ot 1. Manbaidan quyilish joyi tomon tabiiy oʻzandan doimiy ravishda oqib turadigan katta suv.
Zarafshon daryosi. Azim daryo. Daryo suvi. Daryo boʻyi. Oʻtirgan — boʻyra, yurgan — daryo. — Maqol
Tomchi toshib boʻlguncha, daryo oqib boʻlar. — Maqol
Pastlikda Chorvoqdan favvora boʻlib otilib chiqayotgan suv daryo hosil etib, olgʻa boryapti. — Gazetadan
Kechasi daryo shunaqa chiroyli boʻladiki, Kanizakxon! — A. Qahhor, Qoʻshchinor chiroqlari
2. koʻchma Koʻp miqdordagi narsalar haqida.
Xayol daryosi.
Botir yorim, bilaman, siz qaygʻu daryosiga mendan chuqurroq botdingiz. — Oybek, Tanlangan asarlar
Odamlar daryosi yangi shahar tomonga oqardi. — P. Tursun, Oʻqituvchi
Quyosh botgan. Lekin uning olov daryosi turli ranglar bilan tovlanib, cheksiz bir parda kabi ufqlarda mavjlanadi. — Oybek, Tanlangan asarlar
3. koʻchma Bitmas-tuganmas; boy; keng.
Taqsirimning ilmlari juda daryo, oʻzlari Buxoroda xatmi kitob qilganlar! — A. Qodiriy, Mehrobdan chayon
Xudoyimning bir daryosi gʻazab boʻlsa, ming daryosi rahmat. — Hamza, Tanlangan asarlar
4. esk. ayn. Dengiz.
5. yoki Shoʻr daryo Daryoyi shoʻr Kaspiy dengizi.
Bu argʻumogʻingiz bilan Daryoyi shoʻrgacha yetasiz. — Oybek, Navoiy
6. koʻchma Boylik, xazina.
Sanʼatkor xalq tili daryosidan oʻrinli foydalana olsa, bir qatrasi bilan serzavq, ancha baquvvat gullar koʻkartira oladi. — OʻTA
7. koʻchma Oʻtib ketuvchi, oʻtkinchi.
Hayhot! Yoshlik, bolalik bir daryo — oqdi-ketdi. Ming afsus. — K. Yashin, Hamza
8. koʻchma Oqim, kechmish; tarz.
Oqibatda turmush daryosi istagan tomonga oqizdi. — Sh. Rashidov, Boʻrondan kuchli
Hamma narsa oʻz yoʻlidan borar, hayot daryosi uni oʻzining oʻynoqi toʻlqinlariga mindirib, hamon olgʻa surardi. — Oʻ. Hoshimov, Qalbingga quloq sol
- Daryo boʻlmoq 1. Oz-ozdan qoʻshilib, koʻpayib, daryoga aylanmoq. Oz-ozdan oʻrganib, dono boʻlur, qatradan koʻpayib, daryo boʻlur. — MaqolBirlashgan daryo boʻlur, Tarqalgan irmoq boʻlur. — MaqolKoʻz yoshi daryo boʻlib oqdi.Yuragim daryo boʻlib Toshdi sevinch qirgʻogʻidan. — Yo. MirzoDaryodan bir tomchi, Toʻngʻizdan bir tuk. — MaqolBu aytganlarim daryosidan bir tomchigina!. — Nazir, Soʻnmas chaqmoqlar
- Yuragi daryo ayn. yuragi keng Hammaning yuragi senikiga oʻxshagan daryomi? — Oydin, FarhodlarBuncha yuragingiz daryo boʻlmasa, javrayverib jagʻim toldi, yo ha, yo yoʻq, demaysiz. — Mushtum