Qidiruv

sft. 1. Dangal ish tutadigan, qoʻrqib, hadiksirab oʻtirmaydigan; dovyurak.

Dadil bola. Dadil xotin.

Rahimberdi oʻziga ishongan, dadil yigit edi, ishlab charchamasdi. — X. Toʻxtaboyev, Felyetondan soʻng

Qadami, tovushi dadil. Har qanday mushkuldan man tortmay, tikka qarshi boradigan dovyurak odam koʻrinadi. — A. Muxtor, Asarlar

2. Shijoat bilan toʻlib toshgan; jasurona, mardonavor, shaxdam.

Dadil qadamlar.

Xalq dadil boradi. Ayniqsa xotinlar — onalar jasur. — Oybek, Tanlangan asarlar

Tursunboy togʻli qishlogʻi tomon jiddiy, dadil odim tashlab boryapti. — Oʻzbekiston qoʻriqlari

Sherimbek dadil borib, Bobur mingan boʻz otning oltin bezakli yuganidan oldi. — P. Qodirov, Yulduzli tunlar

Mehnat qilgan odam doim boshqalarning yuziga dadil qaraydi. — T. Ashurov, Oq ot

3. Qoʻrqmay, ishonch bilan, bemalol, tortinmay.

Dadil javob. Dadil tanqid.

Uzoqdan boʻlsa-da, Yoʻlchiga dadil qaraydi, baʼzan yashirin iljayadi. — Oybek, Tanlangan asarlar

Dadil tashlayotgan qadamlariga qaraganda, unda ikkilanishdan asar ham yoʻq. — Gazetadan

— Nima yordam kerak, tortinmay, dadil murojaat qilavering, — dedi Boymirzayev. — Oʻzbekiston qoʻriqlari

Maʼruf Nazarov kinematografiya, dramaturgiya sohasida ham dadil qalam tebratyapti. — X. Yodgorov, Hayot toʻlqinlari

4. Jismoniy, maʼnaviy jihatdan baquvvat; tetik, bardam.

Elmurod odamlar toʻlqinida Fotima bilan yonma-yon yurarkan, oʻzini har vaqtdagidan dadil va yengil sezdi. — P. Tursun, Oʻqituvchi

Darmoni qurigan yigit oʻzini dadil tutishga tirishar, lekin munkib-munkib ketar edi. — J. Sharipov, Xorazm

Shundan keyin Normat oʻzini yanada dadil sezdi. — I. Rahim, Chin muhabbat

5. Moddiy jihatdan oʻzini tutib olgan; boy-badavlat.

Jamoa xoʻjaligimiz bu yil ancha dadil boʻlib oldi. — Gazetadan

6. koʻchma Eng muhim, dolzarb, zaruriy.

eng dadil gʻoyalarni oʻrtaga tashlab, uni roʻyobga chiqargan irrigatorlarning mardligi haqida hikoya qiladi. — Oʻzbekiston qoʻriqlari

n bravery, courage, boldness, daring, audacity

ot Jismonan va ruhan oʻziga ishonganlik, baquvvatlik; dangallik, dovyuraklik, tetiklik.

Ish juda soz boshlandi. Endi oxirigacha silliq ketsin. Buning uchun birinchi galda dadillik kerak. — Oybek, Tanlangan asarlar

Sanʼatkorda kuch va ishonch, erk va dadillik boʻlmas ekan, u oʻz maqsadiga erisha olmaydi. — F. Musajonov, Himmat

Bu taklif Temirjonda andak dadillik uygʻotdi. — J. Abdullaxonov, Oriyat

rvsh. Qoʻrqmay, jasurlik bilan, mardonavor.

Dadilona olgʻa bormoq.

U qullikka, jabr-zulm siyosatiga dadilona qarshi chiqdi. — Gazetadan

fl. Oʻziga ishonchi ortmoq; tetiklanmoq, oʻziga kelmoq.

Nodirov zaldagilarga qarab oldi, oʻzining jangovar doʻstlarini, dongʻi ketgan olovkorlarni koʻrib, dadillandi. — I. Rahim, Taqdir

Gazagiga yaxna goʻsht yeb, ancha dadillandi. — K. Yashin, Hamza

fl. Tobora dadillanib, shijoat va tetikligi ortib bormoq.

Gorbunov yana ham dadillashdi. — Shuhrat, Shinelli yillar

Doʻstlarining oʻziga tikilib turganini koʻrib, Sattor dadillashdi. — Shuhrat, Shinelli yillar

fl. Dadillanmoq feʼlining orttirma nisbati.

fl. Dadillashmoq feʼlining orttirma nisbati.

fl. Dadillantirmoq feʼlining majhul nisbati.

ruschaСамообладание — это метод воспитания, сущность которой состоит в способности самонаблюдения и контроля за внутренними интеллектуально эмоциональными психофизиологическими процессами личности. Самообладание укрепляет волю, организует поведение, стимулирует сознательное проявление смелости, отваги и вместе с тем, расчетливости, взвешенности.inglizchaSelf-control is a method of upbringing, the essence of which is the ability to self-observe and control the internal intellectually emotional psycho-physiological processes of the individual. Self-control strengthens the will, organizes behavior, stimulates a conscious manifestation of courage, courage and at the same time, prudence, balance.

sft. 1. Quvlik-shumlikni bilmaydigan, koʻngli ochiq, sofdil.

Soddadil yigit.

Bu soddadil cholning kuyib-pishib otini maqtashidan atrofdagilar ham zavqlanib kulishdi. — Mirmuhsin, Meʼmor

2. Sodda, goʻl.

Qovun sayil mavsumi va koʻklam choqlarida bir talay soddadil va nodon odamlar qoʻy, qoʻchqor va buzoq yetaklab, shayxlarga nazir qilardi. — M. Muhammadjonov, Turmush urinishlari

ot 1. Quvlik-shumlikni bilmaslik; sofdillik; goʻllik, laqmalik.

Shoʻxlik va quvnoqlik, samimiylik va soddadillik bolalarga xos xususiyatlardir. — Gazetadan

Soddadillik qilib, firib yedi-yu, qahramonlik qilib, oʻzini oqladi. — N. Safarov, Jangchi shoir

2. Soddadil kishilarga xos ish, xatti-harakat.

Haydarning soddadillik bilan hech narsani yashirmay ochiq aytishi, hatto amakisining chizgan chizigʻidan chiqmasligini tan olaverishi uning oqkoʻngil odamligini bildiradi. — E. Usmonov, Yolqin