. Siyoyev, Yorugʻlik

Changʻi saylini ham oʻzing oʻylab topding. Bilarding, opang eshitib qolsa, adabingni berishini. — Oʻ. Hoshimov, Qalbingga quloq sol

  • Gap eshitmoq Soʻkish, qargʻish va shu kabilar mazmundagi tanbeh olmoq. Qilar ishni qilgan Pismiq-ku, mana endi men gap eshityapman. — E. Rayimov, Ajab qishloq
Полная статья →