Hayot Foundation loyihasi
Loyiha haqida
Oʻz
Oʻz

Qidiruv

«Erkak» boʻyicha 16 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

16 ta
erkak
Izohli lugʻat · yana 8 ta lugʻatda

ot 1. ayn. Er 1, 2.

Erkak jinsi.

Doya kelgandan soʻng, ichkari hovli erkak zotidan tozalandi. A — Qodiriy, Oʻtgan kunlar

Bilmadim, xotin tortingani uchun erkak tegishgisi keladimi, erkak tegishadigan boʻlgani uchun xotin tortinadimi? — A. Qahhor, Qoʻshchinor chiroqlari

2. Er jinsidagi hayvon, jonivor.

Erkak mushuk. Erkak qoʻy. Erkak gʻoz.

Xotinim qiz tugʻdi, deb xafa boʻlma, sherning erkak va urgʻochisi baravar. — Yoshlik

  • Erkak novda Mevali daraxt, oʻsimlikning yaxshi hosil bermaydigan, hosilga yaroqsiz novdasi. Ensasi qotib, uzun bir erkak novdani shartta qaychilab, shiddat bilan sugʻurib oldi. Shu behosil novda Sodir toʻnkaga oʻxshab ketdi. — Shuhrat, Jannat qidirganlar
  • Erkak sabzi Oʻzagi yogʻochday qotgan, ishlatishga deyarli yaroqsiz sabzi; erkaklagan sabzi. — Puli bor-ku yeydi, puli yoʻq-chi, — baland ovoz bilan soʻradi, erkak sabziga oʻxshagan bir eski chopon. — K. Yashin, Hamza
  • Erkak supurgi
Toʻliq maqola →
erkaklik
Izohli lugʻat · yana 1 ta lugʻatda

ot Erkaklarga xos narsa, belgi-xususiyat, xatti-harakat va shu kabilar

Qandaydir parivashning olovli jozibasi, husn-malohati uning erkaklik qoniga oʻt tashlab yuborgan edi. — K. Yashin, Hamza

— Xotinlarim, — dedi boy, — menda erkaklikdan biror narsa qolmaganini biladilar, uylanishimdan ular uchun biron zarar yoʻq. — S. Ayniy, Qullar

Toʻliq maqola →
erkaklamoq
Izohli lugʻat · yana 2 ta lugʻatda

fl. Yetilgan, yaroqli vaqti oʻtib qotmoq, yaroqsiz yoki deyarli yaroqsiz holga kelmoq, yaxshi hosil bermaydigan boʻlib oʻsmoq (baʼzi oʻsimlik va ularning mevasi haqida).

Erkaklagan sabzi.

Erkaklab ketgan piyozdek bu novcha yosh bek ogʻzidan hech qachon shirin gap chiqmagan — Mirmuhsin, Meʼmor.

Mana bu yoʻgʻon, boʻgʻinlari bir-biridan uzoq novda erkaklab ketgan, uni shartta olib tashlash kerak. — M. Osim, Tilsiz guvoh

Toʻliq maqola →
erkakshoda
Izohli lugʻat · yana 1 ta lugʻatda

sft. Erkaklarga oʻxshash xatti-harakatli.

Shaddod, gapini birovga bermaydigan, erkakshoda Asrora zvenoga boshliq boʻldi. — S. Ahmad, Ufq

Toʻliq maqola →
erkakchalish
Izohli lugʻat · yana 1 ta lugʻatda

ot 1. Erkaklarga oʻxshagan, erkaksimon.

Ertagi kun nima qiladi bu erkakchalish sekretarda?! — S. Anorboyev, Oqsoy

2. Erkaklarcha, erkakcha.

Faqat cholgina Komilaning erkakchalish qiliqlarini yoqtirmaydi, yigit boʻlsa, kallakesar boʻlardi, deb yuradi. — A. Muxtor, Chinor

Toʻliq maqola →