Проект Hayot Foundation
О проекте
Ру
Ру

Поиск

По запросу «ChOR» — результатов: 167

Фильтр
Раздел
Словари Сказки Диалекты
Тип словаря
Толковый Переводной Терминологический Фразеологический
С языка
Узбекский Русский Английский Латинский Турецкий
На язык
Узбекский Русский Английский Каракалпакский Немецкий Французский Арабский Турецкий

← Все результаты

Словарные статьи

167 · страница 1 из 9
chor

ot Toʻrt, toʻrtta.

Chor fasl.

Qochay desa, chor atrofi berkildi maydon ichinda. Ergash Jumanbulbul oʻgʻli.

  • Chor aylanmoq Gir aylanmoq. [Mahmud] Attorlik doʻkon egasi sifati bilan savdo bozorini chor aylana boshladi. — N. Safarov, Niqob yirtildi.
  • Chor ishkal Qoʻl, oyoq, koʻz va quloq.
  • Chor ishkali but 1. Toʻrt muchasi but, sogʻlom;
  • Chor ulfat yoki ulfati chor Toʻrt ulfat, toʻrt doʻst; ulfatlar, doʻstlar. Ulfati chor, anda maza bor. Matal.Bu ulfati chor ichida katta sallali, oppoq soqolli, lekin vajohati yigitday bir keksa kishi., diqqatni oʻziga jalb etadi. — Oybek, Tanlangan asarlar
Полная статья →
chora

ot 1. Biror ishni, maqsadni amalga oshirish, roʻyobga chiqarish yoki uning oldini olish uchun puxta oʻylab tuzilgan, ishlab chiqilgan tadbirlar majmui; iloj, tadbir.

Soʻnggi chora. Keskin choralar. Ehtiyot choralari. Kasallikka qarshi kurash choralari.

Zavod iqtisodini koʻtarish choralarini izlab topish eng dolzarb masala boʻlib turibdi. — Gazetadan

2. Biror qiyinchilikdan, murakkab vaziyatdan qutulish yoʻli; iloj.

Chora izlamoq. Chora topmoq.

Qayin otangiz, ehtimol, buning biror chorasini topar! — A. Qodiriy, Oʻtgan kunlar

U [Temur Malik] moʻgʻullarga pand berib, ularni qirib tashlash chorasini izlardi. — Mirmuhsin, Temur Malik

Dolon oʻrtasida tezak tutab turadi. Bu chivinlardan saqlanish uchun bir chora. — J. Sharipov, Xorazm

4. 3) jazo, tanbeh bermoq.

Qayerda qoʻy yoʻqolsa, Aybdor — biz, boʻrilar. Yegan mudir-ku, unga Qachon chora koʻrdilar? — Gazetadan

  • Jazo choralari Maʼmuriy yoki sud yoʻli bilan beriladigan jazolar.
  • Maʼmuriy choralar Maʼmuriy yoʻl bilan beriladigan jazolar.
  • Chora koʻrmoq Tadbir koʻrmoq; biror maqsadni, ishni amalga oshirish yoki uning oldini olish uchun zarur sharoit yaratmoq. Vrachlar mumkin boʻlgan barcha tibbiy choralarni koʻrdilar. — Fan va turmush;
Полная статья →
chorak

ot 1. Toʻrtdan bir ulush; teng toʻrt boʻlakning har biri.

Chorak asr. Chorak kam bir soat.

Men Abdulla Qahhor bilan chorak asr turmush kechirib, Xotinni xotin qiladigan ham er degan xulosaga keldim. — K. Qahhorova,Chorak asr hamnafas

2. Oʻquv yilining toʻrtdan bir qismi.

Birinchi chorak. Chorak baholari.

Uchinchi chorakning oxiri edi. — Yoshlik

Usha yili kuzda Begimxon yettinchi sinfning birinchi choragidan ketib qoldi. — I. Rahim, Chin muhabbat

3. shv. Baʼzi hududlarda besh pud (87,36 kg) ga, baʼzi joylarda besh qadoqqa, yaʼni ikki kilogrammga (kichik chorak), baʼzi joylarda esa oʻn qadoqqa, yaʼni 4,1 kg ga (katta chorak) teng ogʻirlik oʻlchovi.

[Qodirqul:] Unday boʻlsa, meni bankaga tashlab kelasan-da.. ombordan yarim chorak guruch olib, sekingina bogʻ tomondan Nurmat akangnikiga oʻtkazib qoʻyasan. — Hamza, Burungi saylovlar.

Полная статья →
choriq

ot Qattiq xom teridan tikilgan, asosan togʻlik hududlar xalqlari orasida rasm boʻlgan oyoq kiyimi.

Nodonni siylasang, chorigʻi bilan toʻrga chiqar. — Maqol

Omon mergan mahsi ustidan choriq kiyib olgan, oyogʻi yengil, qorga botmasdi. — Sh. Xolmirzayev, Bodom qishda gullari

  • Choriq sudramoq Biri ikki boʻlmay, hech narsaga yolchimay kun kechirmoq. Qiyinchilikka qiyin, bolam. Lekin chorigimizni sudrab yuribmiz. — Oybek. Tanlangan asarlar.
  • Yuzi choriq Yuzi shumshuk; yuzi xunuk. Borning yuzi yorugʻ, yoʻqning yuzi choriq. — Maqol
Полная статья →
chorsi

1. sft. tar. Toʻrt tomoni teng toʻrtburchak shaklidagi; kvadrat.

Chorsi roʻmol. Chorsi hovuz.

Novdalari qirqilaverib toʻmtoq kallak boʻlib qolgan qator tut daraxtlari chorsi kartalarni ajratib turibdi. — Mirmuhsin, Umid

U kattakon chorsi qiyiqchaning bir uchidan tutib silkitdi. — Oʻ.Hoshimov, Ikki eshik orasi

2. shv. ot Belbogʻ, qiyiqcha.

Bobur mijjalarida yiltiragan tomchilarni ipak chorsi bilan artishdan istihola qilmadi. — X. Sultonov, Bir oqshom ertagi

Mulla Chori, qoʻlida tuproq solingan koʻk chorsi, Gʻaybarovning yoniga keldi. M. M. — Doʻst, Galatepaga qaytish.

3. shv. ot Katta roʻmol.

Kampir negadir oq surp chorsisining uchini labiga qistirib olgan, yuzi sirliroq koʻrinardi. M. M. — Doʻst, Galatepa qissalari

Qarshimda oppoq chorsiga oʻralgan bor dunyosi farishtaday ulugʻ siymo turardi. — A. Nurmurodov, Urush bevalari

Yuzlarini tilim-tilim ajin qoplagan qaynonasi doka chorsisining uchlarini kiftlariga yelvagay tashlagan koʻyi mushtdek kichrayib oʻtirardi. — N. Qilichev, Chigʻiriq

4. Tarixiy shaharlarda: usti yopiq savdo-sotiq joyi, yaʼni bozorning markaziy, rastalar kesishgan joyi; umuman, savdo-sotiq joyi.

Avazxon bunday qarasa, shahar chorsu bilan registondan iborat ekan. Gulshanbogʻ. Xivada chorsu doʻkonlari koʻproq Ota va Polvon darvozalar koʻchalari boʻylab joylashgan edi. — OʻzME

Полная статья →